ଟାଙ୍ଗୀ ଅଞ୍ଚଳରେ ହାତୀ ଉପଦ୍ରବ, ଆକ୍ରମଣରେ ଜଣେ ଗୁରୁତର

ଭୁବନେଶ୍ବର, ଅକ୍ଟୋବର ୯(ଲୋକାଲ ୱାୟାର): ଖୋର୍ଦ୍ଧା ଜିଲ୍ଲା ଟାଙ୍ଗୀ ରେଞ୍ଜର ରାମେଶ୍ବରଠାରେ ଥିବା ବନ ବିଭାଗ ଫାର୍ମ ହାଉସର ଜଣେ କେୟାର୍ ଟେକର୍ ହାତୀ ଆକ୍ରମଣରେ ଗୁରୁତର ହୋଇଥିବା ବୁଧବାର ସୂଚନା ମିଳିଛି।

ଆହତ କେୟାର୍ ଟେକରଙ୍କ ନାମ ପଙ୍କଜ ବିଶ୍ବାଳ।

ଗୁରୁତର ଅବସ୍ଥାରେ ତାଙ୍କୁ ଖୋର୍ଦ୍ଧା ଜିଲ୍ଲା ସଦର ଡାକ୍ତରଖାନାରେ ଭର୍ତ୍ତି କରାଯାଇଛି ଓ ତାଙ୍କ ସ୍ବାସ୍ଥ୍ୟାବସ୍ଥା ସ୍ଥିର ଥିବା କୁହାଯାଇଛି।

କିଛିଦିନ ହେଲା ଏକ ହାତୀ ପଲ ଏହି ଅଞ୍ଚଳରେ ଫସଲ ନଷ୍ଟ କରିବା ସହ ଉପଦ୍ରବ ଚଳାଇଥିଲେ ବି ବନ ବିଭାଗ କୌଣସି ପଦକ୍ଷେପ ନେଉନଥିବା ସ୍ଥାନୀୟ ଲୋକ ଅଭିଯୋଗ କରିଛନ୍ତି।

ଲୋକାଲ ୱାୟାର