ଭୁବନେଶ୍ୱର, ନଭେମ୍ବର ୨୯ (ଲୋକାଲ ୱାୟାର) : ସର୍ବସାଧାରଣଙ୍କ ପାଇଁ ବିଧାନସଭା ରାସ୍ତା (ଜୟଦେବ ଭବନ ଠାରୁ ରବୀନ୍ଦ୍ର ମଣ୍ଡପ)କୁ ରବିବାର କମିଶନରେଟ୍ ପୁଲିସ ବନ୍ଦ କରି ଦେଇଛି ।
ଶୀତ ଅଧିବେଶନ ଆରମ୍ଭ ହେବା ଦିନଠାରୁ ଲଗାତାର ଆତ୍ମାହୃତି ଉଦ୍ୟମ ହେଉଥିବା ଯୋଗୁ କମିଶନରେଟ୍ ପୁଲିସ ପକ୍ଷରୁ ଏହି ପଦକ୍ଷେପ ନିଆଯାଇଛି ।
ଜୟଦେବ ଭବନ ଠାରୁ ରବୀନ୍ଦ୍ର ମଣ୍ଡପ ଯାଏଁ ରାସ୍ତାକୁ ସିଲ କରାଯାଇଥିବା ବେଳେ ଲୋକମାନଙ୍କ ଜୟଦେବଭବନରୁ ଆଇଜି ପାର୍କ ରାସ୍ତା ଦେଇ ଯିବା ଆସିବା କରିବାକୁ ଅନୁମତି ପ୍ରଦାନ କରାଯାଇଛି ।
ଉଲ୍ଲେଖଯୋଗ୍ୟ, ଗତ ୫ ଦିନରେ ବିଧାନସଭା ନିକଟରେ ଆତ୍ମାହୃତିର ୩ଟି ଘଟଣା ଦେଖିବାକୁ ମିଳିଛି ।
ମଙ୍ଗଳବାର ନୟାଗଡ଼ର ୫ ବର୍ଷର ଝିଅ ‘ପରୀ’ର ହତ୍ୟା ଘଟଣାରେ ତା’ ମା’ବାପା ଆତ୍ମାହୃତି ଉଦ୍ୟମ କରିଥିବା ବେଳେ ଶୁକ୍ରବାର ସମବାୟ ବ୍ୟାଙ୍କ ଋଣ ଜାଲିଆତିକୁ ନେଇ ଠକେଇର ଶିକାର ହୋଇଥିବା ଆଠଗଡ଼ର ୩ ଜଣ ଚାଷୀ ଏବଂ ଶନିବାର ଜଗତସିଂହପୁର କୁଜଙ୍ଗ ଅଞ୍ଚଳର ମା’ପୁଅ ଆତ୍ମାହୃତି ଉଦ୍ୟମ କରିଥିଲେ ।
ଲୋକାଲ ୱାୟାର
Leave a Reply