ଭୁବନେଶ୍ୱର, ଜାନୁଆରୀ ୨୧(ଲୋକାଲ ୱାୟାର): ଲାଞ୍ଚ ନେବା ମାମଲାରେ ଏବେ ଗିରଫ ହୋଇ ଜେଲରେ ଥିବା ଆଇଏଏସ୍ ବିଜୟକେତନ ଉପାଧ୍ୟାୟଙ୍କ ସହ କାର୍ଯ୍ୟ କରୁଥିବା ଉଦ୍ୟାନ କୃଷି ନିର୍ଦ୍ଦେଶକ କାର୍ଯ୍ୟାଳୟ ମ୍ୟାନେଜମେଣ୍ଟ ଇନଫର୍ମେସନ୍ ସିଷ୍ଟମ୍ (ଏମଆଇଏସ୍)ର କର୍ମଚାରୀ ପୀତବାସ ପ୍ରଧାନଙ୍କୁ ଏହି ମାମଲାରେ ଗିରଫ କରାଯାଇଥିବା ଭିଜିଲାନ୍ସ ଅଧିକାରୀ ସୂଚନା ଦେଇଛନ୍ତି ।
ତାଙ୍କୁ କୋର୍ଟ ଚାଲାଣ କରାଯାଇଥିବା ସୂଚନା ଦିଆଯାଇଛି ।
୨୦୧୪ରେ ବିଭାଗରରେ ଡାଟା ଏଣ୍ଟ୍ରି ଅପରେଟେର ଭାବେ ଯୋଗ ଦେଇଥିବା ପୀତବାସ ୨୦୧୯ ସେପ୍ଟେମ୍ବରରେ ମ୍ୟାନେଜମେଣ୍ଟ ଇନଫର୍ମେସନ୍ ସିଷ୍ଟମ୍ କାମ ଆରମ୍ଭ କରିଥିଲେ ।
ବିଲ୍ ପାସ୍ କରି ଫାଇଲ ପ୍ରସ୍ତୁତ କରିବା ବେଳେ ସେ ଲାଞ୍ଚ ନେଉଥିବା ଭିଜିଲାନ୍ସ ଜାଣିବାକୁ ପାଇଛି ।
ଉଲ୍ଲେଖଯୋଗ୍ୟ, ବିଜୟକେତନଙ୍କ ସହ ୟେସ୍ ବ୍ୟାଙ୍କର ମ୍ୟାନେଜର ସନ୍ତୋଷ ପଟ୍ଟନାୟକ ଲାଞ୍ଚ ମାମଲାରେ ପୂର୍ବରୁ ଗିରଫ ହୋଇଛନ୍ତି ।
ଲୋକାଲ ୱାୟାର
