ଆନ୍ତର୍ଜାତିକ କ୍ରୀଡାବିତଙ୍କ ରାଜ

କଟକ,ଡିସେମ୍ବର ୨୯(ଲୋକାଲ ୱାୟାର):ରାଜ୍ୟ ଦୌଡକୁଦ ପ୍ରତିଯୋଗୀତାରେ ଆନ୍ତର୍ଜାତିକ କ୍ରୀଡାବିତ ଦୂତି, ଜଉନା ଓ ଅମୀୟ ସେମାନଙ୍କ ରାଜ ଦେଖାଇଛନ୍ତି।

ଶେଷ ଦିନ ସୋମବାରରେ ମହିଳା ୨୦୦ ମିଟର ଦୌଡ଼ରେ ଦୂତି ଚାନ୍ଦ ୨୪.୨ ସେକେଣ୍ତରେ ସ୍ବର୍ଣ୍ଣ ପାଇଥିଲେ।

ତାଙ୍କ ପଛକୁ ବୋନିତା ଲାକ୍ରା ୨୫.୦ ସେକେଣ୍ତରେ ରୌପ୍ୟ ଓ ବିପ୍ଲବିନୀ ସ ୨୬.୯ ସେକେଣ୍ତରେ କାଂସ୍ୟ ପଦକ ପାଇଛନ୍ତି।

୪୦୦ ମିଟର ବାଧାଦୌଡ଼ରେ ଜଉନା ମୁର୍ମୁ ୧:୯.୬ ସେକେଣ୍ତ, ଜସ୍ମିନ କିସ୍କୁ ୧:୧୩.୦ ସେକେଣ୍ତ ଓ ଲକ୍ଷ୍ମୀପ୍ରିୟା ରାଉତ ୧:୧୭.୨ ସେକେଣ୍ତରେ ଯଥାକ୍ରମେ ପ୍ରଥମ, ଦ୍ବିତୀୟ ଓ ତୃତୀୟ ହୋଇଛନ୍ତି।

ଅନ୍ୟପକ୍ଷରେ ପୁରୁଷ ୨୦୦ ମିଟର ଦୌଡ଼ରେ ଅମୀୟ ମଲ୍ଲିକ ୨୨.୫ ସେକେଣ୍ତ ସହ ସ୍ବର୍ଣ୍ଣ ପଦକ ପାଇଛନ୍ତି।

ତାଙ୍କବ୍ୟତୀତ ମଧୁସୂଦନ ସବର ୨୨.୭ ସେକେଣ୍ତରେ ରୌପ୍ୟ ଓ ବିରୂପାକ୍ଷ ଡିଗଲ ୨୩.୨ ସେକେଣ୍ତରେ କାଂସ୍ୟ ପଦକ ହାସଲ କରିଛନ୍ତି।

ଲୋକାଲ ୱାୟାର