ଭୁବନେଶ୍ୱର, ଅଗଷ୍ଟ ୧୯(ଲୋକାଲ ୱାୟାର): ରାଜ୍ୟ ପୁଲିସରେ ୮ ଜଣ ଡିଏସପିଙ୍କ ବଦଳି ହୋଇଥିବା ବୁଧବାର ରାଜ୍ୟ ପୁଲିସ ମୁଖ୍ୟାଳୟରୁ ପ୍ରକାଶିତ ବିଜ୍ଞପ୍ତିରୁ ଜଣାପଡ଼ିଛି ।
ଭଦ୍ରକ ଜିଲ୍ଲା ଡିଏସପି ଅଶୋକ କୁମାର ଦାସଙ୍କ ବଦଳିକୁ ବାତିଲ୍ କରାଯାଇ ତାଙ୍କୁ ସେହି ସ୍ଥାନରେ ରଖାଯାଇଛି ।
କନ୍ଧମାଳର ଡିଏସପି ତୃପ୍ତି ରାଓ ପଟ୍ଟନାୟକଙ୍କୁ ଜି. ଉଦୟଗିରି ଏସଡିପିଓ, ପାରଳାଖେମୁଣ୍ଡି ଏସଡିପିଓ ପ୍ରକାଶଚନ୍ଦ୍ର ଜେନାଙ୍କୁ ବ୍ରହ୍ମପୁର ହେଡକ୍ୱାର୍ଟର ଡିଏସପି, ବ୍ରହ୍ମପୁରରୁ ରାମକୃଷ୍ଣ ପତିଙ୍କୁ ପାରଳାଖେମୁଣ୍ଡି ଏସଡିପିଓ, କନ୍ଧମାଳ ହେଡକ୍ୱାର୍ଟର ଡିଏସପି ଗୁଣନିଧି ମଲ୍ଲିଙ୍କକୁ କୋରାପୁଟ ସଦର ଏସଡିପିଓ, ସମ୍ବଲପୁର ଡିଏସପି ହିମାଂଶୁ ଭୂଷଣ ବେହେରାଙ୍କୁ ବଡ଼ବିଲ ଏସଡିପିଓ, କୋରାପୁଟ ସଦର ଏସଡିପିଓ ବଳଭଦ୍ର ଦୀପଙ୍କୁ ମାଲକାନଗିରି ହେଡକ୍ୱାର୍ଟର ଡିଏସପି, କରଞ୍ଜିଆ ଏସଡିପିଓ ନାରାୟଣ ନାୟକଙ୍କୁ କଳାହାଣ୍ଡି ହେଡକ୍ୱାର୍ଟର ଡିଏସପି ଏବଂ ବଡ଼ବିଲ ଏସଡିପିଓ ସତ୍ୟବିକାଶ ଭୂୟାଁଙ୍କୁ କରଞ୍ଜିଆ ଏସଡିପିଓ ଭାବେ ବଦଳି କରାଯାଇଛି ।
ଲୋକାଲ ୱାୟାର
Leave a Reply