ଆଜି ୩୦ଜିଲ୍ଲାରେ ମଞ୍ଚସ୍ଥ ହେବ ନାଟକ ‘ଗାନ୍ଧିଙ୍କ ଓଡ଼ିଶା’

ଭୁବନେଶ୍ୱର, ମାର୍ଚ୍ଚ ୨୩(ଲୋକାଲ ୱାୟାର): ଗାନ୍ଧିଙ୍କ ଓଡ଼ିଶା ଆଗମନର ୧୦୦ବର୍ଷ ପୂର୍ତ୍ତି ଉତ୍ସବ ଉପଲକ୍ଷେ ଆଜି ମଙ୍ଗଳବାର ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ, ଓଡ଼ିଶା ଆନୁକୂଲ୍ୟରେ ଓଡ଼ିଶା ସଙ୍ଗୀତ ନାଟକ ଏକାଡେମୀ ସ୍ୱତନ୍ତ୍ର ଆୟୋଜନ କରିଛି ।

୩୦ଟି ଜିଲ୍ଲାରେ ୩୦ଟି ନାଟ୍ୟଦଳ, ୩୦ ଜଣ ନିଦେ୍ର୍ଦଶକ ୯୩୦ଜଣ କଳାକାରଙ୍କୁ ନେଇ ପରିବେଷଣ କରିବେ ନାଟକ ‘ଗାନ୍ଧିଙ୍କ ଓଡ଼ିଶା’ ।

କିନ୍ତୁ ଏହାର ନାଟ୍ୟକାର ଜଣେ । ସେ ହେଉଛନ୍ତି ଶଙ୍କର ତ୍ରିପାଠୀ । ଏହା ଏକ ରେକର୍ଡ ।

ପ୍ରଥମ ଥର ପାଇଁ ନାଟକକୁ ନେଇ ଏତେ ବଡ଼ ଆୟୋଜନ ବୋଧହୁଏ କେଉଁଠି ହୋଇନାହିଁ ।

ତେଣୁ ଏହାକୁ ନେଇ ରେକର୍ଡ ଲକ୍ଷ୍ୟରେ ରହିଛି ଓଡ଼ିଶା ସଙ୍ଗୀତ ନାଟକ ଏକାଡେମୀ ।

ସେଥିପାଇଁ ଠିକ୍ ସନ୍ଧ୍ୟାରେ ପ୍ରତି ଜିଲ୍ଲାର ମଞ୍ଚରେ ପରଦା ଖୋଲିବ ଆଉ ନାଟକ ଆରମ୍ଭ ହେବ ବୋଲି ସାମ୍ବାଦିକ ସମ୍ମିଳନୀରେ ଏକାଡେମୀ ସଚିବ ପ୍ରବୋଧ ରଥ କହିଛନ୍ତି ।

ଏହି ସ୍ମରଣୀୟ ଦିନକୁ ଐତିହାସିକ ଦିନର ରୂପ ଦେଇ ଚିରକାଳ ସାଇତି ରଖିବ ଏ ନାଟକ ।

ସାରା ରାଜ୍ୟରେ ନାଟକ ପ୍ରଦର୍ଶିତ ହେବ କିନ୍ତୁ ରାଜ୍ୟର ୪ଟି ସହର ଭୁବନେଶ୍ୱର, ଭବାନୀପାଟଣା, ବାଲେଶ୍ୱର ଓ ବ୍ରହ୍ମପୁରରେ ରାଜ୍ୟସ୍ତରୀୟ ଆୟୋଜନ ହେବ ।

ଲୋକାଲ ୱାୟାର