ରାୟଗଡ଼ା, ଅଗଷ୍ଟ ୨୮(ଲୋକାଲ ୱାୟାର): ରାୟଗଡ଼ା ଜିଲ୍ଲାରେ ଶୁକ୍ରବାର ୪୯୫ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ସେମାନଙ୍କ ମଧ୍ୟରେ ୨୧୮ ଜଣ କଏଦୀ ଥିବା ଜିଲ୍ଲାପାଳ ପ୍ରମୋଦ ବେହେରା କହିଛନ୍ତି ।
ରାୟଗଡ଼ା ସବ୍ ଜେଲ୍ ରେ ୫ ଜଣ କର୍ମଚାରୀ ଓ ୧୫୨ ଜଣ କଏଦୀ ଆକ୍ରାନ୍ତ ହୋଇଛନ୍ତି । ସେହିପରି ଗୁଣୁପୁର ସବ୍ ଜେଲରେ ୬୧ ଜଣ କଏଦୀଙ୍କ କରୋନା ଟେଷ୍ଟ ରିପୋର୍ଟ ମଧ୍ୟ ପଜିଟିଭ୍ ଆସିଛି ।
ଉଲ୍ଲେଖଯୋଗ୍ୟ, ରାୟଗଡ଼ା ଜିଲ୍ଲାରେ ଏ ପର୍ଯ୍ୟନ୍ତ ମୋଟ ୪୨୧୫ ଜଣ କରୋନା ଆକ୍ରାନ୍ତ ଚିହ୍ନଟ ହେଲେଣି । ସେମାନଙ୍କ ମଧ୍ୟରୁ ୨୩ ଜଣଙ୍କ ମୃତ୍ଯୁ ହୋଇଛି ।
୨୨୭୮ ଜଣ ସୁସ୍ଥ ହୋଇ ଘରକୁ ଫେରିଥିବା ବେଳେ ୧୯୧୫ ଜଣ ଆକ୍ଟିଭ୍ ରୋଗୀ ଚିକିତ୍ସିତ ହେଉଥିବା ସ୍ୱାସ୍ଥ୍ୟ ବିଭାଗ କହିଛି ।
ସୂଚନାଯୋଗ୍ୟ, ରାଜ୍ୟର ବିଭିନ୍ନ ଜେଲରେ ଅନ୍ତେବାସୀମାନେ ଅଧିକରୁ ଅଧିକ କରୋନା ବବଳରେ ପଡ଼ୁଥିବା ଦେଖିବାକୁ ମିଳିଛି ।
ରାଉରକେଲା ସ୍ପେସିଆଲ ଜେଲରେ ୭୬ ଜଣ ଆକ୍ରାନ୍ତ ହୋଇଥିବା ବେଳେ ଯାଜପୁର ଜିଲ୍ଲାର ରଗଡ଼ି ଜେଲରେ ମଧ୍ୟ ୧୧୩ ଜଣ ଆକ୍ରାନ୍ତ ହୋଇଛନ୍ତି ।
ବ୍ରହ୍ମପୁର ଜେଲରେ ୫୭ ଜଣ କଏଦୀ ଏବଂ ୧୪ ଜଣ କର୍ମଚାରୀ ଆକ୍ରାନ୍ତ ହୋଇଛନ୍ତି । ପୁରୀ ଜେଲରେ ୭ ଜଣ, ବାଣପୁର ଜେଲରେ ୫ ଜଣ ଏବଂ ଚୌଦ୍ୱାର ଜେଲରେ ୯ ଜଣ କଏଦୀ ଆକ୍ରାନ୍ତ ହୋଇଛନ୍ତି ।
ଲୋକାଲ ୱାୟାର
Leave a Reply