ନାବାଳିକାଙ୍କୁ ଅପହରଣ ଓ ଗଣବଳାତ୍କାର ମାମଲାରେ ଦୁଇ ଭାଇ ଗିରଫ

କେନ୍ଦ୍ରାପଡ଼ା, ଫେବ୍ରୁଆରୀ ୩ (ଲୋକାଲ ୱାୟାର): ନାବାଳିକା ଅପହରଣ ଓ ଗଣବଳାକ୍ରାର ଘଟଣାରେ କେନ୍ଦ୍ରାପଡା ପୁଲିସ ଦୁଇ ଭାଇଙ୍କୁ ଗିରଫ କରିଛି ।

ଯୁକ୍ତ ଦୁଇ କଳା ପଢୁଥିବା ନାବାଳିକା ଛାତ୍ରୀଙ୍କୁ ଲିଟୁ ମଲ୍ଲିକ ଓ ତାଙ୍କ ସାନ ଭାଇ ପିଂଟୁ ମଲ୍ଲିକ ବିବାହର ପ୍ରଲୋଭନ ଦେଖାଇ ଜାନୁଆରୀ ୨୯ରେ ଅପହରଣ କରି ନେଇଥିଲେ ।

ଡେରାବିଶିରେ ନାବାଳିକାଙ୍କୁ ଏକ ଘରେ ପାଞ୍ଚ ଦିନ ଗଣବଳାକ୍ରାର କରାଯାଇଥିଲା । ପୀଡ଼ିତାଙ୍କ ମା ଜାନୁଆରୀ ୩୦ରେ ମହାକାଳପଡ଼ା ଥାନାରେ ଏଫଆଇଆର ଦେବା ସହ ଦୁଇ ଭାଇ ଅପହରଣ ଓ ଗଣବଳାକ୍ରାର କରିଥିବା ଅଭିଯୋଗ କରିଥିଲେ ।

ଏଫଆଇଆରକୁ ଭିତି କରି ପୁଲିସ ଅଭିଯୁକ୍ତଙ୍କୁ ଧରିବା ପାଇଁ ଚଢ଼ାଉ ଜାରି ରଖିଥିଲା ।

ଜେରା ବେଳେ ଅଭିଯୁକ୍ତ ଦ୍ୱୟ ଅପହରଣ ଓ ବଳାକ୍ରାର ଅଭିଯୋଗକୁ ସ୍ୱୀକାର କରିଛନ୍ତି ।

କେନ୍ଦ୍ରାପଡ଼ା ଜିଲ୍ଲା ମୁଖ୍ୟ ଡାକ୍ତରଖାନାରେ ପୀଡିତାଙ୍କ ଡାକ୍ତରୀ ମାଇନା ହୋଇଥିଲା ବୋଲି ମହାକାଳପଡା ଥାନା ଆଇଆଇସି ମନୋରଞ୍ଜନ ଚୌଧୁରୀ କହିଛନ୍ତି ।

ପୁଲିସ ଦୁଇ ଅଭିଯୁକ୍ତଙ୍କ ବିରୋଧରେ ଆଇପିସିର ଧାରା ୩୬୩, ୩୪୨, ୨୯୪, ୫୦୬, ୧୦୯, ୩୭୬(୨)(ଏନ) ଓ ପୋକ୍ସୋ ଆଇନର ଧାରା ୬ ଅନୁଯାୟୀ ମାମଲା ରୁଜୁ କରିଛି ।

ଉଭୟଙ୍କୁ ବୁଧବାର କୋର୍ଟରେ ହାଜର କରା ଯାଇଥିଲା । ଅଦାଲତ ସେମାନଙ୍କ ଜାମିନ ଆବେଦନ ନାମଞ୍ଜୁର କରି ଜେଲ ହାଜତକୁ ପଠାଇ ଦେଇଛନ୍ତି ।

ଲୋକାଲ ୱାୟାର