ଭୁବନେଶ୍ୱର, ଡିସେମ୍ବର ୨୫(ଲୋକାଲ ୱାୟାର): ଭଗବାନ ଯୀଶୁଙ୍କ ଧରାବତରଣକୁ ରାଜଧାନୀ ବାସୀ ସ୍ୱାଗତ କରିଥିବା ବେଳେ ସହରର ସମସ୍ତ ଚର୍ଚ୍ଚରେ ମଧ୍ୟରାତ୍ରିରେ ଉତ୍ସବମୟ ପରିବେଶ ସୃଷ୍ଟି ହୋଇଛି ।
ସତ୍ୟନଗରର କ୍ୟାଥୋଲିକ୍ ଚର୍ଚ୍ଚ, ୟୁନିଟ୍ ୪ ୟୁନିୟନ୍ ଚର୍ଚ୍ଚ, ବରମୁଣ୍ଡା, ୟୁନିଟ୍-୮ ଏବଂ ଅନ୍ୟାନ୍ୟ ଚର୍ଚ୍ଚ ଗୁଡ଼ିକରେ ଖ୍ରୀଷ୍ଟ ଧର୍ମାବଲମ୍ବୀ ଭାଇଭଉଣୀମାନେ ନାଚଗୀତରେ କେକ୍ କାଟି ପରସ୍ପରକୁ କ୍ରିସମାସ ଡେ’ର ଶୁଭେଚ୍ଛା ଜଣାଇଛନ୍ତି ।
ଆଲୋକମାଳାରେ ସମସ୍ତ ଚର୍ଚ୍ଚ ଝଲସୁଥିବା ବେଳେ କ୍ୟାରୋଲର ଧୂମ୍ ମଧ୍ୟରେ ସମସ୍ତେ କ୍ୟାଣ୍ଡେଲ ଜାଳି ପ୍ରଭୁ ଯୀଶୁଙ୍କ ଆଶୀର୍ବାଦ ନେଇଥିଲେ । କ୍ରିସମାସ୍ ଟ୍ରିରେ ଆଲୋକର ମାଳା ଚିକମିକ୍ କରୁଥିଲା ।
ସାନ୍ତା ପୋଷାକ ଓ ସାନ୍ତା ଟୋପି ପିନ୍ଧି ଛୁଆଟୁ ବୟସ୍କ ସମସ୍ତେ ଖୁସିରେ ପରସ୍ପରକୁ ଅଭିନନ୍ଦନ ଜଣାଇଥିଲେ ।
ଏହି ଉତ୍ସବରେ ଖ୍ରୀଷ୍ଟ ଧର୍ମାବଲମ୍ବୀଙ୍କ ସହ ଅନ୍ୟାନ୍ୟ ଲୋକମାନେ ମଧ୍ୟ ବେଶ୍ ଖୁସିରେ ସାମିଲ ଥିବା ଦେଖିବାକୁ ମିଳିଥିଲା ।
ମଙ୍ଗଳବାର ରାତିରେ ସମସ୍ତ ଚର୍ଚ୍ଚରେ ସ୍ୱତନ୍ତ୍ର ପ୍ରାର୍ଥନା ସଭା ଆୟୋଜନ କରାଯାଇଥିଲା । ବୁଧବାର ଦିନ ସାରା ସମସ୍ତ ଚର୍ଚ୍ଚରେ ମିଷ୍ଟାନ୍ନ ବଣ୍ଟନ ସହିତ ଅନ୍ୟାନ୍ୟ କାର୍ଯ୍ୟକ୍ରମ ଥିବା ଚର୍ଚ୍ଚ ଗୁଡ଼ିକ ପକ୍ଷରୁ ସୂଚନା ଦିଆଯାଇଛି ।
ଲୋକାଲ ୱାୟାର
Leave a Reply