ଦିଲ୍ଲୀରେ ଆମର ବସ୍ ନାହାନ୍ତି, ଆମ ବସ୍ ଓଡ଼ିଶାବାସୀ: ନବୀନ

ଭୁବନେଶ୍ୱର, ଡିସେମ୍ବର ୧୮(ଲୋକାଲ ୱାୟାର): ଦିଲ୍ଲୀରେ ଆମର କେହି ବସ୍ ନାହାନ୍ତି, ଓଡ଼ିଶାବାସୀ ହିଁ ଆମର ବସ୍ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶୁକ୍ରବାର ଯୁବ ବିଜେଡି କାର୍ଯ୍ୟକାରିଣୀକୁ ଉଦବୋଧନ ଦେଇ ଏହା କହିଛନ୍ତି ।

ମୁଖ୍ୟମନ୍ତ୍ରୀ କହିଛନ୍ତି, ଜାତୀୟ ଦଳର କାମ ନିର୍ବାଚନ ଜିତିବା, କ୍ଷମତା ଅଧିକାର କରିବା, କେନ୍ଦ୍ରରେ ସରକାର ଗଠନ କରିବା ଓ କେନ୍ଦ୍ରରେ ମନ୍ତ୍ରୀ ହୋଇ ବଡ଼ ପୋଷ୍ଟ ପାଇବା । ଜାତୀୟ ସ୍ୱାର୍ଥ ପାଇଁ ସେମାନେ ରାଜ୍ୟର ସ୍ୱାର୍ଥକୁ ଜଳାଞ୍ଜଳି ଦେଇଥାନ୍ତି ।

ମହାନଦୀ, ଓଡ଼ିଶୀ ସଙ୍ଗୀତ, ଆଦିିବାସୀ ସଂସ୍କୃତି, ସମ୍ବଲପୁର ହସ୍ତତନ୍ତ ଆମ ପାଇଁ ବିଶ୍ୱସ୍ତରୀୟ । ଜାତୀୟ ଦଳ ପାଇଁ ଏହାର ମୂଲ୍ୟ କିଛି ନାହିଁ । ଆମ ରାଜ୍ୟ ଦେଶର ପ୍ରଥମ ଭାଷାଭିତ୍ତିକ ରାଜ୍ୟ । ଆମ ରାଜ୍ୟ ସ୍ୱତନ୍ତ୍ର । ଆମ ଜଗନ୍ନାଥ ସ୍ୱତନ୍ତ୍ର ।

ଆମ ମହାନଦୀ, ଆମ ରାଜ୍ୟ ଖଣିଜ ସମ୍ପଦରେ ଭରପୁର । ଓଡ଼ିଶାର ସ୍ୱତନ୍ତ୍ର ପରିଚୟ ରହିଛି । ଓଡ଼ିଶାର ସୁରକ୍ଷା ପାଇଁ ପୂର୍ବ ପୁରୁଷ ବହୁ ତ୍ୟାଗ କରିଛନ୍ତି ।ଇତିହାସ କହହିଛି ଯେ ଜାତୀୟ ଦଳମାନେ ନିଜ ସ୍ୱାର୍ଥ ପାଇଁ ସବୁକିଛି ବୁଝାମଣା କରିଥାନ୍ତି ।

ଆମ ପାଇଁ ଆମ ଭାଷା, ଓଡ଼ିଶାୀ ହେଉଛି ସ୍ୱାଭିମାନ । ଜାତୀୟ ଦଳ ପାଇଁ ଏସବୁର ମାନେ କିଛି ନାହିଁ । ରାଜ୍ୟର କଂଗ୍ରେସ ଦିଲ୍ଲୀର ରିମୋଟ କେଣ୍ଟ୍ରୋଲ ଦ୍ୱାରା ଚାଲୁଥିଲା । ବିଜେପି ମଧ୍ୟ ଦିଲ୍ଲୀର ନିଦେ୍ର୍ଦଶରେ ଚାଲୁଛି ।

ବିଜେଡି ଏକମାତ୍ର ଆଞ୍ଚଳିକ ଦଳ ଯିଏ କି ଓଡ଼ିଶାର ସ୍ୱାର୍ଥ ପାଇଁ କାମ କରୁଛି । ମହାନଦୀ ପାଇଁ ଆମେ ଲଢ଼େଇ କରୁଛୁ । ସାନ୍ତାଳୀ ଓ ହୋ ଭାଷାକୁ ଜାତୀୟ ମାନ୍ୟତା ଦେବାକୁ ଆମେ ଲଢ଼େଇ କରୁଛୁ । ପ୍ରତ୍ୟେକ ବର୍ଷ ଆମେ ବହୁ ପ୍ରାକୃତିକ ବିପର୍ଯ୍ୟୟର ସମ୍ମୁଖିନ ହେଉଛୁ ।

ଓଡ଼ିଶାକୁ ସ୍ୱତନ୍ତ୍ର ରାଜ୍ୟ କରିବା ନେଇ ଉଭୟ ବିଜେପି ଓ କଂଗ୍ରେସ ସେମାନଙ୍କର ନିର୍ବାଚନ ଇସ୍ତାହାରରେ ରଖିଥିଲେ । କିନ୍ତୁ ନିର୍ବାଚନ ପେରେ ତାହାକୁ ଭୁଲିଗଲେ । କିନ୍ତୁ ବିଜେଡି ଏହି ଲଢ଼େଇ ଜାରି ରଖିବ । ଆମର ସଂକଳ୍ପ ଓଡ଼ିଶାକୁ ସ୍ୱତନ୍ତ୍ର ରାଜ୍ୟ ମାନ୍ୟତା ।

କେବଳ ଗୋଟିଏ ଆଞ୍ଚଳିକ ଦଳ ହିଁ ରାଜ୍ୟର ସ୍ୱାର୍ଥ ସମ୍ପର୍କରେ ଲଢ଼େଇ କରିପାରିବ ଓ ସ୍ୱତନ୍ତ୍ରତାକୁ ବଜାୟ ରଖିପାରିବ । ଓଡ଼ିଶାର ଖଣିଜ ସମ୍ପଦର ଲାଭ କିପରି ରାଜ୍ୟ ପାଇପାରିବ ସେଥିପାଇଁ ଉଦ୍ୟମ ଜାରି ରହିଛି । ଆଞ୍ଚଳିକ ଦଳ ହିଁ ଯୁବକଙ୍କ ସ୍ୱାର୍ଥ ପୂରଣ କରିପାରିବ ବୋଲି ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ କହିଥିଲେ ।

ଲୋକାଲ ୱାୟାର