କଟକ, ଡିସେମ୍ବର ୧୯(ଲୋକାଲ ୱାୟାର): ରାଜ୍ୟରେ ଗତ ୧୧ ମାସ ମଧ୍ୟରେ ୬୫ କୋଟି ଟଙ୍କାର ଗଞ୍ଜେଇ ଜବତ ହୋଇଥିବା ପୁଲିସ ବିଭାଗ ପକ୍ଷରୁ ଶନିବାର କୁହାଯାଇଛି ।
ଚଳିତ ବର୍ଷ ଗଞ୍ଜେଇ ଜବତରେ ଓଡ଼ିଶା ପୁଲିସ୍ ରେକର୍ଡ କରିଛି । ଜାନୁଆରୀରୁ ନଭେମ୍ବର ମାସ ମଧ୍ୟରେ ୧୨୯୨ କ୍ୱିଣ୍ଟାଲରୁ ଅଧିକ ଗଞ୍ଜେଇ ଜବତ ହୋଇଛି । କୋରାପୁଟ ପୁଲିସ ସର୍ବାଧିକ ୫୨୮ କ୍ୱିଣ୍ଟାଲ ଗଞ୍ଜେଇ ଜବତ କରିଛି ।
ପୁଲିସ୍ର ସୂଚନାନୁସାରେ, ଗତ ୧୦ ବର୍ଷରେ ହାରାହାରି ଜବତ ଗଞ୍ଜେଇର ପରିମାଣଠାରୁ ଚଳିତ ବର୍ଷ ଜବତ ପରିମାଣ ରେକର୍ଡ କରିଛି ।
୨୦୧୦ରେ ୭୩ କ୍ୱିଣ୍ଟାଲ୍, ୨୦୧୧ରେ ୨୦୮ କ୍ୱିଣ୍ଟାଲ୍, ୨୦୧୨ରେ ୧୦୭ କ୍ୱିଣ୍ଟାଲ୍, ୨୦୧୩ରେ ୩୭୧ କ୍ୱିଣ୍ଟାଲ, ୨୦୧୪ରେ ୨୮୮କ୍ୱିଣ୍ଟାଲ, ୨୦୧୫ରେ ୧୯୮ କ୍ୱିଣ୍ଟାଲ, ୨୦୧୬ରେ ୪୨୮ କ୍ୱିଣ୍ଟାଲ୍, ୨୦୧୭ରେ ୩୦୪ କ୍ୱିଣ୍ଟାଲ୍, ୨୦୧୮ରେ ୫୨୩ କ୍ୱିଣ୍ଟାଲ ଏବଂ ୨୦୧୯ରେ ୬୧୮ କ୍ୱିଣ୍ଟାଲ୍ ଗଞ୍ଜେଇ ଜବତ ହୋଇଥିଲା ।
ବିଶେଷ କରି କୋରାପୁଟ, ମାଲକାନଗିରି, ଗଜପତି ଆଦି ଉପାନ୍ତ ଜିଲ୍ଲାରେ ଅଧିକ ଗଞ୍ଜେଇ ଜବତ ହେଉଛି ।
ଲୋକାଲ ୱାୟାର
Leave a Reply