ପାରାଦୀପ ଅନ୍ତର୍ଜାତୀୟ କାର୍ଗୋ ଟର୍ମିନାଲରେ ପହଞ୍ଚିଲା ସୁପରକ୍ରିଟିକାଲ ଓଡିସି

ପାରାଦୀପ, ଜାନୁଆରୀ ୨୯ (ଲୋକାଲ ୱାୟାର): ଏଲ ଆଣ୍ଡ ଟି ଦ୍ୱାରା ପ୍ରସ୍ତୁତ ୩୫୨୨ ମେଟ୍ରିକ ଟନର ସୁପର କ୍ରିଟିକାଲ ଓଡିସି ଅଦାନୀ ହାଜିରା ବନ୍ଦରରୁ ଜୁମ୍ବୋ ଫେୟାରପାର୍ଟନର ମାଲବାହୀ ଜାହାଜ ଯୋଗେ ଆସି ପାରାଦୀପ ଅନ୍ତର୍ଜାତୀୟ କାର୍ଗୋ ଟର୍ମିନାଲ (ପିଆଇସିଟି)ରେ ପହଁଚିଛି ।

କେନ୍ଦ୍ର ପେଟ୍ରୋଲିୟମ, ପ୍ରାକୃତିକ ବାଷ୍ପ ଓ ଇସ୍ପାତ ମନ୍ତ୍ରୀ ଜାନୁୟାରୀ ୪ରେ ସୁପରକ୍ରିଟିକାଲ ଉପକରଣଗୁଡ଼ିକର ଫ୍ଲାଗ-ଅଫ କରିଥିଲେ ।

ଏହି ଅବସରରେ ଇଣ୍ଡିଆନ ଅଏଲର ଅଧ୍ୟକ୍ଷ ଏସ.ଏମ. ବୈଦ୍ୟ ଓ ଏଲ ଆଣ୍ଡ ଟି ସିଇଓ ଓ ଏମଡି ଏସ ଏନ ସୁବ୍ରମଣ୍ୟମ ଉପସ୍ଥିତ ଥିଲେ ।

ଜାନୁଆରୀ ୨୮ରେ ପାରାଦୀପ ରିଫାଇନାରୀର କାର୍ଯ୍ୟକାରୀ ନିଦେ୍ର୍ଦଶକ ଓ ରିଫାଇନାରୀ ମୁଖ୍ୟ ଟିଡିଭିଏସ ଗୋପାଳକ୍ରିଷ୍ଣା ପତାକା ଦେଖାଇ ଜାହାଜକୁ ସ୍ୱାଗତ କରିଥିଲେ ।

ଏହି ଅବସରରେ ପାରାଦୀପ ରିଫାଇନାରୀ, ଆଇଓସିଏଲ, ଏଲ ଆଣ୍ଡ ଟି, ପିଆଇସିଟି, ପିଏମସିର ବରିଷ୍ଠ ଅଧିକାରୀମାନେ ଯୋଗ ଦେଇଥିଲେ ।

ଓଡିସି ପହଞ୍ଚିବା ଏମଇଜି ପ୍ରକଳ୍ପର ଅଗ୍ରଗତି ପାଇଁ ମାଇଲଖୁଣ୍ଟ ସଦୃଶ । ପାରାଦୀପକୁ ପେଟ୍ରୋଲିୟମ, ବୟନଶିଳ୍ପ ଓ ପେଟ୍ରୋକେମିକାଲ ଭିତିକ ଶିଳ୍ପର ହବ ଭାବେ ଗଢି ତୋଳିବା ସାଙ୍ଗକୁ ଓଡ଼ିଶାର ଉନ୍ନତି ପାଇଁ ସୁଯୋଗ ସୃଷ୍ଟି କରିବାରେ ଏମଇଜି ପ୍ରକଳ୍ପ ଗୁରୁତ୍ୱପୂର୍ଣ୍ଣ ଭୂମିକା ତୁଲାଇବ ।

ଲୋକାଲ ୱାୟାର