ରାଜ୍ୟ ପୁଲିସରେ ଡିଏସପି ପାହ୍ୟାରେ ଅଦଳବଦଳ

ଭୁବନେଶ୍ୱର, ଡିସେମ୍ବର ୨୪(ଲୋକାଲ ୱାୟାର): ରାଜ୍ୟ ପୁଲିସରେ ଡିଏସପି ସ୍ତରରେ ଅଦଳ ବଦଳ ହୋଇଥିବା ପୁଲିସ ମୁଖ୍ୟାଳୟରୁ ଗୁରୁବାର ପ୍ରକାଶିତ ବିଜ୍ଞପ୍ତିରୁ ଜଣାପଡ଼ିଛି ।

ବିଜ୍ଞପ୍ତି ଅନୁସାରେ, ବିଜୁ ପଟ୍ଟନାୟକ ପୁଲିସ୍ ଏକାଡେମୀରେ କ୍ୟାଡେଟ୍ ଡିଏସପି ଭାବେ ଟ୍ରେନିଂ ଶେଷ କରିଥିବା ୯ ଜଣଙ୍କୁ ବିଭିନ୍ନ ଜିଲ୍ଲାରେ ଏସଡିପିଓ ଭାବେ ନିଯୁକ୍ତି ପାଇଥିବା ବେଳେ ୧୪ ଜଣ ଇନଚାର୍ଜ ଡିଏସପିଙ୍କ ଅଦଳବଦଳ ହୋଇଛି ।

ସନ୍ତକ ଜେନାଙ୍କୁ ଖରିଆର ଏସଡିପିଓ, ସତ୍ୟବ୍ରତ ଦାସଙ୍କୁ ବୁର୍ଲା ଏସଡିପିଓ, ଅଂଶୁମାନ ଦ୍ୱିବେଦୀଙ୍କୁ ମାଲକାନଗିରି ଏସଡିପିଓ, ସୁମନ ରଞ୍ଜିତା ସିଂଙ୍କୁ ପାଲଲହଡ଼ା ଏସଡିପିଓ, ପ୍ରତୁ୍ୟଷ ମହପାତ୍ରଙ୍କୁ ଦେବଗଡ଼ ଏସଡିପିଓ, ଅନୁପ ଅଭିଷେକ ବେହେରାଙ୍କୁ ଜୟପୁର ଏସଡିପିଓ, ଦୀନେଶ ଚନ୍ଦ୍ର ନାୟକଙ୍କୁ ନବରଙ୍ଗପୁର ଏସଡିପିଓ, ମନୋଜ କୁମାର ପୂଜାରୀଙ୍କୁ ବାଲିଗୁଡ଼ା ଏସଡିପିଓ, ଗାୟତ୍ରୀ ପ୍ରଧାନଙ୍କୁ ରାଜଗାଙ୍ଗପୁର ଏସଡିପିଓ ଭାବେ ନିଯୁକ୍ତି ଦିଆଯାଇଛି ।

ସ୍ପେସାଲ୍ ବ୍ରାଞ୍ଚ ଇନଚାର୍ଜ ଡିଏସପି ଶୀତିକଣ୍ଠ କାନୁନଗୋଙ୍କୁ ପଟ୍ଟାମୁଣ୍ଡାଇ ଏସଡିପିଓ, ପଟ୍ଟମୁଣ୍ଡାଇ ଏସଡିପିଓ ରଞ୍ଜନ କୁମାର ଦେଙ୍କୁ କାମାକ୍ଷାନଗର ଏସଡିପିଓ, ଭଦ୍ରକ ହେଡକ୍ୱାର୍ଟର ଡିଏସପି ସୁନିଲ୍ କୁମାର ନନ୍ଦଙ୍କୁ ବାଙ୍କୀ ଏସ୍ଡିପିଓ, ଯାଜପୁର ଆଇସିଏଡବ୍ଲୁ ଡିଏସପି ନାରାୟଣ ଚନ୍ଦ୍ର ବାରିକଙ୍କୁ ଯାଜପୁର ଏସଡିପିଓ, ବାଲିଗୁଡ଼ା ଏସଡିପିଓ ମାନସ ରଞ୍ଜନ ବାରିକଙ୍କୁ ବାଲୁଗାଁ ଏସଡିପିଓ, କେନ୍ଦୁଝର ଡିଏସପି ଦିଲ୍ଲୀପ୍ ଚନ୍ଦ୍ର ବାଗଙ୍କୁ ଚରମ୍ପା ଏସଡିପିଓ ଓ ବୁର୍ଲା ଏସଡିପିଓ ଶିଶୁ ରଞ୍ଜନ ମହାପାତ୍ରଙ୍କୁ ସମ୍ବଲପୁର ଡିଏସପି, କାମାକ୍ଷାନଗର ଏସଡିପିଓ ସୁପ୍ରସନ୍ନ କୁମାର ମଲ୍ଲିକଙ୍କୁ କଟକ ଜିଲ୍ଲା ଡିଏସପି, ଦେଓଗଡ଼ ଏସଡିପିଓ ସୁଲେମାନ ଏକ୍କାଙ୍କୁ ଢେଙ୍କାନାଳ ଡିଏସପି, ଆନନ୍ଦପୁର ଏସଡିପିଓ ବିଦୁ୍ୟତ ଚନ୍ଦ୍ର ପଣ୍ଡାଙ୍କୁ କଟକ ଏଚଆରପିସି ଡିଏସପି, ବାଲୁଗାଁ ଏସଡିପିଓ ସୁରେଶଚନ୍ଦ୍ର ଦାସଙ୍କୁ ଆନନ୍ଦପୁର ଏସଡିପିଓ, ରାଜଗାଙ୍ଗପୁର ଏସଡିପିଓ ସ୍ନେହାଶିଷ ସାହୁଙ୍କୁ କନ୍ଧମାଳ ଡିଏସପି, ବୀରମିତ୍ରପୁର ଏସଡିପିଓ ନିବେଦିତା ସୋରେନଙ୍କୁ ବରଗଡ଼ ଡିଏସପି, ପାଲଲହଡ଼ା ଏସଡିପିଓ ଯଶୋବନ୍ତ ସାମଲଙ୍କୁ ବୀରମିତ୍ରପୁର ଏସଡିପିଓ ଭାବେ ନିଯୁକ୍ତି ଦିଆଯାଇଛି ।

ଲୋକାଲ ୱାୟାର