ରାଜଧାନୀରେ ଆଜି ୩୧୨ ଆକ୍ରାନ୍ତ ଚିହ୍ନଟ, ମୃତ୍ଯୁ ସଂଖ୍ୟା ଶହେ ଛୁଇଁଲା

ଭୁବନେଶ୍ୱର, ଅକ୍ଟୋବର ୨(ଲୋକାଲ ୱାୟାର): ରାଜଧାନୀ ଭୁବନେଶ୍ୱରରେ ଶୁକ୍ରବାର ପୁଣି ୩୧୨ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ମୃତୁ୍ୟ ସଂଖ୍ୟା ୧୦୦ ଛୁଇଁଥିବା ବିଏମସି କହିଛି ।

ଶୁକ୍ରବାର ସୁସ୍ଥ ହୋଇଛନ୍ତି ୩୨୯ ଜଣ ଆକ୍ରାନ୍ତ । ଏ ପର୍ଯ୍ୟନ୍ତ ରାଜଧାନୀରେ ମୋଟ ୨୨ ହଜାର ୫୪୭ ଆକ୍ରାନ୍ତ ହୋଇଛନ୍ତି ।

୧୮ ହଜାର ୯୧୪ ଜଣ ସୁସ୍ଥ ହୋଇଥିବା ବେଳେ ୩୫୧୪ ଜଣ ଆକ୍ଟିଭ୍ ରୋଗୀ ଚିକିତ୍ସାଧୀନ ଅଛନ୍ତି ।

ଶୁକ୍ରବାର ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରେ ୫୮ ଜଣ କ୍ୱାରେଣ୍ଟାଇନରେ ଅଛନ୍ତି । ସେମାନଙ୍କ ମଧ୍ୟରୁ ଚନ୍ଦ୍ରଶେଖରପୁରରେ ୫ଜଣ, ଲକ୍ଷ୍ମୀସାଗରରେ ୪ଜଣ, ପଟିଆରେ ୪ଜଣ ଚିହ୍ନଟ ହୋଇଛନ୍ତି ।

ସ୍ଥାନୀୟ ସଂକ୍ରମିତ ଭାବେ ଚିହ୍ନଟ ହୋଇଥିବା ୨୫୪ ଜଣଙ୍କ ମଧ୍ୟରେ ପଟିଆରୁ ୨୨ଜଣ, ନୟାପଲ୍ଲୀରୁ ୧୩ଜଣ, ଝାରପଡ଼ାରୁ ୧୦ଜଣ, ଚନ୍ଦ୍ରଶେଖରପୁରରୁ ୯ଜଣ, ୟୁନିଟ-୬, ୟୁନିଟ-୯ରୁ ୮ଜଣ, ଶୈଳଶ୍ରୀ ବିହାରରୁ ୭ଜଣ, ବାପୁଜୀନଗରରୁ ୭ଜଣ, ସହିଦନଗରରୁ ୬ଜଣ, ଅଶୋକନଗର, ଭୀମଟାଙ୍ଗୀ, ନିଳାଦ୍ରୀବିହାର, ରସୁଲଗଡ଼, ସୁନ୍ଦରପଦା, ୟୁନିଟ-୨, ୟୁନିଟ-୪, ୟୁନିଟ-୮, ବଡ଼ଗଡ଼ରୁ ୫ଜଣ ଲେଖାଏଁ, ବିଜେବି ନଗର, ମଧୁସୂଦନନଗର, ଲୁଇସ ରୋଡ୍, ଓଲ୍ଡ ଟାଉନ, ଲକ୍ଷ୍ମୀସାଗର, ଟଙ୍କପାଣି ରୋଡ୍, ୟୁନିଟ-୩, ବମିଖାଲରୁ ୪ଜଣ ଲେଖାଏଁ ସଂକ୍ରମିତ ହୋଇଛନ୍ତି ।

ଲୋକାଲ ୱାୟାର