ଅନ୍ ଲାଇନରେ ନିଆରା ଜନ୍ମଦିନ ପାଳିଲେ ଅଭିନେତା ଆକାଶ

ଭୁବନେଶ୍ୱର, ସେପ୍ଟେମ୍ବର ୧୭(ଲୋକାଲ ୱାୟାର): ୩୯ ବର୍ଷରେ ପାଦ ଥାପିଛନ୍ତି ଆକାଶ ।

ବେଶ୍ ନିଆରା ଢଙ୍ଗରେ ପାଳିତ ହୋଇଛି ଏଥର ଆକାଶଙ୍କ ଜନ୍ମଦିନ ।

ଦିବ୍ୟଜ୍ୟୋତି ସେବାଶ୍ରମ ଏବଂ ଆଶାକିରଣ ଓଲ୍ଡ ଏଜ୍ ହୋମ୍ ପକ୍ଷରୁ ଅନ୍ତେବାସୀମାନେ ଅନଲାଇନରେ ଆକାଶଙ୍କ ଜନ୍ମଦିନ ପାଳନ କରିଥିବା ବେଳେ ଆକାଶ ମଧ୍ୟ ଭିଡିଓ କଲ୍ ମାଧ୍ୟମରେ ସେମାନଙ୍କ ସାଥିରେ ସାମିଲ ହୋଇ ସେମାନଙ୍କୁ ଧନ୍ୟବାଦ ଜଣାଇଛନ୍ତି ।

ଅଭିନେତା, ପୂର୍ବତନ ବିଧାୟକ ତଥା ‘ମୋ କଲେଜ\’ ଅଧ୍ୟକ୍ଷ ଆକାଶ ଦାସ ନାୟକଙ୍କୁ ଜନ୍ମଦିନ ଅବସରରେ ତାଙ୍କର ଅଗଣିତ ପ୍ରଶଂସକ ଓଡ଼ିଶାର କୋଣଅନୁକୋଣରୁ ଶୁଭେଚ୍ଛା ଜଣାଇଛନ୍ତି ।

ବିଭିନ୍ନ ମହଲରୁ ଶୁଭେଚ୍ଛାର ସୁଅ ଛୁଟିଛି । ତେବେ ଆଶାକିରଣ ଓଲ୍ଡ ଏଜ୍ ହୋମ୍ ଓ ଦିବ୍ୟଜ୍ୟୋତି ଆଶ୍ରମର ବରିଷ୍ଠ ନାଗରିକ ତଥା କୁନିକୁନି ପିଲାମାନେ ଯେଉଁଭଳି ଭାବେ ଆକାଶଙ୍କ ଜନ୍ମଦିନ ପାଳନ କରିଛନ୍ତି ତାହା ବେଶ୍ ନିଆରା ।
.ବରିଷ୍ଠମାନେ ଜଣାଇଛନ୍ତି ଶୁଭେଚ୍ଛା, ପିଲାଏ କାଟିଛନ୍ତି କେକ୍ । ତା\’ ସାଙ୍ଗକୁ ପୁଣି ନାଚଗୀତ । ସବୁକିଛି ଅନଲାଇନରେ ।

କରୋନା ମହାମାରୀ ଯୋଗୁ ଅନେକ କଟକଣା ଦେଇ ଗତି କରିବାକୁ ପଡୁଛି । ସମସ୍ତଙ୍କ ମନରେ ସଂକ୍ରମଣର ଭୟ ମଧ୍ୟ ରହିଛି ।

ଏଭଳି ପରିସ୍ଥିତିରେ ସମସ୍ତେ ଏକାଠି ହୋଇ ଜନ୍ମଦିନ ପାଳିବା ଆଦୌ ସମ୍ଭବପର ନୁହେଁ ।

ତେଣୁ ଦିବ୍ୟଜ୍ୟୋତି ସେବାଶ୍ରମ ଓ ଆଶାକିରଣ ଓଲ୍ଡ ଏଜ୍ ହୋମର ଅନ୍ତେବାସୀମାନେ ଅନଲାଇନରେ ଆକାଶଙ୍କ ଜନ୍ମଦିନ ପାଳନ କରିବେ ବୋଲି ନିଷ୍ପତ୍ତି ନେଇଥିଲେ ଏବଂ ଏଥିପାଇଁ ଆକାଶ ମଧ୍ୟ ସେମାନଙ୍କୁ କୃତଜ୍ଞତା ଜଣାଇଛନ୍ତି ।

ଲୋକାଲ ୱାୟାର