ଗୁରୁ ଦେବପ୍ରସାଦ ପୁରସ୍କାର ଉତ୍ସବରେ ଓଡ଼ିଶୀ, ମୋହିନିଆଟମ୍ ଏବଂ ଶାସ୍ତ୍ରୀୟ ନୃତ୍ୟ

ଭୁବନେଶ୍ୱର, ଫେବ୍ରୁଆରୀ ୧୫(ଲୋକାଲ ୱାୟାର): ଗୁରୁ ଦେବପ୍ରସାଦ ଦାସଙ୍କ ହୃଦୟରୁ ଶୁଭେଚ୍ଛା ଜଣାଇ ତ୍ରିଧାରା ୧୪ତମ ଗୁରୁ ଦେବପ୍ରସାଦ ପୁରସ୍କାର ଉତ୍ସବକୁ ଏକ ବର୍ଣ୍ଣାଢ୍ୟ ପରିବେଶରେ ଉଦଯାପିତ କରିଛି ।

ଏହି ବର୍ଷ ନୃତ୍ୟ ଓ ସଙ୍ଗୀତ କ୍ଷେତ୍ରରେ ଅବଦାନ ପାଇଁ ଗୁରୁ ପ୍ରଫେସର ଡକ୍ଟର ମନୋଜ କୁମାର ବେହେରା, ଗୁରୁ ପ୍ରତିଭା ପଣ୍ଡା, ଗୁରୁ ବିନୋଦ ଚନ୍ଦ୍ର ସାହୁ ଏବଂ ଗୁରୁ ପାଲୋମି ମଣ୍ଡଳଙ୍କୁ ସମ୍ମାନଜନକ ଗୁରୁ ଦେବପ୍ରସାଦ ପ୍ରତୀକ ପୁରସ୍କାର ୨୦୨୦ ଉପସ୍ଥିତ ଅତିଥିମାନଙ୍କ ଦ୍ୱାରା ପ୍ରଦାନ ସହିତ ଏହି ସମାରୋହ ଆରମ୍ଭ ହୋଇଥିଲା ।

ପୁରସ୍କାର ବିତରଣ ଉତ୍ସବ ପରେ ଅନ୍ତର୍ଜାତୀୟ ସ୍ତରରେ ଖ୍ୟାତି ଅର୍ଜନ କରିଥିବା ଓଡ଼ିଶୀ ନୃତ୍ୟାଙ୍ଗନା ଗୁରୁ ଅରୁଣା ମହାନ୍ତି ଏକକ ଓଡ଼ିଶୀ ନୃତ୍ୟ ବିଶ୍ୱ ପ୍ରକାଶ – ବ୍ରହ୍ମାଣ୍ଡକୁ ଆଲୋକିତ କରିବା ।

ଭୀମ ଭୋଇଙ୍କ କବିତା ଉପରେ ଆଧାରିତ ନୃତ୍ୟ ଏବଂ ସଙ୍ଗୀତର ଭାଷାରେ ରୂପାନ୍ତରିତ ହୋଇ ସର୍ବଭାରତୀୟ ଆଲୋକର ସୁବର୍ଣ୍ଣ ବିଶ୍ୱ ଆବିଷ୍କାର କରିବାକୁ ସେ ତାଙ୍କ ଓଡ଼ିଶୀ ନୃତ୍ୟ ମାଧ୍ୟମରେ ଉପସ୍ଥାପନ କରିଥିଲେ । ଏହି ନୃତ୍ୟକୁ ସଂରଚନା କରିଥିଲେ ନିଜେ ଗୁରୁ ଅରୁଣା ମହାନ୍ତି ।

ପରବର୍ତ୍ତୀ କାର୍ଯ୍ୟକ୍ରମ ଥିଲା କେନ୍ଦ୍ରୀୟ ସଂଗୀତ ନାଟକ ଏକାଡେମୀ ପୁରସ୍କାରପ୍ରାପ୍ତ ବିଦୁସି ଗୋପିକା ବର୍ମାଙ୍କ ଦ୍ୱାରା ମୋହିନିଆଟମ୍, ତାଙ୍କ ପ୍ରସ୍ତୁତିରେ ଥିଲା ମହାରାଜା ସ୍ୱାମୀ ତିରୁନାଲ୍ଲାକ ରଚିତ ଭଜନ “ବିଶ୍ଳେଶର ଦର୍ଶନ କର ଚଲ ମନ୍‌ ତୁ କାଶୀ’ ।

ଉଦଯାପନୀ ସନ୍ଧ୍ୟାର ଅନ୍ତିମ ଉପସ୍ଥାପନା ଥିଲା ଗୁରୁ ଘନକାନ୍ତ ବୋରା ଏବଂ ଡକ୍ଟର ଅନୱେସା ମହନ୍ତଙ୍କ ଦ୍ୱାରା ଶାତ୍ରୀୟ ନୃତ୍ୟ ପରିବେଷଣ ।

ଉଦ୍‌ଯାପନୀ ସଂଧ୍ୟାର ଅତିଥିମାନେ ଥିଲେ ସାଂସଦ ତଥା ଶିକ୍ଷାବିତ୍‌ ଓ କିଟ ଏବଂ କିସ୍‌ର ପ୍ରତିଷ୍ଠାତା ଡ଼. ଅଚୁ୍ୟତ ସାମନ୍ତ, ବିଧାୟକ ତଥା ପୂର୍ବତନ ମନ୍ତ୍ରୀ ପ୍ରଫୁଲ୍ଲ କୁମାର ସାମଲ, ବିଧାୟକ ତଥା ପୂର୍ବତନ ମନ୍ତ୍ରୀ ଦେବୀପ୍ରସାଦ ମିଶ୍ର, ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗର ପ୍ରମୁଖ ଶାସନ ସଚିବ ବିଷ୍ଣୁପଦ ସେଠୀ, ପୂର୍ବତନ କୁଳପତି ତଥା ଓଡ଼ିଶୀ ନୃତ୍ୟାଙ୍ଗନା ଡ଼. ପ୍ରି୍ରୟମ୍ବଦା ମହାନ୍ତି ହେଜମାଦୀ, ତ୍ରିଧାରାର କାର୍ଯ୍ୟରତ ସମ୍ପାଦକ ସିମାଞ୍ଚଳ ପଣ୍ଡା ଏବଂ ତ୍ରିଧାରାର ନିଦେ୍ର୍ଦଶକ ଗୁରୁ ଗଜେନ୍ଦ୍ର କୁମାର ପଣ୍ଡା ।

ଲୋକାଲ ୱାୟାର