Jharana Jena

ଭୁବନେଶ୍ୱର, ଜାନୁଆରୀ ୪(ଲୋକାଲ ୱାୟାର): ରାଜ୍ୟରେ ଖୁବ ଶୀଘ୍ର କରୋନା ଟିକାକରଣ ଆରମ୍ଭ ହେବ ବୋଲି ସ୍ୱାସ୍ଥ୍ୟମନ୍ତ୍ରୀ ନବକିଶୋର ଦାସ ସୋମବାର କହିଥିବା ବେଳେ ତୁରନ୍ତ ଟିକାକରଣ କେନ୍ଦ୍ର ଚିହ୍ନଟ କରିବାକୁ ସମସ୍ତ ଜିଲ୍ଲାପାଳ ଏବଂ ମୁ୍ୟନିସିପାଲିଟି ଗୁଡ଼ିକୁ ସ୍ୱାସ୍ଥ୍ୟ ବିଭାଗ ପକ୍ଷରୁ ଚିଠି ଲେଖାଯାଇଛି ।

ନିଦେ୍ର୍ଦଶ ଅନୁସାରେ, ପ୍ରଥମ ପର୍ଯ୍ୟାୟ ଟିକାକରଣ ଲାଗି ଏହିସବୁ କେନ୍ଦ୍ର ଚିହ୍ନଟ ହେବ । ଆସନ୍ତା ୮ ତାରିଖ ପୂର୍ବରୁ ଏହା ଚିହ୍ନଟ କରାଯିବା ଜରୁରି ।

କେବଳ ସ୍ୱାସ୍ଥ୍ୟାନୁଷ୍ଠାନରେ ଏହି ଟିକାକରଣ ହୋଇପାରିବ । ଏହା ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର କିମ୍ବା ତାହାଠାରୁ ବଡ଼ ହେବା ଆବଶ୍ୟକ ।

ପ୍ରତି କେନ୍ଦ୍ରରେ ୫ ଜଣିଆ ଟିମ୍ ଏବଂ ପ୍ରଶିକ୍ଷିତ ସ୍ୱାସ୍ଥ୍ୟ ଅଧିକାରୀ ରହିବେ ।

ଟିକାଦାନ କେନ୍ଦ୍ରରେ ପ୍ରତୀକ୍ଷାଳୟ, ଟିକାଦାନ ରୁମ ଓ ନିରୀକ୍ଷଣ ରୁମ୍ ରହିବ । ପ୍ରଥମେ ପଂଜିକୃତ ହୋଇଥିବା ସ୍ୱାସ୍ଥ୍ୟକର୍ମୀମାନଙ୍କ ଟିକାକରଣ ହେବ ।

ଲୋକାଲ ୱାୟାର

ଭୁବନେଶ୍ୱର, ଜାନୁଆରୀ ୪ (ଲୋକାଲ ୱାୟାର) : ରାଜ୍ୟରେ ସୋମବାର ଆଉ ୨୯୮ ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି ବୋଲି ସ୍ୱାସ୍ଥ୍ୟ ବିଭାଗ କହିଛି ।

ଏ ପର୍ଯ୍ୟନ୍ତ ରାଜ୍ୟରେ ମୋଟ ୩, ୨୬, ୫୦୭ ଜଣ ଆରୋଗ୍ୟ ହୋଇଛନ୍ତି ।

ଆଜି ସୁନ୍ଦରଗଡ଼ରୁ ୪୯, ଅନୁଗୁଳରୁ ୪୮, କଟକରୁ ୨୪, କେନ୍ଦ୍ରାପଡ଼ରୁ ୧୬, ବାଲେଶ୍ୱର ଓ କେନ୍ଦୁଝରରୁ ୧୫ ଜଣ ଲେଖାଏଁ, ଝାରସୁଗୁଡ଼ାରୁ ୧୪, ଯାଜପୁରରୁ ୧୩, ଖୋର୍ଦ୍ଧା ଓ ମୟୂରଭଞ୍ଜରୁ ୧୨ ଜଣ ଲେଖାଏଁ, ବରଗଡ଼ ଓ ବଲାଙ୍ଗୀରରୁ ୧୦ ଜଣ ଲେଖାଏଁ, ସମ୍ବଲପୁରରୁ ୮, ଦେବଗଡ଼, ଗଞ୍ଜାମ ଓ ନବରଙ୍ଗପୁରରୁ ୬ ଜଣ ଲେଖାଏଁ, ଭଦ୍ରକ ଓ ଜଗତସିଂହପୁରରୁ ୫ ଜଣ ଜଣ ଲେଖାଏଁ, ନୂଆପଡ଼ାରୁ ୪, ରାୟଗଡ଼ାରୁ ୩, ବୌଦ୍ଧ, କଳାହାଣ୍ଡି, କୋରାପୁଟ ଓ ନୟାଗଡ଼ରୁ ୨ ଜଣ ଲେଖାଏଁ, ମାଲକାନଗିରିରୁ ୧ ଏବଂ ଷ୍ଟେଟ୍ ପୁଲ୍‌ରୁ ୮ ଜଣ ଆରୋଗ୍ୟ ହୋଇଛନ୍ତି ।

ସୂଚନାଯୋଗ୍ୟ, ରାଜ୍ୟରେ ଏ ପର୍ଯ୍ୟନ୍ତ ମୋଟ ୩,୩୦,୪୯୨ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୧୮୮୫ ଜଣଙ୍କର ମୃତ୍ୟୁ ହୋଇଛି ।

ଆଉ ୫୩ ଜଣ କରୋନା ପଜିଟିଭଙ୍କର ମୃତ୍ୟୁ ଘଟିଥିଲେ ବି କରୋନା ଯୋଗୁ ସେମାନଙ୍କ ମୃତ୍ୟୁ ହୋଇନଥିବା ସରକାର କହିଛନ୍ତି।

ଲୋକାଲ ୱାୟାର

ଭୁବନେଶ୍ୱର, ନଭେମ୍ବର ୫(ଲୋକାଲ ୱାୟାର): କରୋନା ସଂକ୍ରମଣ ରୋକିବାକୁ ଓଡ଼ିଶାରେ ବାଣ ବିକ୍ରି ଓ ଫୁଟାଇବା ଉପରେ ରାଜ୍ୟ ସରକାର ନିଷେଧାଦେଶ ଜାରି କରିଥିବା ବେଳେ ବାଣ ବିକ୍ରିକୁ ଅନୁମତି ଦେବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିକଟକୁ ତାମିଲନାଡ଼ୁ ମୁଖ୍ୟମନ୍ତ୍ରୀ ଇ.କେ. ପାଲାନିସ୍ୱାମୀ ଚିଠି ଲେଖିଛନ୍ତି ।

ସେ ଲେଖିଛନ୍ତି, ତାମିଲନାଡ଼ୁର ଶିବକାଶୀରେ ମୁଖ୍ୟତଃ ଗ୍ରୀନ୍-ବାଣ ପ୍ରସ୍ତୁତ କରାଯାଉଛି, ଯାହାଦ୍ୱାରା କି ପ୍ରଦୂଷଣର ଆଶଙ୍କା କମ୍ । ଦେଶରେ ହେଉଥିବା ବାଣ ଉତ୍ପାଦନର ୯୦% କେବଳ ତାମିଲନାଡ଼ୁରେ ହିଁ ହେଉଛି ।

ଏଥିରେ ପ୍ରତ୍ୟକ୍ଷ ଭାବେ ୪ ଲକ୍ଷ ଏବଂ ପରୋକ୍ଷ ଭାବେ ୪ଲକ୍ଷ ଲୋକ ସଂପୃକ୍ତ ଅଛନ୍ତି । ବାଣ ବିକ୍ରିରେ ମଧ୍ୟ ୮ ଲକ୍ଷ ଲୋକ ଜଡ଼ିତ ।

ବାଣ ବିକ୍ରି ବନ୍ଦ ହୋଇଗଲେ ଏସବୁ ପରିବାରଗୁଡ଼ିକର ଜୀବିକା ବିପନ୍ନ ହୋଇପଡ଼ିବ ବୋଲି ପାଲାନିସ୍ୱାମୀ ଦର୍ଶାଇଛନ୍ତି । ସେ ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟଙ୍କୁ ମଧ୍ୟ ଏହି ଅନୁରୋଧ କରି ଅନ୍ୟ ଏକ ପତ୍ର ଲେଖିଛନ୍ତି ।

ଲୋକାଲ ୱାୟାର

ଭୁବନେଶ୍ୱର, ନଭେମ୍ବର ୫ (ଲୋକାଲ ୱାୟାର) : ରାଜ୍ୟରେ ଗୁରୁବାର ଆଉ ୧୪୬୦ ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି ବୋଲି ସ୍ୱାସ୍ଥ୍ୟ ବିଭାଗ କହିଛି ।

ଏ ପର୍ଯ୍ୟନ୍ତ ରାଜ୍ୟରେ ମୋଟ ୨, ୮୩, ୫୩୩ ଜଣ ଆରୋଗ୍ୟ ହୋଇଛନ୍ତି ।

ଆଜି ଖୋର୍ଦ୍ଧା ଜିଲ୍ଲାରୁ ସର୍ବାଧିକ ୧୬୯ ଜଣ ଆରୋଗ୍ୟ ହୋଇଥିବା ବେଳେ ବାଲଶ୍ୱରରୁ ୧୧୦, କଟକରୁ ୧୦୭, ସୁନ୍ଦରଗଡପୁ ୯୭, ଜଗତସିଂହପୁରରୁ ୯୩, କେନ୍ଦୁଝରରୁ ୯୦, ଅନୁଗୁଳରୁ ୮୪, ବଲାଙ୍ଗୀରରରୁ ୬୭, ମୟୂରଭଞ୍ଜରୁ ୬୦, ନୂଆପଡାରୁ ୬୦, କେନ୍ଦ୍ରାପଡାରୁ ୫୦, ଢେଙ୍କାନାଳରୁ ୪୧ ଓ କଳାହାଣ୍ଡିରୁ ୪୦ ଜଣ ସୁସ୍ଥ ହୋଇଛନ୍ତି ।

ସେହିପରି ନୟାଗଡରୁ ୩୫, ଝାରସୁଗୁଡାରୁ ୩୩, ବରଗଡରୁ ୩୨, ପୁରୀରୁ ୩୨, ଯାଜପୁରରୁ ୨୯, ନବରଙ୍ଗପୁରରୁ ୨୮, ଗଞ୍ଜାମରୁ ୨୬, ସମ୍ବଲପୁରରୁ ୨୩, କୋରାପୁଟରୁ ୨୨, କନ୍ଧମାଳରୁ ୧୯, ବୌଦ୍ଧରୁ ୧୫, ଭଦ୍ରକରୁ ୧୪, ସୋନପୁରରୁ ୧୩, ଦେବଗଡରୁ ୧୧, ମାଲକାନଗିରିରୁ ୧୧, ଗଜପତିରୁ ୧୦, ରାୟଗଡାରୁ ୮ ଓ ଷ୍ଟେଟ୍ ପୁଲ୍‌ରୁ ୩୧ ଜଣ ଆରୋଗ୍ୟ ହୋଇଛନ୍ତି ।

ସୂଚନାଯୋଗ୍ୟ, ରାଜ୍ୟରେ ଏ ପର୍ଯ୍ୟନ୍ତ ମୋଟ ୨ ଲକ୍ଷ ୯୭ ହଜାର ୨୭୪ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୧୩୭୮ ଜଣଙ୍କର ମୃତ୍ୟୁ ହୋଇଛି ।

ଆଉ ୫୩ ଜଣ କରୋନା ପଜିଟିଭଙ୍କର ମୃତ୍ୟୁ ଘଟିଥିଲେ ବି କରୋନା ଯୋଗୁ ସେମାନଙ୍କ ମୃତ୍ୟୁ ହୋଇନଥିବା ସରକାର କହିଛନ୍ତି।

ଲୋକାଲ ୱାୟାର

ଭୁବନେଶ୍ୱର, ଅଗଷ୍ଟ ୧୩(ଲୋକାଲ ୱାୟାର): ନିକଟ ଅତୀତରେ ଅଙ୍ଗଦାନ କରି ଅନ୍ୟର ଜୀବନ ବଞ୍ଚାଇଥିବା ରାଜ୍ୟର ୩ ଜଣଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିଶ୍ୱ ଅଙ୍ଗଦାନ ଦିବସ ଗୁରୁବାର ଦିନ ଭିଡିଓ କନଫରେନ୍ସିଂ ଜରିଆରେ ‘ସୁରଜ ସମ୍ମାନ’ରେ ସମ୍ମାନିତ କରିଛନ୍ତି ।

ମରଣୋତ୍ତର ସମ୍ମାନରେ ସମ୍ମାନିତ ହୋଇଥିବା ୩ ଜଣ ହେଲେ ଗଞ୍ଜାମ ଜିଲ୍ଲା ଦିଗପହଣ୍ଡିର ପି.ପ୍ରିୟଙ୍କାରାଣୀ ପାତ୍ର, ଭୁବନେଶ୍ୱରର ସୁଚିତ୍ରା ଦାସ ଏବଂ ପୁରୀ ଜିଲ୍ଲା ଡେଲାଙ୍ଗର ରାଜଲକ୍ଷ୍ମୀ ଦାସ ।

ମୁଖ୍ୟମନ୍ତ୍ରୀ ସେମାନଙ୍କ ତ୍ୟାଗକୁ ସମ୍ମାନ ଜଣାଇବା ସହ ସେମାନଙ୍କ ପରିବାରକୁ ୫ ଲକ୍ଷ ଟଙ୍କା ଲେଖାଏଁ ପୁରସ୍କାର ଦେଇଥିଲେ ।

ଉଲ୍ଳେଖଯୋଗ୍ୟ, ୨୦୧୯ ଅକ୍ଟୋବରରେ ଗଞ୍ଜାମ ଜିଲ୍ଲା ଭଞ୍ଜନଗରର ଜଣେ ଯୁବକ ‘ସୁରଜ’ ଗୁଜରାଟର ସୁରଟରେ ଦୁର୍ଘଟଣାର ଶିକାର ହୋଇଥିଲେ ।

ମୃତ୍ୟୁ ପୂର୍ବରୁ ପିତାମାତା ସୁରଜଙ୍କ ବୃକକ୍, ଲିଭର, ହୃତପିଣ୍ଡ, ଦୁଇ ଆଖି ଦାନ ସକାଶେ ନିଷ୍ପତ୍ତି ନେବାରୁ ୬ ଜଣ ବ୍ୟକ୍ତିଙ୍କ ଜୀବନ ବଞ୍ଚିପାରିଥିଲା ।

ସୁରଜଙ୍କ ତ୍ୟାଗକୁ ସମ୍ମାନ ଦେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସେ ସମୟରେ ଅଙ୍ଗଦାନ କରୁଥିବା ବ୍ୟକ୍ତିମାନଙ୍କୁ ‘ସୁରଜ ସମ୍ମାନ’ରେ ସମ୍ମାନିତ କରିବାକୁ ଘୋଷଣା କରିଥିଲେ ।

ଗୁରୁବାର ଅନୁଷ୍ଠିତ କାର୍ଯ୍ୟକ୍ରମରେ ବାଚସ୍ପତି ସୂର୍ଯ୍ୟନାରାୟଣ ପାତ୍ର, ମନ୍ତ୍ରୀ ଅଶୋକ ପଣ୍ଡା,ସ୍ୱାସ୍ଥ୍ୟମନ୍ତ୍ରୀ ନବ ଦାସ, ବିଧାୟକ ପ୍ରଦୀପ ମହାରଥୀ, ମୁଖ୍ୟ ଶାସନ ସଚିବ ଅସିତ କୁମାର ତ୍ରିପାଠୀ ପ୍ରମୁଖ ଉପସ୍ଥିତ ଥିଲେ ।

ଲୋକାଲ ୱାୟାର

ଭୁବନେଶ୍ୱର, ଅଗଷ୍ଟ ୧୨(ଲୋକାଲ ୱାୟାର): ରାଜ୍ୟରେ ସ୍ୱାସ୍ଥ୍ୟସେବାର ଭିତ୍ତିଭୂମି ସୁଦୃଢ଼ କରିବାକୁ ‘ନିର୍ମଳ’ ଯୋଜନାର ସଂପ୍ରସାରଣ କରିବାକୁ ବୁଧବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ବୁଧବାର ଅନୁଷ୍ଠିତ କ୍ୟାବିନେଟରେ ନିଷ୍ପତ୍ତି ହୋଇଥିବା ମୁଖ୍ୟ ଶାସନ ସଚିବ ଅସିତ ତ୍ରିପାଠୀ କହିଛନ୍ତି ।

ସେ କହିଛନ୍ତି, ‘ନିର୍ମଳ’ ଯୋଜନା ଏହା ସଫଳ ହୋଇଥିବାରୁ ଏବେ ‘ନିର୍ମଳ +’ ଓ ‘ନିର୍ମଳ ++’ ଲାଗୁ କରାଯିବ ।

ପ୍ରଥମ ପର୍ଯ୍ୟାୟରେ ୪ଟି ନୂଆ ମେଡିକାଲ କଲେଜ ଓ ହସପିଟାଲ, ୯ଟି ଆୟୁଷ କଲେଜ ହସପିଟାଲ, ଏବଂ ହଷ୍ଟେଲ, ୩୨ ନର୍ସିଂ କଲେଜ, ସ୍କୁଲ ଏବଂ ହଷ୍ଟେଲକୁ ମିଶାଇ ୪୫ଟି ସ୍ୱାସ୍ଥ୍ୟ ପ୍ରତିଷ୍ଠାନ ସାମିଲ୍ ହେବ ।

ଏହା ପରେ ରାଜ୍ୟର ୭ ପ୍ରମୁଖ ସ୍ୱାସ୍ଥ୍ୟ ପ୍ରତିଷ୍ଠାନ (ଏସସିବି, ଏମକେସିଜି ଓ ଭିମସାର ମେଡିକାଲ କଲେଜ ଓ ହସପିଟାଲ, କ୍ୟାପିଟାଲ ହସପିଟାଲକୁ ସାମିଲ କରାଯିବ ।

ଲୋକାଲ ୱାୟାର