ଭୁବନେଶ୍ୱର, ଡିସେମ୍ବର ୧୯(ଲୋକାଲ ୱାୟାର): ଦୀର୍ଘ ୯ ମାସ ପରେ ପ୍ରଦର୍ଶନୀ ପଡ଼ିଆରେ ପ୍ରଥମ ଥର ପାଇଁ ଆରମ୍ଭ ହୋଇଛି କଟନ୍ ଫ୍ୟାବ୍ ।
୧୨ତମ କଟନ୍ ଫ୍ୟାବ୍ -୨୦୨୦ର ରେଶମ ଓ ସୂତାବସ୍ତ୍ରକୁ ସମ୍ଭାର କରି ଏହି ପ୍ରଦର୍ଶନୀ ଉଦ୍ଘାଟିତ ହୋଇଯାଇଛି ।
ଭୁବନେଶ୍ୱର ମଧ୍ୟମ ବିଧାୟକ ଅନନ୍ତ ନାରାୟଣ ଜେନା କାର୍ଯ୍ୟକ୍ରମରେ ଯୋଗଦେଇ ଏହାକୁ ଆନୁଷ୍ଠାନିକ ଭାବେ ଉଦଘାଟନ କରିଥିଲେ ।
ହସ୍ତତନ୍ତ ଓ ହସ୍ତଶିଳ୍ପ ଏବଂ ଗ୍ରାମୋଦ୍ୟୋଗ ସମିତି ପକ୍ଷରୁ ଆୟୋଜିତ ଏଡି ମେଳାରେ ୧୨ଟି ରାଜ୍ୟର ୧୨୨ଟି ହସ୍ତଶିଳ୍ପୀ ଯୋଗ ଦେଇଛନ୍ତି ।
ଲକ୍ଷ୍ନୌର ଚିକନୱାକ୍ ଡ୍ରେସ୍ ମେଟେରିଆଲ୍, ଶାଢ଼ି, କୁର୍ତ୍ତା ପାଇଜାମା, ଟପ୍ସ, ଗୁଜରାଟର ଏଥିନିକ୍ ପ୍ରି , କୁର୍ତ୍ତା, ରାଜସ୍ଥାନୀ ବ୍ଲକ୍ ପ୍ରିଣ୍ଟେଡ, କୋଟା ଜରି ଡ୍ରେସ୍, ମଲମଲ୍, ପଞ୍ଜାବର ଫୁଲକରୀ, ପଟିଆଲା, ମଧ୍ୟପ୍ରଦେଶର ଚନେ୍ଦରୀ, ମହେଶ୍ୱରୀ, ୱେଷ୍ଟ ବେଙ୍ଗଲର ଶାନ୍ତିନିକେତନ ତନ୍ତ, କାନ୍ଥା, ଢ଼କାଇ ଜାମଦାନୀ ଶାଢ଼ି ସାଙ୍ଗକୁ ସୀତାପୁରୀର ଏକ୍ସପୋର୍ଟ କ୍ୱାଲିଟ୍ ଦରି, ମ୍ୟାଟସ୍ ଏବଂ ରଗସ୍, ବିଭିନ୍ନ ପ୍ରକାରର ଗହଣା, ରାଜସ୍ଥାନ ଷ୍ଟୋନ୍ ଓ ମେଟାଲ ଗହଣା ଆଦି ଉପଲବ୍ଧ ହେଉଛି ।
ଆସନ୍ତା ୧୪ତାରିଖ ପର୍ଯ୍ୟନ୍ତ ଚାଲିବାକୁ ଥିବା ଏହି ପ୍ରଦର୍ଶନୀ ପ୍ରତିଦିନ ଦିନ ୧୦ରୁ ରାତି ୯ଟା ଯାଏଁ ଚାଲିବ ।
ବାହାର ରାଜ୍ୟର ବୁଣାକାରମାନଙ୍କ ହସ୍ତତନ୍ତ ସାମଗ୍ରୀର ବ୍ୟବସାୟକରଣ ପାଇଁ ଏହି ପ୍ରଦର୍ଶନୀ ଅନୁଷ୍ଠିତ ହୋଇଛି ।
ଲୋକାଲ ୱାୟାର
Leave a Reply