ଭୁବନେଶ୍ୱର, ଅଗଷ୍ଟ ୧୬(ଲୋକାଲ ୱାୟାର): ରେଳ ଲାଇନର ଆଧୁନିକୀକରଣ କାମ ଚାଲିଥିବାରୁ ଆସନ୍ତା ୨୦ ତାରିଖରେ ଭୁବନେଶ୍ୱର-ପୁନେ ଏକ୍ସପ୍ରେସ୍ ଏବଂ ୨୨ ତାରିଖରେ ପୁନେ-ଭୁବନେଶ୍ୱର ଏକ୍ସପ୍ରେସ୍ ବାତିଲ କରାଯିବ ବୋଲି ପୂର୍ବତଟ ରେଳବାଇ ପକ୍ଷରୁ ଶୁକ୍ରବାର ସୂଚନା ଦିଆଯାଇଛି ।
ସେହିପରି ଅଗଷ୍ଟ ୧୬ ରୁ ୨୨ ତାରିଖ ପର୍ଯ୍ୟନ୍ତ ଭୁବନେଶ୍ୱର-ମୁମ୍ବାଇ ଓ ୧୭ରୁ ୨୩ ତାରିଖ ପର୍ଯ୍ୟନ୍ତ ମୁମ୍ବାଇ-ଭୁବନେଶ୍ୱର କୋଣାର୍କ ଏକ୍ସପ୍ରେସ ଗତିପଥରେ ପରିବର୍ତ୍ତନ ହେବ ବୋଲି ରେଳବାଇ ପକ୍ଷରୁ କୁହାଯାଇଛି ।
ସେଣ୍ଟ୍ରାଲ ରେଲୱେର ସୋଲାପୁର-ୱାଡି ସେକ୍ସନ ଅଧୀନରେ ୱାଡସିଙ୍ଗେ ଓ ଭାଲୱାନି ଷ୍ଟେସନ ମଧ୍ୟରେ ଲାଇନ ଦୋହରୀକରଣ କାମ ଚାଲିଥିବାରୁ ଟ୍ରେନ ଚଳାଚଳରେ ପରିବର୍ତ୍ତନ ହୋଇଛି ।
ଏହି ସମୟରେ କୋଣାର୍କ ଏକ୍ସପ୍ରେସ ମାନମାଡ-ଔରଙ୍ଗାବାଦ-ଲଚମିପୁର-ପାର୍ଲି ଭାଇଜନାଥ-ଭିକାରାବଦ ଦେଇ ଉଭୟ ପାଶ୍ୱର୍ରୁ କୋଣାର୍କ ଏକ୍ସପ୍ରେସ୍ ଚଳାଚଳ କରିବ ବୋଲି ପୂର୍ବତଟ ରେଳବାଇ ସୂଚନା ଦେଇଛି ।
ଲୋକାଲ ୱାୟାର
