ବୁର୍ଲା, ଫେବ୍ରୁଆରି ୧୩ (ଲୋକାଲ ୱାୟାର): ସମ୍ବଲପୁର ବିଶ୍ୱବିଦ୍ୟାଳୟର ଯୁକ୍ତ ୩ ପ୍ରଶ୍ନପତ୍ର ଭାଇରାଲ୍ ହୋଇଥିବା ଗୁରୁବାର ଅଭିଯୋଗ ହୋଇଛି।
ଯୁକ୍ତ ତିନି ତୃତୀୟ ବର୍ଷ ରସାୟନ ବିଜ୍ଞାନର ତୃତୀୟ ସେମିଷ୍ଟର ପ୍ରଶ୍ନପତ୍ର ସୁନ୍ଦରଗଡ଼ରେ ସୋସିଆଲ୍ ମିଡିଆରେ କଲେଜ ଛାତ୍ରଙ୍କ ମୋବାଇଲରୁ ମୋବାଇଲ୍ ଘୂରି ବୁଲୁଥିବା ସାମ୍ନାକୁ ଆସିଛି।
ଏହି ଅଭିଯୋଗକୁ ସ୍ବୀକାର କରି ବିଶ୍ବବିଦ୍ୟାଳୟର ପରୀକ୍ଷା ନିୟନ୍ତ୍ରକ ସୂର୍ଯ୍ୟ ନାୟକ କହିଛନ୍ତି ଯେ, ପ୍ରଶ୍ନପତ୍ର ଲିକ୍ ହେଲେ ମଧ୍ୟ ପରୀକ୍ଷା ବାତିଲ୍ ହେବ ନାହିଁ ଏବଂ ଛାତ୍ରଛାତ୍ରୀଙ୍କୁ ନୂଆ ସେଟ୍ ପ୍ରଶ୍ନପତ୍ର ଦିଆଯିବ।
ସେହିପରି କେଉଁଠାରୁ ପ୍ରଶ୍ନପତ୍ର ଲିକ୍ ହୋଇଛି, ତାର ତଦନ୍ତ କରାଯାଉଥିବା ସେ ସୂଚନା ଦେଇଛନ୍ତି।
ଲୋକାଲ୍ ଓ୍ବାୟାର୍
Leave a Reply