ଭୁବନେଶ୍ୱର, ଜାନୁଆରୀ ୨୫(ଲୋକାଲ ୱାୟାର): ପୁଡୁଚେରୀରେ ରହୁଥିବା ପ୍ରଖ୍ୟାତ ସାହିତ୍ୟିକ ମହେନଜ ଦାସଙ୍କୁ ପଦ୍ମଭୂଷଣ ଏବଂ ଅନ୍ୟ ୧୦ ଜଣ ଓଡ଼ିଆଙ୍କୁ ପଦ୍ମଶ୍ରୀ ସମ୍ମାନ ପାଇଁ ମନୋନୀତ କରାଯାଇଥିବା କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରାଳୟ ପକ୍ଷରୁ ଶନିବାର ଘୋଷଣା କରାଯାଇଛି ।
ଶିକ୍ଷା କ୍ଷେତ୍ରରେ ଉଲ୍ଳେଖନୀୟ ଅବଦାନପାଇଁ ମନୋଜ ଦାସଙ୍କୁ ପଦ୍ମଭୂଷଣ ପୁରସ୍କାର ପ୍ରଦାନ କରାଯିବ ।
ଜୈବିକ କୃଷି କ୍ଷେତ୍ରରେ ଅବଦାନ ସକାଶେ ପ୍ରଫେସର ରାଧାମୋହନ ଏବଂ ତାଙ୍କ ଝିଅ ସାବରମତୀଙ୍କୁ ପଦ୍ମଶ୍ରୀ ସମ୍ମାନ ପ୍ରଦାନ କରାଯିବ ।
ସାହିତ୍ୟ ଓ ଶିକ୍ଷା କ୍ଷେତ୍ରରେ ମୟୁରଭଞ୍ଜର ଡ. ଦମୟନ୍ତୀ ବେଶ୍ରା, କଳାରେ ଘୋଡ଼ାନାଚ ଶିଳ୍ପୀ କଟକ-ଚୌଦ୍ୱାରର ଉତ୍ସବ ଚରଣ ଦାସ, ସମ୍ବଲପୁରୀ ଗୀତ ରଙ୍ଗବତୀର ଲେଖକ ବାମରା (ସମ୍ବଲପୁର)ର ମିତ୍ରଭାନୁ ଗୌନ୍ତିଆ, ବିଶିଷ୍ଟ ଗାଳ୍ପିକା ବୀଣାପାଣି ମହାନ୍ତି (କଟକ), ବିଶିଷ୍ଟ ପ୍ରାଣୀ ଚିକିତ୍ସକ ବଟକୃଷ୍ଣ ସାହୁ ପଦ୍ମଶ୍ରୀ ପୁରସ୍କାର ଲାଗି ମନୋନୀତ ହୋଇଛନ୍ତି ।
ବିଶିଷ୍ଟ ଫିଲ୍ମ ନିର୍ଦ୍ଦେଶକ ସ୍ୱର୍ଗତ ମନମୋହନ ମହାପାତ୍ରଙ୍କୁ ମରଣୋତ୍ତର ଭାବେ ପଦ୍ମଶ୍ରୀ ସମ୍ମାନ ପ୍ରଦାନ କରାଯିବ ।
ଓଡ଼ିଶା ବାହାରେ ରହୁଥିବା ଚଣ୍ଡିଗଡ଼ର ଡ. ଦିଗମ୍ବର ବେହେରା (ମେଡିସିନ) ଚଣ୍ଡିଗଡ଼ରୁ, ଆମେରିକାରେ ରହୁଥିବା ଅର୍ଥନୀତିଜ୍ଞ ପ୍ରଫେସର ଡ. ପ୍ରଶାନ୍ତ କୁମାର ପଟ୍ଟନାୟକ ମଧ୍ୟ ପଦ୍୍ମଶ୍ରୀ ପାଇବେ ।
ଲୋକାଲ ୱାୟାର
Leave a Reply