ଦୂରରେ ଥିବା ଲୋକଙ୍କ ସତର୍କତା ପାଇଁ ହାତୀ ବେକରେ ଲାଗିବ ରେଡିଓ କଲାର୍

ଭୁବନେଶ୍ବର, ଡିସେମ୍ବର ୧୨ (ଲୋକାଲ ୱାୟାର): ଉପଦ୍ରବ କରୁଥିବା ହାତୀଙ୍କ ଦାଉରୁ ଲୋକଙ୍କୁ ରକ୍ଷା କରିବା ପାଇଁ ସେମାନଙ୍କ ବେକରେ ରେଡିଓ କଲାର୍ ଲଗାଯିବ ବୋଲି ଚିଫ୍ ୱାଇଲ୍ଡ ଲାଇଫ୍ ୱାଡେନ୍ ହରିଶଙ୍କର ଉପଧ୍ୟାୟ ଗୁରୁବାର ସୂଚନା ଦେଇଛନ୍ତି ।

ଏଥିପାଇଁ ବନ ବିଭାଗ ସହାୟତାରେ ଇଣ୍ଡିଆନ ଇନଷ୍ଟିଚ୍ୟୁଟ ଅଫ ସାଇନ୍ସର ବୈଷୟିକ ବିଶେଷଜ୍ଞଙ୍କ ସହ ଆଲୋଚନା ହୋଇଛି ।

ବିଶେଷଜ୍ଞଙ୍କ ଦ୍ଵାରା ଏକ ନୂତନ ଇନଫ୍ରା ରେଞ୍ଜର୍ ଯନ୍ତ୍ର ପ୍ରସ୍ତୁତ କରାଯିବ, ଯାହାକୁ ହାତୀ ବେକରେ ଲଗାଯିବ ।

ବିଶେଷତଃ ଦନ୍ତା ରହୁଥିବା ଅଞ୍ଚଳ ଚିହ୍ନଟ କରାଯାଇ ସେମାନଙ୍କୁ ଟ୍ରାଙ୍କୁଲାଇଜ୍ କରାଯିବ ଓ ସେମାନଙ୍କ ବେକରେ ରେଡିଓ କଲାର୍ ସଂଯୋଗ ହେବ।

ସାଟେଲାଇଟ ଜରିଆରେ ସେମାନଙ୍କ ଉପରେ ନଜର ରଖାଯାଇ ସେମାନଙ୍କ ଗତିବିଧି ଅନୁସାରେ ଲୋକଙ୍କୁ ସତର୍କ କରାଯିବ ।

ଏହା ସଂପୂର୍ଣ୍ଣ ଜିପିଏସ୍ ସିଷ୍ଟମ୍ ହୋଇଥିବାବେଳେ ପ୍ରଥମେ ପରୀକ୍ଷାମୂଳକ ଭାବେ ୪-୫ଟି ହାତୀଙ୍କ ଉପରେ ଏହାକୁ ଉପଯୋଗ କରାଯିବ ବୋଲି ଚିଫ୍ ୱାଇଲ୍ଡ ଲାଇଫ୍ ୱାଡେନ୍ କହିଛନ୍ତି ।

ସୂଚନାଯୋଗ୍ୟ, ବର୍ତ୍ତମାନ ରାଜ୍ୟରେ ୧୯୭୬ଟି ହାତୀ ଅଛନ୍ତି ।

ଲୋକାଲ ୱାୟାର୍