ଭାଷା ପ୍ରତିଷ୍ଠାନ ପ୍ରତିଷ୍ଠା ଦିବସରେ ପୁନଃ ପ୍ରକାଶ ପାଇଲା ‘ଶିଶୁଲେଖା’

ଭୁବନେଶ୍ୱର, ଏପ୍ରିଲ ୨(ଲୋକାଲ ୱାୟାର): ଉତ୍କଳ ଦିବସ ଭଳି ପବିତ୍ର ଦିବସରେ ୨୦୦୬ ମସିହାରେ ଓଡ଼ିଆ ଭାଷାର ପ୍ରଚାର, ପ୍ରସାର ଓ ସର୍ବାଙ୍ଗୀନ ଉନ୍ନତି ପାଇଁ ପ୍ରତିଷ୍ଠା ହୋଇଥିଲା ଓଡ଼ିଆ ଭାଷା ପ୍ରତିଷ୍ଠାନ ।

ଆଜି ଏହି ଅନୁଷ୍ଠାନଟି ୧୬ ବର୍ଷରେ ପଦାର୍ପଣ କରିଛି । ଏହି ଅବସରରେ ପ୍ରତିଷ୍ଠାନ ତରଫରୁ ଏକ ଆଲୋଚନାସଭା ସଂସ୍କୃତି ଭବନସ୍ଥିତ ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଯାଇଛି ।

ଏହି ପବିତ୍ର ଦିବସ ଅବସରରେ ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ଅଧୀନ ଓଡ଼ିଆ ଭାଷା ପ୍ରତିଷ୍ଠାନ ପକ୍ଷରୁ ପୂର୍ବରୁ ବହୁ ଲୋକପ୍ରିୟତା ସାଉଣ୍ଟିଥିବା ‘ଶିଶୁଲେଖା’ ପତ୍ରିକା ପୁନଃ ପ୍ରକାଶ ପାଇ ଉନ୍ମୋଚିତ ହୋଇଛି ।

ସ୍ୱତନ୍ତ୍ର ଉକ୍ରଳ ପ୍ରଦେଶ ଗଠନର ୮୫ବର୍ଷ ପୂର୍ତ୍ତି ତଥା ପୂଜ୍ୟ ବାପୁଜୀଙ୍କ ଓଡ଼ିଶା ଆଗମନର ଶହେ ବର୍ଷ ପୂର୍ତ୍ତି ଅବସରରେ ଏହି ‘ଶିଶୁଲେଖା’ ପତ୍ରିକାର ଏକ ସ୍ୱତନ୍ତ୍ର ସଂସ୍କରଣ ରାଜ୍ୟର ଅଗଣିତ ଶିଶୁମାନଙ୍କ ଉଦେ୍ଦଶ୍ୟରେ ସମର୍ପିତ ।

କାର୍ଯ୍ୟକ୍ରମର ଉଦଘାଟକ ଭାବେ ବିଭାଗୀୟ ମନ୍ତ୍ରୀ ଜ୍ୟୋତିପ୍ରକାଶ ପାଣିଗ୍ରାହୀ ଯୋଗଦେଇଥିଲେ ।

ପତ୍ରିକାର ସମ୍ପାଦକମଣ୍ଡଳୀ, ଚିତ୍ରଶିଳ୍ପୀ ଓ ପ୍ରତିଷ୍ଠାନକୁ ସେ ଶୁଭେଚ୍ଛା ଏବଂ ସାଧୁବାଦ ପ୍ରଦାନ କରିଥିଲେ ।

ମୁଖ୍ୟ ଅତିଥି ଭାବରେ ବିଭାଗୀୟ ପ୍ରମୁଖ ଶାସନ ସଚିବ ବିଷ୍ଣୁପଦ ସେଠୀ ଯୋଗଦେଇଥିଲେ ।

ସମ୍ମାନିତ ଅତିଥି ଭାବରେ ବିଶିଷ୍ଟ କବି ଏବଂ ଅବସରପ୍ରାପ୍ତ ଉନ୍ନୟନ କମିଶନର ତଥା ଅତିରିକ୍ତ ମୁଖ୍ୟ ଶାସନ ସଚିବ ଡ. ରବିନାରାୟଣ ସେନାପତି, ମୁଖ୍ୟ ବକ୍ତା ଭାବରେ ବିଶିଷ୍ଟ ଭାଷାବିତ୍ ଡ. ଅରବିନ୍ଦ ପଟ୍ଟନାୟକ ଯୋଗଦେଇଥିଲେ ।

‘ଶିଶୁଲେଖା ଉନ୍ମୋଚନ ସମୟରେ ଶିଶୁ ଏବଂ ଶିଶୁ ସାହିତ୍ୟ ଲେଖକ ଦାଶ ବେନହୁର ଯୋଗଦେଇଥିଲେ ।

ଭାଷା ପ୍ରତିଷ୍ଠାନର ନିଦେ୍ର୍ଦଶକ ଡ. ଭାଗ୍ୟଲିପି ମଲ୍ଲ ସ୍ୱାଗତ ଭାଷଣ ଦେବା ସହିତ କାର୍ଯ୍ୟକ୍ରମର ପରିଚାଳନା କରିଥିଲେ । ପ୍ରତିଷ୍ଠାନର କାର୍ଯ୍ୟାଳୟ ତତ୍ତ୍ୱାବଧାରକ ଇନ୍ଦ୍ରମଣି ତ୍ରିପାଠୀ ଧନ୍ୟବାଦ ଦେଇଥିଲେ ।

ଲୋକାଲ ୱାୟାର