ବରଗଡ଼, ଅଗଷ୍ଟ ୧୮ (ଲୋକାଲ ୱାୟାର) : ବରଗଡ଼ ଜିଲ୍ଲା ଅନ୍ତର୍ଗତ ଝାରବନ୍ଧ ବ୍ଲକର ଡଭାଭ ସି.ଏଚ.ସି ଅଧିନରେ କାର୍ଯ୍ୟରତ ୭୨ ଜଣ ଆଶା କର୍ମୀଙ୍କୁ ୫ ମାସର ଇନଟେନସିଭ ଟଙ୍କା ମିଳି ନ ଥିବା ଅଭିଯୋଗ କରିଛନ୍ତି ବୋଲି ମଙ୍ଗଳବାର ବିଜେପି ନେତା ପ୍ରଦୀପ ପୁରୋହିତ କହିଛନ୍ତି ।
ଶ୍ରୀ ପୁରୋହିତଙ୍କ ସୂଚନା ଅନୁସାରେ, ୨୦୧୯ ମସିହା ଏପ୍ରିଲ୍ ମାସରୁ ଅଗଷ୍ଟ ମାସ ପର୍ଯ୍ୟନ୍ତର ପାଖାପାଖି ୧୦ ଲକ୍ଷ ଟଙ୍କା ଆଶା କର୍ମୀଙ୍କ ବ୍ୟାଙ୍କ ଏକାଉଣ୍ଟରେ ଜମା କରା ନ ଯାଇ ସେତେବେଳର ଡଭା ସିଏଚସିର କାର୍ଯ୍ୟରତ ଏକାଉଣ୍ଟେନ ଶ୍ରୀ ଅଭୟ ସିଦ୍ଧାର ଏହି ଟଙ୍କା ହଡପ କରିଛନ୍ତି ।
ଘଟଣା ସମ୍ପର୍କରେ କାର୍ଯ୍ୟରତ ୭୨ ଜଣ ଆଶା କର୍ମୀ ଡଭା ସିଏଚସିର ଅଧିକାରୀ ଓ ବରଗଡ଼ ସିଡିଏମଓଙ୍କୁ ବାରମ୍ବାର ଜଣାଇଥିଲେ ମଧ୍ୟ କୌଣସି ପଦକ୍ଷେପ ନିଆ ଯାଇ ନ ଥିବା ସେମାନେ କହିଛନ୍ତି ।
ଏବେ ଏକାଉଣ୍ଟେନ ଶ୍ରୀ ସିଦ୍ଧାରଙ୍କ ତାଳପାଲି ସିଏଚସିକୁ ବଦଳି ହୋଇ ଯାଇଛି ।
ଏନେଇ ଡବା ସିଏଚସି ଇନଚାର୍ଜ ଡା. ମଧୁମିତା ମେହେରଙ୍କୁ ପଚାରିବାରୁ ଆଶା କର୍ମୀଙ୍କ ଟଙ୍କା ହଡପ ହୋଇଥିବା କଥା ସ୍ୱୀକାର କରିବା ସହ ବରଗଡ଼ ସିଡିଏମଙ୍କୁ ଜଣାଇଥିବା କହିଛନ୍ତି ।
ଟୁହୁଙ୍ଗିଦାଦର ଗ୍ରାମର ଆଶା କର୍ମୀ ସୁଷମା ବାରିକ ନୁଆଁଖାଇ ପୂର୍ବରୁ ଆଶା କର୍ମୀଙ୍କୁ ଟଙ୍କା ଯୋଗାଇ ଦେବାକୁ ମୁଖ୍ୟମନ୍ତ୍ରୀଙ୍କ ଠାରେ ଅନୁରୋଧ କରିଛନ୍ତି ।
ଲୋକାଲ ୱାୟାର
Leave a Reply