କଟକ,ଡିସେମ୍ବର ୧୭(ଲୋକାଲ ୱାୟାର): ଓଡିଶା ହାଇକୋର୍ଟର ନୂତନ ୱେବସାଇଟ(ଜଷ୍ଟିସ କ୍ଲକ)କୁ ସୋମବାର ଦିନ ନୂତନ ଆନେକ୍ସଠାରେ ମୁଖ୍ୟ ବିଚାରପତି କଳ୍ପେଶ ସତ୍ୟେନ୍ଦ୍ର ଜାଭେରୀ ଉନ୍ମୋଚନ କରିଛନ୍ତି।
ଏହି ନୂତନ ୱେବସାଇଟ ମାଧ୍ୟମରେ ଆଇନଜୀବୀ, କୋର୍ଟ ସଦସ୍ୟ ଓ ସାଧାରଣ ଜନତା ବିଭିନ୍ନ ମାମଲାର ଧାରା ବିବରଣୀ, ମାମଲାର କାର୍ଯ୍ୟକାରିତା ସଂକ୍ରାନ୍ତରେ ସବିଶେଷ ସୂଚନା ପାଇପାରିବେ।
ଏଥିରେ ବିଭିନ୍ନ ଜିଲ୍ଲାର ବିଚାରଧୀନ ମାମଲା, ସମାଧାନ ମାମଲା, ଆଇନ ସଚେତନତା, ବିଭିନ୍ନ କୋର୍ଟର ସେବା ଏବଂ ବିଭିନ୍ନ ଯୋଜନା ଗୁଡିକ ସମ୍ପର୍କରେ ସୂଚନା ମିଳିପାରିବ।
ଏହି ଉନ୍ମୋଚନ ଉତ୍ସବରେ ହାଇକୋର୍ଟର ସମସ୍ତ ବିଚାରପତି, ବିଚାର ବିଭାଗୀୟ ଅଧିକାରୀ,ଆଡଭୋକେଟ ଜେନେରାଲ ଅଶୋକ ପରିଜା, ହାଇକୋର୍ଟ ବାର ଆସୋସିଏସନର ସଭାପତି ଗୋପାଳକୃଷ୍ଣ ମହାନ୍ତିଙ୍କ ସମେତ ଅନ୍ୟାନ୍ୟ କର୍ମକର୍ତ୍ତା, ସଦସ୍ୟ, ଏନଆଇସିର ଅଧÒକାରମାନେ ଉପସ୍ଥିତ ଥିଲେ।
ଲୋକାଲ ୱାୟାର
Leave a Reply