ବିଭ୍ରାଟ ମଧ୍ୟରେ ସରିଲା ମାଟ୍ରିକ ପରୀକ୍ଷା ଆସନ୍ତା ୨୫ରୁ ମୂଲ୍ୟାୟନ

କଟକ, ମାର୍ଚ୍ଚ ୮ (ଲୋକାଲ ୱାୟାର) : ଓଡିଶା ମାଧ୍ୟମିକ ଶିକ୍ଷା ପରିଷଦ ଆନୁକୁଲ୍ୟରେ ବିଭ୍ରାଟରୁ ଗତ ମାସ ୨୨ ତାରିଖ ଶୁକ୍ରବାରରୁ ଆରମ୍ଭ ହୋଇଥିବା ଚଳିତ ବର୍ଷର ବାର୍ଷିକ ହାଇସ୍କୁଲ ସାର୍ଟିଫିକେଟ ପରୀକ୍ଷା ସେଇ ଶୁକ୍ରବାରରେ ହିଁ ଶେଷ ହୋଇଥିବା ବେଳେ ଆସନ୍ତା ୨୫ ତାରିଖରୁ ୬୦ଟି କେନ୍ଦ୍ରରେ ମୂଲ୍ୟାୟନ ଆରମ୍ଭ ହେବ ବୋଲି ପରିଷଦର ଜଣେ ଅଧିକାରୀ ପ୍ରକାଶ କରିଛନ୍ତି ।

ଫେବୃୟାରୀ ୨୨ ତାରିଖରୁ ୨୮୩୦ଟି ପରୀକ୍ଷା କେନ୍ଦ୍ରରେ ଏଥର ରେଗୁଲାରରେ ୫ ଲକ୍ଷ ୪୫ ହଜାର ୩୬୪ ଜଣ, ଏକ୍ସ ରେଗୁଲାରରେ ୨୫ ହଜାର ୮ଜଣ,ପତ୍ର ବିନିମୟ ପାଠ୍ୟକ୍ରମରେ ୨୧୦୬ ଜଣଙ୍କୁ ମିଶାଇ ମୋଟ ୫ ଲକ୍ଷ ୭୨ ହଜାର ୬୯୯ ଜଣ ପରୀକ୍ଷାର୍ଥୀ ପରୀକ୍ଷା ଦେଇଛନ୍ତି ।

ସେହିପରି ଫେବୃୟାରୀ ୨୨ ତାରିଖରେ ଆରମ୍ଭ ହୋଇଥିବା ମାଟ୍ରିକ ତତୁଲ୍ୟ ମଧ୍ୟମା ପରୀକ୍ଷାରେ ୨୭୫୪ ଜଣ ୪୪ଟି ପରୀକ୍ଷା କେନ୍ଦ୍ରରେ ପରୀକ୍ଷା ଦେଇଛନ୍ତି । ୩୦୪ଟି ନୋଡାଲ କେନ୍ଦ୍ରରେ ପ୍ରଶ୍ନପତ୍ର ଗୁଡିକ ରଖଯାଇଥିଲା ।

ତେବେ ପରୀକ୍ଷାର ପ୍ରଥମ ଦିନରୁ ହିଁ ପ୍ରଶ୍ନପତ୍ର ଭାଇରାଲ ହେବା ସହ ବ୍ୟାପକ କପି ପାଇଁ କେତକ ପରୀକ୍ଷା କେନ୍ଦ୍ରର ପରୀକ୍ଷାକୁ ସମ୍ପର୍ଣ୍ଣ ବାତିଲ କରାଯାଇଥିଲା ।

ପରୀକ୍ଷା ସମାପ୍ତ ପରେ ଆସନ୍ତା ୨୫ ତାରିଖରୁ ମୋଟ ୬୦ଟି ମୂଲ୍ୟାୟନ କେନ୍ଦ୍ରରେ ଉତ୍ତର ଖାତା ମୂଲ୍ୟାୟନର ବ୍ୟବସ୍ଥା ହୋଇଛି । ଆସନ୍ତା ଅପ୍ରେଲ ୫ ତାରିଖ ସୁଦ୍ଧା ମୂଲ୍ୟାୟନ ଶେଷ ହେବା ପାଇଁ ଲକ୍ଷ୍ୟ ଧାର୍ଯ୍ୟ କରାଯାଇଛି ।

ଲୋକାଲ ୱାୟାର