ଫାଇଭ୍-ଟି ସଚିବଙ୍କ ଭିତରକନିକା ଗସ୍ତ, ଇକୋ-ଟୁରିଜିମର ବିକାଶ ନେଇ ଚର୍ଚ୍ଚା

କେନ୍ଦ୍ରାପଡ଼ା, ଫେବ୍ରୁଆରି ୧୦ (ଲୋକାଲ ୱାୟାର): ସୋମବାର ଫାଇଭ୍-ଟି ସଚିବ ଭି. କାର୍ତ୍ତିକେୟନ୍ ପାଣ୍ଡିଆନ୍, ମୁଖ୍ୟ ଶାସନ ସଚିବ ଅସିତ କୁମାର ତ୍ରିପାଠୀ ଓ ପର୍ଯ୍ୟଟନ ନିର୍ଦ୍ଦେଶକ ସଚିନ ରାମଚନ୍ଦ୍ର ଯାଦବ ଦେଶର ସର୍ବବୃହତ୍ ଲୁଣା ଜଙ୍ଗଲ ଭିତରକନିକା ଗସ୍ତ କରି ସୋମବାର ଇକୋ-ଟୁରିଜମର ବିକାଶ ଲାଗି ବିଭିନ୍ନ ଯୋଜନା ସଂପର୍କରେ ଆଲୋଚନା କରିଛନ୍ତି।

ଭିତରକନିକା ଜାତୀୟ ଉଦ୍ୟାନ ନିକଟ ଖମାରସାହି ହେଲିପ୍ୟାଡରେ ଏହି ପ୍ରଶାସନିକ ଅଧିକାରୀମାନେ ପହଞ୍ଚି କୁମ୍ଭୀର ପ୍ରଜନନ ସ୍ଥଳ ଡାଙ୍ଗମାଳ ପରିଦର୍ଶନ କରିଥିଲେ।

ସେମାନେ ଜିଲ୍ଲା ସ୍ତରର ବରିଷ୍ଠ ପ୍ରଶାସନିକ ଅଧିକାରୀମାନଙ୍କ ସହ ଭିତରକନିକା ଓ ଗହିରମଥାର ବିକାଶ ସଂପର୍କରେ ଆଲୋଚନା କରିଥିଲେ।

ଏହିସବୁ ସ୍ଥାନରେ ଇକୋ-ଟୁରିଜିମର ବିକାଶ ହେଲେ ଏହି ଜାତୀୟ ଉଦ୍ୟାନ ଆଖପାଖରେ ଥିବା ଲୋକଙ୍କୁ ନିଯୁକ୍ତି ସୁଯୋଗ ମିଳିବା ସହ ଏହି ଅଂଚଳରେ ଭିତ୍ତିଭୂମିର ଆହୁରି ବିକାଶ ହୋଇପାରିବ ବୋଲି ଏହି ଅବସରରେ କେନ୍ଦ୍ରକାପଡ଼ା ଜିଲ୍ଲାପାଳ ସମର୍ଥ ବର୍ମା କହିଛନ୍ତି।

ସୂଚନାଯୋଗ୍ୟ, ପଶ୍ଚିମବଙ୍ଗର ସୁନ୍ଦରବନ ପରେ ଭିତରକନିକା ହେଉଛି ଦେଶର ଦେଶର ଦ୍ବିତୀୟ ବୃହତ୍ତମ ଲୁଣାଜଙ୍ଗଲ।

ସେହିପରି ଏଠାରେ ପ୍ରାୟ ୧୭୦୦ କୁମ୍ଭୀର ସାଙ୍ଗକୁ ବିଭିନ୍ନ ପ୍ରଜାତିର ଶହ ଶହ ପକ୍ଷୀ, ହରିଣ, ସାପ ଓ ଅନ୍ୟ ଜୀବଜନ୍ତୁ ରହନ୍ତି।

ଏଥିସହିତ ଏହି ଅଂଚଳରେ ଐତିହାସିକ ରାଜକନିକା ରାଜବାଟୀ, କବାଟବିହୀନ ଗାଁ ସିଆଳିଆ ଏବଂ ବହୁ ପୁରାତନ ହୁକିଟୋଲା ଦ୍ବୀପ ରହିଛି।

ଲୋକାଲ୍ ଓ୍ବାୟାର୍