କଟକ, ଜୁନ ୧୪ (ଲୋକାଲ ୱାୟାର) : କରୋନା ଜନିତ ସ୍ଥିତି ଲାଗି ଏଥର ରଥଯାତ୍ରା ପରିଚାଳନା ନିଷ୍ପତ୍ତି ରାଜ୍ୟ ସରକାରଙ୍କ ଉପରେ ନ୍ୟସ୍ତ କରିବା ପରେ ଓଡିଶା ହାଇକୋର୍ଟ ଏଥରେ ସାମାଜିକ ଦୂରତ୍ବ ରକ୍ଷା ଲାଗି ଲାଗି ତିନିରଥଙ୍କୁ ଟାଣିବା ଲାଗି ମଣିଷ ପରିବର୍ତ୍ତେ ହାତୀ କିମ୍ବା କୌଣସି ଯାନ୍ତ୍ରୀକ ବ୍ୟବସ୍ଥା କରିବାକୁ ପରାମର୍ଶ ଦେଇଥିବା ଆବେଦନକାରୀଙ୍କ ଓକିଲ ଶନିବାର ଦିନ କହିଛନ୍ତି ।
ରଥଯାତ୍ରା ସପକ୍ଷ ଏବଂ ବିପକ୍ଷରେ ଏକାଧିକ ମାମଲା ହାଇକୋର୍ଟରେ ରୁଜୁ ହୋଇଥିବା ବେଳେ ଏହାର ଶୁଣାଣି କରି ହାଇକୋର୍ଟର ମୁଖ୍ୟ ବିଚାରପତି ମହମ୍ମଦ ରଫିକ ଏବଂ ବିଚାରପତି ବିଶ୍ୱଜିତ ମହାନ୍ତିଙ୍କୁ ନେଇ ଗଠିତ ଖଣ୍ଡପୀଠ ଏହି ମତ ଦେଇଛନ୍ତି ।
ଆଇନଜୀବୀ ଦିଲ୍ଲୀପ ରାୟ ଏକ ମାମଲାରେ ଦର୍ଶାଇଥିଲେ ଯେ, ଯଦି ରଥଯାତ୍ରା ଲାଗି ଯଦି ଅନୁମତି ଦିଆଯାଏ ତେବେ କେନ୍ଦ୍ର ସରକାରଙ୍କ କୋଭିଡ-୧୯ ନେଇ ଯେଉଁ ନିର୍ଦ୍ଦେଶାବଳୀ ରହିଛି ତାହାକୁ କଡାକଡି ଭାବେ ପାଳନ କରାଯିବା ଉଚିତ ଯଦି ଲୋକଙ୍କ ଦ୍ବାରା ରଥ ଟଣାଯାଏ ତେବେ ଏହି ରଥ ଟାଣିବାକୁ ଅତିକମ୍ରେ ୭ଶହରୁ ୮ଶହ ଲୋକଙ୍କର ଆବଶ୍ୟକତା ପଡିବ।
ଏହା ପରିବର୍ତ୍ତେ ଶକ୍ତିଶାଳୀ ଯନ୍ତ୍ର ଚାଳିତ ଯାନ ଦ୍ବାରା ରଥ ଟଣାଯିବା ଉଚିତ ।
ହାଇକୋର୍ଟ ଆବେଦନକାରୀ ଦିଲ୍ଲୀପଙ୍କ ଯୁକ୍ତିକୁ ଗ୍ରହଣ କରି ମାମଲାର ଉପରୋକ୍ତ ନିର୍ଦ୍ଦେଶ ଦେଇଛନ୍ତି ।
ଲୋକାଲ ୱାୟାର
