ଜୀବନବ୍ୟାପୀ ସାଧନା ପୁରସ୍କାର ଦିଆନଯିବା ନେଇ ଶିଳ୍ପୀ ମହାସଂଘର କ୍ଷୋଭ

ଭୁବନେଶ୍ୱର, ଜାନୁଆରୀ ୨୨(ଲୋକାଲ ୱାୟାର): ପ୍ରତି ବର୍ଷ ତୋଷାଳି ମେଳାରେ ଜୀବନବ୍ୟାପୀ ସାଧନା ପାଇଁ ଶିଳ୍ପୀ ପୁରସ୍କାର ପ୍ରଦାନ କରାଯାଇଥାଏ ।

୨୦୧୨ ମସିହାରୁ ପ୍ରତିବର୍ଷ ପ୍ରଦାନ କରାଯାଇ ଆସୁଥିବା ଏହି ପୁରସ୍କାର ଚଳିତ ବର୍ଷ ଦିଆଯାଇ ନାହିଁ ।

ଯାହାକି ଅତ୍ୟନ୍ତ ଦୁର୍ଭାଗ୍ୟଜନକ ଓ ଶିଳ୍ପୀ ଜାତି ପ୍ରତି ଏକ ପ୍ରତାରଣା । ରାଜ୍ୟ ହସ୍ତତନ୍ତ, ବୟନ ଓ ହସ୍ତଶିଳ୍ପ ବିଭାଗ ମନ୍ତ୍ରୀ ପଦ୍ମିନୀ ଦିଆନ ଓ ସଚିବ ଶୁଭା ଶର୍ମା ଏଭଳି କାର୍ଯ୍ୟପାଇଁ ଦାୟୀ ବୋଲି ଓଡ଼ିଶା ଶିଳ୍ପୀ ମହାସଂଘ ପ୍ରେସ୍ ବିଜ୍ଞପ୍ତିରେ କହିଛି ।

ସୂଚନାଥାଉକି, ଗତ ଡିସେମ୍ବର ମାସରେ ହୋଇଥିବା ଚୟନ ପ୍ରକ୍ରିୟାରେ ବିଚାରକ ମଣ୍ଡଳି ଜୀବନବ୍ୟାପୀ ସାଧନା ପୁରସ୍କାର ପାଇଁ ରାଜ୍ୟର ଜଣେ ବିଶିଷ୍ଟ ଶିଳ୍ପୀଙ୍କୁ ମନୋନୀତ କରିଥିଲେ ।

ବିଚାରକ ମଣ୍ଡଳୀର ମନୋନୟନକୁ ସମ୍ମାନ ନଦେବା ଓ ଚଳିତ ବର୍ଷ ଏହି ପୁରସ୍କାର ପ୍ରଦାନ କରାନଯିବା ଅତ୍ୟନ୍ତ ନିନ୍ଦନୀୟ ବୋଲି ସଂଘ କ୍ଷୋଭର ସହ କହିଛି ।

ଯଥାଶୀଘ୍ର ଏହି ପୁରସ୍କାର ପ୍ରଦାନ ନେଇ ବିଚାର ହେଉ ଏବଂ ମୁଖ୍ୟମନ୍ତ୍ରୀ ବିଭାଗୀୟ ସଚିବ ଓ ମନ୍ତ୍ରୀଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ ସହ ବଦଳି କରିବାକୁ ସଂଘ ଦାବି କରିଛି ।

ଲୋକାଲ ୱାୟାର