ଓଡ଼ିଆ ସିନେ ସେଲିବ୍ରିଟିଙ୍କ ମକର ଶୁଭେଚ୍ଛା

ଭୁବନେଶ୍ୱର, ଜାନୁଆରୀ ୧୪(ଲୋକାଲ ୱାୟାର): ମକର ସଂକ୍ରାନ୍ତି । ଓଡ଼ିଆ ଘରର ଏକ ଅନନ୍ୟ ପର୍ବ । ଏହା ସହିତ ରହିଛି ଅନେକ ପ୍ରଥା ଓ ପରମ୍ପରା ।

ଖାଲି ଓଡ଼ିଶା କାହିଁକି ବାହାରେ ମଧ୍ୟ ବିଭିନ୍ନ ସମ୍ପ୍ରଦାୟ ଏହି ପର୍ବକୁ ପାଳନ କରିଥାନ୍ତି, କିନ୍ତୁ ଭିନ୍ନ ଭିନ୍ନ ନାମକରଣ ସହିତ ।

ଯାହା ବି ହେଉ ମହାମାରୀ କରୋନା କଟକଣା ଭିତରେ ଦୀର୍ଘ ୧୦ମାସ ପରେ ଆଜି ସମସ୍ତେ ଏହି ପର୍ବକୁ ଏକାଠି ହୋଇ ପାଳିଛନ୍ତି । ମନ୍ଦିର ଯାଇଛନ୍ତି ।

ମକର ଚାଉଳ ଭୋଗ କରି ପରସ୍ପର ଆଦାନ ପ୍ରଦାନ କରିଛନ୍ତି । ସେହି ଅବସରକୁ ହାତ ଛଡ଼ା କରିନାହାନ୍ତି ଆମ ଓଡ଼ିଆ ସିନେ ସେଲିବ୍ରିଟି ।

ସେମାନେ ବି ଏ ପର୍ବର ଆଉ ଏକ ବିଶେଷତ୍ୱ ଥିବା ଗୁଡ଼ିକୁ ଆକାଶରେ ଉଡ଼ାଇ ୨୦୨୧ ସମସ୍ତଙ୍କ ପାଇଁ ସମୃଦ୍ଧିର ବର୍ଷ ହେଉ, ହଜି ଯାଇଥିବା ଖୁସି ଆଉ ଲିଭିଯାଇଥିବା ରଙ୍ଗ ବୋଳି ଦେଉ ବୋଲି ଈଶ୍ୱରଙ୍କ ନିକଟରେ ପ୍ରାର୍ଥନା କରିଛନ୍ତି ।

ସମସ୍ତେ ବିଭିନ୍ନ ବେଶରେ ଭିନ୍ନ ଭିନ୍ନ ପୋଜର ଫଟୋ ସୋସିଆଲ୍ ମିଡିଆରେ ଶେୟାର କରି ମକରର ଶୁଭେଚ୍ଛା ଓ ଶୁଭକାମନା ଜଣାଇଛନ୍ତି ।

ସେ ଭିତରେ ରହିଛନ୍ତି ଅଭିନେତ୍ରୀ ଏଲିନା ସାମନ୍ତରାୟ, ଶ୍ରଦ୍ଧା ପାଣିଗ୍ରାହୀ, ଝିଲିକ୍, ବର୍ଷା ପ୍ରିୟଦର୍ଶନୀ, ଭୂମିକା ଦାଶ ।

ଏଲିନା ଓ ଝିଲିକ ଗୁଡ଼ି ଉଡ଼ାଉଥିବା ବେଳେ ଭିଡିଓ ବାର୍ତ୍ତା ରଖିଛନ୍ତି ଭୂମିକା । ବାକି ଅଭିନେତା ଆକାଶ ଦାସ ନାୟକ, ସବ୍ୟସାଚୀ ମିଶ୍ର, ସ୍ୱରାଜ ବାରିକ ଓ ନୃତ୍ୟ ଶିଳ୍ପୀ ତଥା କୋରିଓଗ୍ରାଫର ମଧ୍ୟ ମକରର ଶୁଭେଚ୍ଛା ଜଣାଇଛନ୍ତି ।

ସ୍ୱରାଜ କବିତାର ଛନ୍ଦରେ ମକରର ଶୁଭେଚ୍ଛା ବାଣ୍ଟିଛନ୍ତି । ସେ ସୋସିଆଲ୍ ମିଡିଆରେ ଲେଖିଛନ୍ତି, ଧୂମସା ବାଜେ ମାଦଲ୍ ବାଜେ, ଦୁଲ୍ କି ଉଠେ ଛାତି । ସବ୍ କେ କରୁଛି ମକର୍ ଜୁହାର ପର୍ ବେ ଯିବା ମାତି ।

ଲୋକାଲ ୱାୟାର