କଟକ,ଏପ୍ରିଲ ୨୩(ଲୋକାଲ ୱାୟାର): ମହାମାରୀ କରୋନା ଲାଗି ପୁରୀର ବିଶ୍ବ ପ୍ରସିଦ୍ଧ ରଥଯାତ୍ରା ନିମନ୍ତେ ରଥ କାଠ ଚିରଟ ପ୍ରକ୍ରିୟା ବିଳମ୍ବିତ ହେଉଥିବା କଟକ ନୂଆପଡାରେ ଥିବା ଏକମାତ୍ର ସରକାରୀ କରତ କଳର ଜଣେ ପଦାଧିକରୀ ବୁଧବାର ଦିନ କହିଛନ୍ତି।
ପ୍ରତିବର୍ଷ ପରି ଚଳିତ ବର୍ଷ ଶ୍ରୀରାମ ନବମୀ ଅବସରରେ ପୁରୀ ରଥଯାତ୍ରା ପାଇଁ ରଥକାଠ ଚିରଟ ଅନୁକୂଳ କରାଯାଇଥିଲେ ବି ଏଥର କରୋନା ମହାମାରୀ ଲାଗି ଖପୁରିଆ ସରକାରୀ କରତ କଳରେ ରଥକାଠ ଚିରଟ ହାତଗଣତି ଶ୍ରମିକଙ୍କୁ ନେଇ କରାଯାଉଛି ।
ଏହି କରତକଳରେ ସାଧାରଣତଃ ୨୯ଜଣ ଶ୍ରମିକ ଦୁଇ ସିଫ୍ଟରେ ରଥ କାଠ ଚିରଟ କରିଥାନ୍ତି ।
ହେଲେ ଏବେ କରୋନା ପାଇଁ ସରକାର ସାମାଜିକ ଦୂରତ୍ବ କଟକଣାକୁ କଡାକଡି ପାଳନ କରିବାକୁ ମାତ୍ର ୮ରୁ ୧୦ଜଣ ଶ୍ରମିକ କାମରେ ନିୟୋଜିତ ଅଛନ୍ତି।
ଏଥିଲାଗି ରଥ କାଠ ଚିରଟ ମନ୍ଥର ହୋଇଯାଇଛି। ତେବେ କେବଳ ସ୍ନାନପୂର୍ଣ୍ଣିମା ପାଇଁ ଆବଶ୍ୟକ ହେଉଥିବା ରଥ କାଠକୁ ପୁରୀ ପଠାଯାଇଛି।
ଲୋକାଲ ୱାୟାର
Leave a Reply