ଯାତ୍ରା: ରଙ୍ଗବଜାରରେ ରଙ୍ଗ ଲଗେଇବ ରଙ୍ଗମହଲ

ଭୁବନେଶ୍ୱର, ଫେବ୍ରୁଆରୀ ୧୨(ଲୋକାଲ ୱାୟାର): ଦୀର୍ଘ ୧୦ ମାସ ପରେ ଆଖଡ଼ା ସାରି ମୈଦାନକୁ ଓହ୍ଲାଇଛନ୍ତି ଯାତ୍ରା ପାର୍ଟି ।

ତେବେ ରାଜଧାନୀ ଯାତ୍ରା ଷଣ୍ଢ ଯାତ୍ରା ରଙ୍ଗମହଲ ଭୁବନେଶ୍ୱର ରଙ୍ଗବଜାର ଗୋତଳବିନ୍ଧାରୁ ନିଜ ଯାତ୍ରା ଅଭିଯାନ ପୁଣି ଆରମ୍ଭ କରିଛି ।

୧୦ରୁ ୧୩ ତାରିଖ ପର୍ଯ୍ୟନ୍ତ ଏହିଠାରେ ଯାତ୍ରା ପରେ ଅନ୍ୟତ୍ର ଯାତ୍ରା କରିବ ପାର୍ଟି । ସତ୍ୟ ଜେନାଙ୍କ ପ୍ରଯୋଜନା ଓ ମାର୍ଗଦର୍ଶନରେ ଯାତ୍ରା ପାର୍ଟି ପୂରା ପ୍ରସ୍ତୁତି ସହ ଲୋକଙ୍କ ମନୋରଞ୍ଜନର ସଂକଳ୍ପ ନେଇଛି ।

ଶ୍ରୀ ଜେନା କହିଛନ୍ତି, ଗଳ୍ପ ସବୁ ସ୍ୱପ୍ନପୁରୀର, ସବୁଠୁ ଉଚ୍ଚରେ ଆଉ ସବୁଠୁ ଚର୍ଚ୍ଚାରେ । ନୃତ୍ୟ ଖରାପ କରିବୁନି କି ଖରାପ ଶିକ୍ଷା ଦେବୁନି ।

ଲୋମ ଟାଙ୍କୁରା ସଂଳାପ ସହ ହୃଦୟକୁ ଛୁଇଁଲା ଭଳି ଗୀତ ଓ ସଙ୍ଗୀତ ମୁଖ୍ୟ ଆକର୍ଷଣ ।

ଏଥର ମଞ୍ଚରେ ହସେଇବେ, କନେ୍ଦଇବେ ଓ ରଗେଇବେ କିଙ୍ଗ ଷ୍ଟାର୍ ସୁବାଷ ବେହେରା, ଟାହିଆ, ଦୀପୁ, ରମା, ଅଜିତ, ଭରତ, ଶୁଭାଶିଷ, ଯଜ୍ଞ, ଗୁରୁ, ମାମା, ତମସା, ମାନସୀ, ପିଙ୍କି ଓ କଣ୍ଢେଇ ।

ନାଟକ ସବୁ ପୁରୁଣା ଥିଲା ବେଳେ ଗୋଟିଏ ନୂଆ ନାଟକ ହୋଇଛି । ଆଉ ଯାହାର ନିଦେ୍ର୍ଦଶନା ପ୍ରଯୋଜକ ସତ୍ୟ ଜେନା ଦେଇଛନ୍ତି ।

ନାଟକର ନାଁ ହେଲା ‘ଭୁଲ୍ ତୋର ଭୋଗୁଛି ମୁଁ’ । ଏହାର ଗୀତ ଓ କାହାଣୀ ଡ. ଦୀପକ ଜେନା ରଚନା କରିଛନ୍ତି ।

ସଙ୍ଗୀତରେ ସଜାଇଛନ୍ତି ଅମୃତାଂଶୁ ପଟ୍ଟନାୟକ ଓ ନୃତ୍ୟ ସଂଯୋଜନା କରିଛନ୍ତି ମାଷ୍ଟର୍ ବାପି ।

ସେହିପରି ଅନ୍ୟ ନାଟକଗୁଡ଼ିକ ହେଲା ‘ମୁଁ ସେଇ ଭଦ୍ରକିଆ ଟୋକା’, ‘ବଡ଼ ଦାଣ୍ଡର ଭିକାରି’ । ଏଥର ପ୍ରସ୍ତୁତିରୁ ଲାଗୁଛି ପୂରା ମୈଦାନରେ ରଙ୍ଗ ଲଗେଇବ ରଙ୍ଗମହଲ ।

ଲୋକାଲ ୱାୟାର