ସପ୍ତାହ ମଧ୍ୟରେ ବନ୍ୟା କ୍ଷୟକ୍ଷତି ରିପୋର୍ଟ ଦେବା ପାଇଁ ମାଲକାନଗିରି ପ୍ରଶାସନକୁ ନିର୍ଦ୍ଦେଶ

ଅବିନାଶ ମହାପାତ୍ର

ଭୁବନେଶ୍ବର, ସେପ୍ଟେମ୍ବର ୨୪ ( ଲୋକାଲ ୱାୟର): ମାଲକାନଗିରି ଜିଲ୍ଲାରେ ବନ୍ୟା ଯୋଗୁଁ ନିକଟରେ ହୋଇଥିବା କ୍ଷୟକ୍ଷତିର ଆକଳନ କରି ଏକ ସପ୍ତାହ ମଧ୍ୟରେ ରିପୋର୍ଟ ଦେବାପାଇଁ ରାଜ୍ୟ ସରକାର ସେଠାକାର ଜିଲ୍ଲା ପ୍ରଶାସନକୁ ସୋମବାର ନିର୍ଦ୍ଦେଶ ଦେଇଛନ୍ତି।

ଗତ ସପ୍ତାହରେ ଉପକୂଳ ଓଡିଶାରେ ଲଗାଣ ବର୍ଷା ହୋଇଥିଲା। ଏହି ଲଗାଣ ବର୍ଷାରେ ମାଲକାନଗିରି ଜିଲା ସର୍ବାଧିକ କ୍ଷତିଗ୍ରସ୍ତ ହୋଇଥିଲା । ବର୍ଷା ପରବର୍ତ୍ତୀ ବନ୍ୟାରେ ଜିଲ୍ଲାରେ ଯୋଗାଯୋଗ ବିଚ୍ଛିନ୍ନ ହେବାସହ ଅନେକ ବ୍ଲକର ସରକାରୀ ଏବଂ ଘରୋଇ ସମ୍ପତ୍ତି ନଷ୍ଟ ହୋଇଥିଲା।

କ୍ଷତିଗ୍ରସ୍ତ ହୋଇଥିବା ପ୍ରାଥମିକ ସ୍କୁଲ, ରାସ୍ତା, ପଞ୍ଚାୟତ ଗୃହ ବିଦ୍ୟୁତ ଖୁଣ୍ଟ ଆଦିକୁ ଗୁରୁତ୍ବଦେଇ ଏହାର ଶିଘ୍ର ମରାମତି କରିବା ପାଇଁ ସ୍ବତନ୍ତ୍ର ରିଲିଫ କମିଶନର ବିଷ୍ନୁପଦ ସେଠୀ ଜିଲ୍ଲାପାଳଙ୍କୁ ଲେଖିଥିବା ଚିଠିରେ ଦର୍ଶାଇଛନ୍ତି।

ଲୋକାଲ ୱାୟର