ସୋକା ଗାକାଇର ଭର୍ଚ୍ଚୁଆଲ ‘ଶାନ୍ତି ସମ୍ମିଳନୀ’; ସାମିଲ ହେଲେ ଓଡ଼ିଶାରୁ ଅନେକ

ଭୁବନେଶ୍ୱର, ଅଗଷ୍ଟ ୨୫(ଲୋକାଲ ୱାୟାର): ସାରା ବିଶ୍ୱ ଶତାବ୍ଦୀର ସବୁଠାରୁ ଭୟଙ୍କର ମହାମାରୀର ସାମ୍ନା କରୁଥିବା ବେଳେ ଏହା ମାନବ ସମାଜକୁ କ୍ଷତି ପହଞ୍ଚାଇଛି ।

ଯାହାକି ମାନବିକତା ଉପରେ କୁଠାରଘାତ କରିଛି । ଏହାକୁ ଆଖି ଆଗରେ ରଖି ଭାରତର ବୁଦ୍ଧିଜୀବୀମାନେ ବୌଦ୍ଧ ଦର୍ଶନ ଓ ଶାନ୍ତିର ବାର୍ତ୍ତାକୁ ନେଇ ବିଶ୍ୱ ପାଇଁ ଏକ ନୂତନ ମାର୍ଗ ଉନ୍ମୋଚନ କରିବାକୁ ଚେଷ୍ଟା କରିଛନ୍ତି ।

ମିଳିତ ଜାତିସଂଘକୁ ଦାଇସାକୁ ଇକେଡା ବାର୍ଷିକ ଶାନ୍ତି ପ୍ରସ୍ତାବ ପ୍ରଦାନ କରିଥିବା ବେଳେ ଏହି ଉଦ୍ଦେଶ୍ଯରେ ସୋକା ଗାକାଇ ପରିବାର ପକ୍ଷରୁ ଆୟୋଜନ କରାଯାଇଥିବା ଏକ ଭର୍ଚ୍ଚୁଆଲ୍ ଶାନ୍ତି ସମ୍ମିଳନୀରେ ଓଡ଼ିଶାରୁ ଅନେକ ସାମିଲ ହୋଇଥିଲେ ।

ଏସଜିଆଇର ଭାରତୀୟ ଶାଖା ଭାରତ ସୋକା ଗାକାଇ ଦ୍ୱାରା ପ୍ରଥମ ଥର ପାଇଁ ୱେବିନାର୍ ମାଧ୍ୟମରେ ଶାନ୍ତି ସମ୍ମିଳନୀର ଆୟୋଜନ କରାଯାଇଛି ।

ଇକେଡା କହନ୍ତି; ଯେଉଁମାନେ ଭୟଙ୍କର ବିପଦର ଅନ୍ଧାର ଭିତରେ ବଞ୍ଚନ୍ତି ସେମାନେ କୌଣସି ପ୍ରକାରେ ଆମଠାରୁ ଭିନ୍ନ ନୁହଁନ୍ତି ।

ତେଣୁ ସୁସ୍ଥ ଜୀବନଯାପନ ପାଇଁ ସଚେତନ ଭାବେ କୌଣସି ଜିନିଷକୁ ଅନୁସରଣ କରିବା ସହ ଯେକୌଣସି କାମ ପାଇଁ ପ୍ରଶଂସା କରିବା ଦରକାର ।

ଶାନ୍ତି ସମ୍ମିଳନୀରେ ଉପସ୍ଥିତ ଥିବା ବକ୍ତାମାନେ କହିଛନ୍ତି ବିଶ୍ୱସ୍ତରୀୟ ଏକତା ପାଇଁ ମାନବିକ ମୂଲ୍ୟବୋଧକୁ ପୁଣିଥରେ ଜାଗ୍ରତ କରିବା ଦରକାର ।

ବନସ୍ଥଳୀ ବିଦ୍ୟାପୀଠର କୂଳପତି ପ୍ରଫେସର ଆଦିତ୍ୟ ଶାସ୍ତ୍ରୀ କହିଛନ୍ତି ଆଜି ବିଶ୍ୱ ଏଭଳି ଯୁବକ/ଯୁବତୀମାନଙ୍କୁ ଆବଶ୍ୟକ କରୁଛି ଯେଉଁମାନେ ସତ୍ୟ, ପ୍ରେମ ଓ କରୁଣାର ମାନବିକ ମୂଲ୍ୟବୋଧକୁ ଗ୍ରହଣ କରନ୍ତି ।

ଆଖପାଖର ପରିବେଶ ପ୍ରତି ସଚେତନ ଥିବା ଯୁବକ, ସମ୍ବେଦନଶୀଳ, ସୌହାର୍ଦ୍ଦ୍ୟ ଓ ବିଶ୍ୱଶାନ୍ତିକୁ ପ୍ରୋତ୍ସାହିତ କରୁଥିବା ଯୁବକ ଏବେ ବିଶ୍ୱ ପାଇଁ ଦରକାର ।

ଏହି ଅବସରରେ ପ୍ରଫେସର ଆଦିତ୍ୟ ଶାସ୍ତ୍ରୀ ଶିକ୍ଷାର ଆବଶ୍ୟକତା ଉପରେ ଗୁରୁତ୍ୱ ଦେଇ ଏହା କିପରି ସମାଜର ଯେକୌଣସି ଦୂରତାକୁ ଦୂର କରିବାରେ ସାହାଯ୍ୟ କରିପାରିବ ସେ ଉପରେ ବର୍ଣ୍ଣନା କରିଥିଲେ ।

ଇକେଡା ନିଜର ଶାନ୍ତି ପ୍ରସ୍ତାବରେ କହିଛନ୍ତି ପ୍ରାକୃତିକ ବିପର୍ଯ୍ୟୟ ଓ ଜଳବାୟୂ ପରିବର୍ତ୍ତନ ଭଳି ସମସ୍ୟାର ମୁକାବିଲା କରିବା ପାଇଁ ସମଗ୍ର ବିଶ୍ୱ ଏକ ପବିତ୍ର ଓ ସାମଗ୍ରିକ ଉପାୟ ଅବଲମ୍ବନ କରିବା ଦରକାର ।

ଯାହାକି ଲୋକଙ୍କୁ ସେମାନଙ୍କର ଦୀର୍ଘଦିନର ଅଭ୍ୟାସ ଛାଡିବାକୁ ବାଧ୍ୟ କରିଥାଏ ।

ଏହି ଚିନ୍ତାଧାରାକୁ ଅନୁଧ୍ୟାନ କରି ପୂର୍ବତନ ରାଷ୍ଟ୍ରଦୂତ ତଥା ଇଣ୍ଡିଆନା ବିଶ୍ୱବିଦ୍ୟାଳୟର ପ୍ରଫେସର ରାଜେନ୍ଦ୍ର ଅଭୟଙ୍କର କହିଛନ୍ତି କେବଳ ଏକ ସହଭାଗୀ ସଙ୍କଟ; ଦେଶ ଓ ଲୋକଙ୍କ ପାଇଁ ମିଳିତ ଭାବେ କାର୍ଯ୍ୟ କରିବ ।

ପ୍ରଭାବିତ ଲୋକଙ୍କ ପାଇଁ ଇକେଡାଙ୍କ ଚିନ୍ତାକୁ ଅନୁଶୀଳନ କରି ଇଣ୍ଡିଆନ୍ କ୍ଲାଇମେଟ କୋଲାବୋରେଟିଭର ନିର୍ଦ୍ଦେଶକ ତଥା ସଷ୍ଟେନେବିଲିଟିର ମୁଖ୍ୟ ଶ୍ଳୋକା ନାଥ କହିଛନ୍ତି ଉଦ୍ଦେଶ୍ଯମୂଳକ ପରିବର୍ତ୍ତନ ଏକ ସହଭାଗୀ ଦୃଷ୍ଟିକୋଣ ଓ ଲକ୍ଷ୍ୟ ଆବଶ୍ୟକ କରେ ।

ବିଏସଜି ଅଧ୍ୟକ୍ଷ ବିଶେଷ ଗୁପ୍ତା କହିଛନ୍ତି ପରିବର୍ତ୍ତନ ଆଣିବା ପାଇଁ ଯୁବକମାନଙ୍କୁ ସଚେତନ ଓ ସମ୍ବେଦନଶୀଳ କରିବା ଖୁବ୍ ଜରୁରୀ ।

ଯୁବକମାନେ ହିଁ ପ୍ରକୃତ ପରିବର୍ତ୍ତନକାରୀ ଓ ଶାନ୍ତି ପ୍ରତିଷ୍ଠାକାରୀ । ସେମାନଙ୍କ ଶକ୍ତି ଓ ଅଦମ୍ୟ ଉତ୍ସାହ ସମଗ୍ର ମାନବବାଦର ଅଭିବୃଦ୍ଧି ଓ ବିକାଶର ରାସ୍ତାକୁ ପ୍ରଶସ୍ତ ଓ ପ୍ରଜ୍ୱଳିତ କରିପାରେ ।

ଲୋକାଲ ୱାୟାର

ସୋକା ଗାକାଇ ଇ ରନ୍ୟାସ୍ନାଲ୍ର ସଭାପତି ଦାଏସାକୁ ଇକେଡା ଏକଧାରାରେ ଜଣେ ଶାନ୍ତି ପ୍ରତିଷ୍ଠାକାରୀ, ଦାର୍ଶନିକ ଓ ପ୍ରବୀଣ ଲେଖକ । ସେ ପୃଥିବୀର ବିଭିନ୍ନ ବିଶ୍ୱବିଦ୍ୟାଳୟରୁ ପ୍ରାୟ ୩୯୫ ସମ୍ମାନଜନକ ଡକ୍ଟରେଟ ପ୍ରାପ୍ତ କରିଛନ୍ତି ।

ଭାରତରେ ସେ ଦିଲ୍ଲୀ ବିଶ୍ୱବିଦ୍ୟାଳୟ, ରବୀନ୍ଦ୍ରଭାରତୀ ବିଶ୍ୱବିଦ୍ୟାଳୟ, ଶାନ୍ତି ନିକେତନର ବିଶ୍ୱଭାରତୀ ବିଶ୍ୱବିଦ୍ୟାଳୟ, ହିମାଚଳପ୍ରଦେଶ ବିଶ୍ୱବିଦ୍ୟାଳୟ, ଭାରତୀଦାଶନ ବିଶ୍ୱବିଦ୍ୟାଳୟ ଓ ମାନବରଚନା ବିଶ୍ୱବିଦ୍ୟାଳୟରୁ ୧୮ଟି ସମ୍ମାନଜନକ ଏକାଡେମିକ ଡକ୍ଟରେଟ ପୁରସ୍କାର ପ୍ରାପ୍ତ କରିଛନ୍ତି ।

ଲୋକାଲ ୱାୟାର