ଦଳରୁ ବହିଷ୍କୃତ ଗୋପାଳପୁର ବିଧାୟକଙ୍କ ଗିରଫ ପାଇଁ ବିଜେପିର ଦାବି

ବ୍ରହ୍ମପର, ନଭେମ୍ବର ୨୯(ଲୋକାଲ ୱାୟାର): ବିଜେଡିରୁ ବହିଷ୍କୃତ ହୋଇଥିବା ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ ଗୋପାଳପୁର ଅଞ୍ଚଳର ବହୁ ଯୁବକଙ୍କୁ ଟାଟା କମ୍ପାନିରେ ଚାକିରି କରାଇ ଦେବାକୁ କହି ଠକିଥିବାରୁ ତାଙ୍କ ଗିରଫ କରିବାକୁ ଦାବି କରି ରବିବାର ବିଜେପିର ଗଞ୍ଜାମ ଜିଲ୍ଲା ଶାଖା ପକ୍ଷରୁ ଦାବି କରାଯାଇଛି ।

ବିଜେପି ଜିଲ୍ଲା ଶାଖା ସଭାପତି ବିଭୂତି ଜେନାଙ୍କ ନେତୃତ୍ୱରେ ବହୁ କର୍ମୀ ଏସପିଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ କରିବା ସହ ଏସପି ପିନାକ ମିଶ୍ରଙ୍କୁ ଏକ ଦାବି ପତ୍ର ପ୍ରଦାନ କରି ତୁରନ୍ତ ଏହା ଉପରେ ତଦନ୍ତ କରି କାର୍ଯ୍ୟାନୁଷ୍ଠାନ ପାଇଁ ଦାବି କରିଥିଲେ ।

ଶ୍ରୀ ଜେନା କହିଥିଲେ, ବିଧାୟକ, ତାଙ୍କ ଭାଇ ଏବଂ କେତେକ ସହଯୋଗୀ ନିରୀହ ଯୁବକମାନଙ୍କୁ ଟାଟା କମ୍ପାନିରେ ଚାକିରି କରାଇ ଦେବାକୁ କହି ଠକିଛନ୍ତି ।

ତାଙ୍କ ଭାବୀ ଜ୍ୱାଇଁ ଆକାଶ ଉକ୍ତ କମ୍ପାନିରେ ଅଫିସର ଥିବା ବିଧାୟକ କହିଥିଲେ ।

୬୮ ଜଣ ଯୁବକ ଠକେଇର ଶିକାର ହୋଇଥିଲେ ମଧ୍ୟ ବିଧାୟକଙ୍କ ସହଯୋଗୀମାନଙ୍କ ଧମକରେ ନିରବ ରହିବାକୁ ବାଧ୍ୟ ହୋଇଥିଲେ ।

ଇତି ମଧ୍ୟରେ ବିଜେଡି ସୁପ୍ରିମୋ ବିଧାୟକଙ୍କ ବିରୋଧରେ ନେଇଥିବା ପଦକ୍ଷେପକୁ ସ୍ୱାଗତ କରିଛନ୍ତି ଗଞ୍ଜାମ ଜିଲ୍ଲା ବିଜେଡି ସଭାପତି ରମେଶ ଚନ୍ଦ୍ର ଚ୍ୟାଉ ପଟ୍ଟନାୟକ, ସାଂସଦ ଚନ୍ଦ୍ରଶେଖର ସାହୁ ଏବଂ ବିଧାୟକ ବିକ୍ରମ ପଣ୍ଡା ।

ଲୋକାଲ ୱାୟାର