ଭୁବନେଶ୍ଵର ,ଅଗଷ୍ଟ ୧୩ (ଲୋକାଲ ୱାୟାର) କାଳିଆ ଯୋଜନାରେ ଯୋଗ୍ୟ ହିତାଧିକାରୀଙ୍କ ତାଲିକା ଯାଞ୍ଚ ଅବଧି ଆସନ୍ତା ୨୭ତାରିଖ ପର୍ଯ୍ୟନ୍ତ ବୃଦ୍ଧି ହୋଇଥିବା ନେଇ ମଙ୍ଗଳବାର ଏକ ସମୀକ୍ଷା ବୈଠକପରେ କୃଷିମନ୍ତ୍ରୀ ଅରୁଣ ସାହୁ ସୂଚନା ଦେଇଛନ୍ତି ।
ପୂର୍ବରୁ ହିତାଧିକାରୀ ତାଲିକା ଯାଞ୍ଚ ଅବଧି ଅଗଷ୍ଟ ୧୪ ତାରିଖ ପର୍ଯ୍ୟନ୍ତ ରହିଥିଲା।
ସୂଚନାଯୋଗ୍ୟ ଯେ କୃଷକ ସଶକ୍ତିକରଣ ଯୋଜନା ‘କାଳିଆ’ରେ ଯେଉଁ ଅଯୋଗ୍ୟ ବ୍ୟକ୍ତିଙ୍କ ବ୍ୟାଙ୍କ ଖାତାକୁ ଟଙ୍କା ଯାଇଥିଲା ତାହାକୁ ଫେରାଇ ଆଣିବା ନିମନ୍ତେ ସରକାର ଚଳିତ ମାସରୁ ଉଦ୍ୟମ ଆରମ୍ଭ କରିଛନ୍ତି ।
ଏହି ପ୍ରକ୍ରିୟାରେ ସମୁଦାୟ ୫୧ ଲକ୍ଷ ହିତାଧିକାରୀଙ୍କ ମଧ୍ୟରୁ ୧୩ଲକ୍ଷଙ୍କ ଯାଞ୍ଚ ସରିଛି । ବଳକା ତାଲିକାର ଯାଞ୍ଚ ବର୍ଦ୍ଧିତ ସମୟସୀମା ଭିତରେ ସରିବ ବୋଲି ମନ୍ତ୍ରୀ ଶ୍ରୀ ସାହୁ କହିଛନ୍ତି ।
ସେହିପରି ଅଯୋଗ୍ୟ ହିତାଧିକାରୀ ପରବର୍ତ୍ତୀ କାଳିଆ କିସ୍ତି ଟଙ୍କା ପାଇପାରିବେନାହିଁ ବୋଲି ସେ କହିଥିଲେ ।
ଆସନ୍ତା ଅଗଷ୍ଟ ୨୭ରେ ପଞ୍ଚାୟତ ,୨୯ରେ ବ୍ଲକ ଓ ୩୧ରେ ଜିଲ୍ଲା ସ୍ତରରେ ଯାଞ୍ଚ କରାଯିବା ପାଇଁ ନିଷ୍ପତ୍ତି ନିଆଯାଇଛି ।
ବିଭିନ୍ନ ଗ୍ରାମରେ ଗୋଟିଏ ପରିବାର ଏକାଧିକ ସଦସ୍ୟ, ଚାକିରିଆ ଥିବା ପରିବାର, ଧନୀକ ଶ୍ରେଣୀର ଲୋକ, ଗାଁରେ ରହୁ ନ ଥିବା ପରିବାର ପ୍ରମୁଖ ଏହି ଯୋଜନାରେ ସାମିଲ ହୋଇଥିବାର ଖବର ସରକାରଙ୍କ ହସ୍ତଗତ ହୋଇଥିଲା, ଯାହା ଫଳରେ ଏହି ନିଷ୍ପତ୍ତି ନିଆଯାଇଥିଲା ।
ଲୋକାଲ ୱାୟାର
