ଜଗତସିଂହପୁର ଯୁବ ଓ ଛାତ୍ର କଂଗ୍ରେସ ପକ୍ଷରୁ ବିକ୍ଷୋଭ ପ୍ରଦର୍ଶନ

ଜଗତସିଂହପୁର, ଅଗଷ୍ଟ ୨୮(ଲୋକାଲ ୱାୟାର): ନିଟ୍ ଓ ଜେଇଇ ପରୀକ୍ଷା ସ୍ଥଗିତ ଦାବିରେ ଜଗତସିଂହପୁର ଜିଲ୍ଲା ଯୁବ ଓ ଛାତ୍ର କଂଗ୍ରେସ ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଛି ।

କରୋନା ସଂକ୍ରମଣ ସତ୍ତ୍ୱେ ଏହି ଦୁଇଟି ପରୀକ୍ଷା କରିବାକୁ କେନ୍ଦ୍ର ସରକାରଙ୍କ ନିଷ୍ପତି ଛାତ୍ର ଓ ଅଭିଭାବକମାନଙ୍କୁ ଚିନ୍ତାରେ ପକାଇ ଦେଇଛି ।

ଏପରି ପରିସ୍ଥିତିରେ ପରୀକ୍ଷା ହେଲେ ପରୀକ୍ଷାର୍ଥୀ ଓ ଅଭିଭାବକମାନେ ସଂକ୍ରମିତ ହେବାର ଆଶଙ୍କା ରହିଛି ।

ତେଣୁ ପ୍ରଧାନମନ୍ତ୍ରୀ ଏହି ନିଷ୍ପତିର ପୁନର୍ବିଚାର କରି ପରୀକ୍ଷା ସ୍ଥଗିତ କରିବାକୁ ଯୁବ ଓ ଛାତ୍ର କଂଗ୍ରେସ ପକ୍ଷରୁ ଦାବି ହୋଇଛି ।

ଏହି ପ୍ରସଙ୍ଗକୁ ନେଇ କଂଗ୍ରେସ ଦଳ ଚିନ୍ତିତ ଅଛି ।

ଛାତ୍ରଛାତ୍ରୀଙ୍କ ସୁରକ୍ଷା ପାଇଁ କେନ୍ଦ୍ର ସରକାର ହସ୍ତକ୍ଷେପ କରି ପରୀକ୍ଷା ସ୍ଥଗିତ କରିବା ଉଚିତ ବୋଲି ଜଗତସିଂହପୁର ମ୍ୟୁନିସିପାଲିଟିର ପୂର୍ବତନ ଅଧ୍ୟକ୍ଷ ତଥା କଂଗ୍ରେସ ନେତା ବିପ୍ଳବ ଚୌଧୁରୀ ସୂଚନା ଦେଇଛନ୍ତି ।

ସୁମିତ୍ରା ଜେନା, ପ୍ରୀତମ ପରିଜା, ନିହାର ରଞ୍ଜନ ଦାସ, ରଞ୍ଜିତ କୁମାର ମଲ୍ଲିକ, କୃଷ୍ଣଚନ୍ଦ୍ର ପ୍ରଧାନ ଓ ଅନ୍ୟ ପ୍ରମୁଖ କଂଗ୍ରେସ ନେତାମାନେ ବିକ୍ଷୋଭ ପ୍ରଦର୍ଶନ କରିଥିଲେ ।

ଲୋକାଲ ୱାୟାର