ଲୁଟ୍ ଉଦ୍ୟମ ବିଫଳ ପରେ ଏଟିଏମ୍ ପୋଡି ଦେଲେ ଦୁର୍ବୃତ୍ତ

ଭୁବନେଶ୍ୱର, ଅଗଷ୍ଟ ୧୮ (ଲୋକାଲ ୱାୟାର) : ମୟୂରଭଞ୍ଜ ଜିଲ୍ଲା ଉଦଳା କଲେଜ ରୋଡସ୍ଥିତ ଏସବିଆଇ ଏଟିଏମ୍‌କୁ ଲୁଟ ଉଦ୍ୟମରେ ଆସି ଦୁର୍ବୃତ୍ତ ପୋଡି ଦେଇଥିବା ମଙ୍ଗଳବାର ସ୍ଥାନୀୟ ପୁଲିସ କହିଛି ।

ପୁଲିସ୍ ସୂଚନା ଅନୁସାରେ, ସୋମବାର ବିଳମ୍ବିତ ରାତିରେ କିଛି ଦୁର୍ବୃତ୍ତ ଏଟିଏମକୁ ଲୁଟ୍ କରିବା ପାଇଁ ଆସିଥିଲେ ।

ତେବେ ଟଙ୍କା ନେବା ଉଦ୍ୟମ ବିଫଳ ହେବାରୁ ଏଟିଏମ୍ ଜାଳି ଦେଇଥିଲେ ଦୁର୍ବୃତ୍ତ ।

ଯାହାଫଳରେ ଏଟିଏମଟି ପୋଡିଯାଇଛି । ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଅଁ।କୁ ଆୟତ୍ତ କରିଥିଲା ।

ଏଟିଏମ ଭାଙ୍ଗିବା ନିମନ୍ତେ ଦୁର୍ବୃତ୍ତ ଆଣିଥିବା ଗ୍ୟାସ୍ ଟାଙ୍କି ଏବଂ କଟରକୁ ଛାଡି ଚାଲିଯାଇଥିବା ବେଳେ ପୁଲିସ୍ ସେଗୁଡିକୁ ଜବତ କରି ଘଟଣାର ତଦନ୍ତ ଆରମ୍ଭ କରିଛି ।

ଲୋକାଲ ୱାୟାର