ଆରମ୍ଭ ହେଲା ପଞ୍ଚଦଶ ତମ ତୋଷାଳି ମେଳା

ଭୁବନେଶ୍ୱର, ଜାନୁଆରୀ ୨୨(ଲୋକାଲ ୱାୟାର): ଭୁବନେଶ୍ୱରର ଜନତା ମୈଦାନରେ ଗୁରୁବାର ଉଦଘାଟିତ ହୋଇଯାଇଛି ପଞ୍ଚଦଶ ତମ ତୋଷାଳି ଜାତୀୟ ହସ୍ତଶିଳ୍ପ ମେଳା । ହସ୍ତତନ୍ତ, ବୟନ ଓ ହସ୍ତଶିଳ୍ପ ବିଭାଗ ପକ୍ଷରୁ ଅନୁଷ୍ଠିତ ହେଉଥିବା ଏହି ମେଳାକୁ ଉଦଘାଟନ କରିଥିଲେ ବିଭାଗୀୟ ମନ୍ତ୍ରୀ ପଦ୍ମିନୀ ଦିଆନ ।
ଚଳିତବର୍ଷ ୧୫ଦିନ ବ୍ୟାପୀ ହେବାକୁ ଥିବା ଏହି ମେଳାରେ ୨୫୦ଟି ଷ୍ଟଲରେ ହସ୍ତତନ୍ତ ଓ ହସ୍ତଶିଳ୍ପ ପ୍ରଦର୍ଶିତ ହେବ ।

ଓଡ଼ିଶାର ପ୍ରାୟ ୧୭୦ ଏବଂ ବାହାର ରାଜ୍ୟରୁ ୮୦ ଜଣ ବଛା ବଛା ବୁଣାକାର ମେଳାରେ ସାମିଲ ହୋଇଛନ୍ତି ।

ଚଳିତ ବର୍ଷ ମେଳାରେ କୌଣସି ଖାଦ୍ୟ ଷ୍ଟଲ ପଡ଼ିନାହିଁ । ମେଳା ପ୍ରତିଦିନ ଦିନ ୨ଟାରୁ ରାତି ୯ଟା ପର୍ଯ୍ୟନ୍ତ ଚାଲିବ ।

ଉଦଘାଟନୀ ବିଜ୍ଞାନ ଓ କାରିଗରୀ ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା, ବିଧାୟକ ଅନନ୍ତ ନାରାୟଣ ଜେନା, ବିଭାଗୀୟ ଶାସନ ସଚିବ ଶୁଭା ଶର୍ମା ପ୍ରମୁଖ ଉପସ୍ଥିତ ଥିଲେ ।
ସଭାରେ ୩ ଜଣଙ୍କୁ ରାଜ୍ୟ ହସ୍ତଶିଳ୍ପ ପୁରସ୍କାର ଦିଆଯାଇଥିଲା । ସେମାନେ ହେଲେ ଦିବ୍ୟଜ୍ୟୋତି ବେହେରା, ଦିଲ୍ଲୀପ କୁମାର ସ୍ୱାଇଁ, ପ୍ରିୟଙ୍କା ପାତ୍ର ।

ଛଅ ଜଣ; ସୁଶାକ୍ତ କୁମାର ଦାସ, ନିତ୍ୟାନନ୍ଦ ସ, ରୋନିବାଳା ମହାପାତ୍ର, ନିର୍ମଳ ଚନ୍ଦ୍ର ଦାସ, ସୁରେଶ ଚନ୍ଦ୍ର ମହାପାତ୍ର ଏବଂ କୁନି ପାତ୍ରଙ୍କୁ କଳାକୃତି ପୁରସ୍କାର ପ୍ରଦାନ କରାଯାଇଛି ।

ଲୋକାଲ ୱାୟାର