ଅପରାଧ

କଟକ,ମାର୍ଚ୍ଚ୧୧ (ଲୋକାଲ ୱାୟାର): ଲାଲବାଗ ଥାନା ପୁଲିସ ଦୁର୍ଦ୍ଦାନ୍ତ ଅପରାଧୀ ଶେଖ ବଜାରର ଚକୁଳି ଓରଫ ପ୍ରକାଶ ବେହେରା(୪୬), ଡଗରପଡା ଭୂତିଆସାହିର ହାଡିଆ ଓରଫ ପ୍ରକାଶ ବେହେରା(୪୮), ବାୟା ଓରଫ ସରୋଜ ଦାସ(୨୭) ଓ ଶେଖବଜାର ନିୟୁ କଲୋନୀର ସାଗର ବେହେରା(୨୬)ପ୍ରମୁଖ ୪ ଜଣଙ୍କୁ ଗିରଫ କରିଥିବା ଜଣେ ପୁଲିସ ଅଧିକାର ବୁଧବାର ଦିନ କହିଛନ୍ତି।

ଅଭିଯୁକ୍ତଙ୍କ ଠାରୁ ଗୋଟିଏ ପିସ୍ତଲ, ୭.୬୫ ଏମଏମର ୩ଟି ଗୁଳି, ଗୋଟିଏ(ଓଡି-୦୫-ଏଭି-୪୩୬୨) ଆକ୍ଟିଭା, ଗୋଟିଏ(ଓଆର-୦୫-ଏକେ-୧୭୭୬) ବାଇକ, ଗୋଟିଏ ଭୁଜାଲି ଓ ଲୁହା ରଡ ଆଦି ଜବତ ହୋଇଛି।

ଅଭିଯୁକ୍ତମାନଙ୍କ ନାମରେ ବିଭିନ୍ନ ଥାନାରେ ଗୁରୁତର ଦଫାରେ ମାମଲାମାନ ରହିଛି।

ଅଭିଯୁକ୍ତ ହାଡିଆ ନାମରେ ଲାଲବାଗ, ମର୍କତନଗର, ବିଡାନାସୀ, କ୍ୟାଣ୍ଟନମେଣ୍ଟ ଥାନାରେ ମୋଟ ୨୧ଟି ମାମଲା ରହିଥିବା ବେଳେ ଚକୁଳି ନାମରେ ଲାଲବାଗ ଓ କ୍ୟାଣ୍ଟନମେଣ୍ଟ ଥାନାରେ ମୋଟ ୧୦ଟି ମାମଲା ହୋଇଛି।

ସରୋଜ ନାମରେ ଲାଲବାଗ ଥାନାରେ ୭ଟି ମାମଲା ରହିଛି।

ଲୋକାଲ ୱାୟାର

ଭଦ୍ରକ, ମାର୍ଚ୍ଚ ୦୮ (ଲୋକାଲ ୱାୟାର): ତିନି ବର୍ଷ ତଳେ ଜଣେ ନାବାଳିକାକୁ ଅପହରଣ କରି ବଳପୂର୍ବକ ବିବାହ କରିଥିବା ଅଭିଯୋଗରେ ଭଦ୍ରକ ଗ୍ରାମାଞ୍ଚଳ ଥାନା ଅଧୀନ ଗୁଜିଦରଡା ଗାଁରୁ ଜଣେ ବ୍ୟକ୍ତିକୁ ପୁଲିସ ଗିରଫ କରିଥିବା ରବିବାର କହିଛି।

୨୦୧୭ ମସିହା ମାର୍ଚ୍ଚ ୪ ତାରିଖରେ ରବି ଜେନାଙ୍କ ପୁଅ ସୁକୁଟା ତିହିଡି ଥାନା ଅଧୀନରେ ଥିବା ମହାଦେବସାହିର ଜନୈକା ନାବାଳିକାକୁ ଅପହରଣ କରି ବଳପୂର୍ବକ ବିବାହ କରିଥିବା ପରିବାର ପକ୍ଷରୁ ଥାନାରେ ଅଭିଯୋଗ ହୋଇଥିଲା।

ଲୋକାଲ ୱାୟାର

ବ୍ରହ୍ମପୁର, ମାର୍ଚ୍ଚ ୮ (ଲୋକାଲ ୱାୟାର) ଜାଲ ପ୍ରମାଣ ପତ୍ର ଦେଇ ଚାକିରି କରି ଥିବାରୁ ଗଞ୍ଜାମ ଜିଲ୍ଲାର ଆସ୍କା ଥାନା ଅନ୍ତର୍ଗତ ସହପୁର ଗ୍ରାମରୁ ଜଣେ ପ୍ରତୀକ ସ୍କୁଲ ଶିକ୍ଷକଙ୍କୁ ପୁଲିସ ରବିବାର ଗିରଫ କରିଛି।

୪୬ ବର୍ଷୀୟ ଶିବରାମ ପଣ୍ଡା ବ୍ରହ୍ମପୁର ବିଶ୍ଵ ବିଦ୍ୟାଳୟରୁ ୧୯୯୭ରେ ବିଇଡି ପାସକରିଥିବା ଦର୍ଶାଇ ଏକ ଜାଲ ପ୍ରମାଣ ପତ୍ର ଦେଇ ସହପୁର ଉଚ୍ଚ ପ୍ରାଥମିକ ସ୍କୁଲରେ ଶିକ୍ଷକ ଭାବେ ଚାକିରି କରି ଆସୁଥିଲେ।

ଯାଞ୍ଚ ବେଳେ ବିଶ୍ବବିଦ୍ୟାଳୟ ରେକର୍ଡରେ ତାଙ୍କ ନାମ ବାହାରି ନଥିଲା।

ପଣ୍ଡାଙ୍କୁ ମିଶାଇ ଜାଲ ପ୍ରମାଣ ପତ୍ର ଦେଇ ଆସ୍କା ପୁଲିସ ଦ୍ଵାରା ଗିରଫ ହୋଇଥିବା ଶିକ୍ଷକଙ୍କ ସଂଖ୍ୟା ଚାରିରେ ପହଞ୍ଚିଛି।

ଯାଞ୍ଚ ବେଳେ ପ୍ରାୟ ୨୦ ଜଣ ଶିକ୍ଷକ ବିଭିନ୍ନ ବିଶ୍ବବିଦ୍ୟାଳୟର ଜାଲ ପ୍ରମାଣ ପତ୍ର ପ୍ରସ୍ତୁତ କରି ସରକାରୀ ଚାକିରି କରୁଥିବା ଜଣା ପଡିବ ପରେ ପୁଲିସ ସେମାନଙ୍କ ନାମରେ ମାମଲା ରୁଜୁ କରିଛି।

ଲୋକାଲ ୱାୟାର

ଭଦ୍ରକ, ମାର୍ଚ୍ଚ ୭(ଲୋକାଲ ୱାୟାର) ଧାମରା-ଭଦ୍ରକ ରେଳପଥରେ କୋଇଲା ଚୋରି ଦିନକୁ ଦିନ ବୃଦ୍ଧି ପାଉଥିବା ବେଳେ ଏଥିରେ ସଂପୃକ୍ତ ମାଷ୍ଟର ମାଇଣ୍ଡକୁ ରେଳବାଇ ପୁଲିସ ଗିରଫ କରିଛି ।

ଗିରଫ ଅଭିଯୁକ୍ତ ତିହିଡି ବ୍ଲକ୍ ହାଟୁଆରୀ ଗ୍ରାମର ଭଗବାନ ଦାଓ ଓରଫ ବାୟାକୁ ଭଦ୍ରକ ଆରପିଏଫ୍ ରେଳ ସୁରକ୍ଷା ବଳ ପୁଲିସ ଗିରଫ କରିଛି।

ଅଭିଯୁକ୍ତ ଭଦ୍ରକ ସମେତ ଯାଜପୁର ଜିଲାରେ ମଧ୍ୟ କୋଇଲା ଚୋରିରେ ସଂପୃକ୍ତି ଥିବା ପୁଲିସ ପ୍ରାଥମିକ ତଦନ୍ତରୁ ଜଣାପଡିଛି । ବିଶେଷ ସୂତ୍ରରୁ ଖବର ପାଇ ଅଭିଯୁକ୍ତର ଘରେ ଚଢାଉ କରି ତାକୁ ଧରିବାରେ ସଫଳ ହୋଇଛି ରେଳବାଇ ସୁରକ୍ଷା ବଳ ପୁଲିସ ।

ବିଭିନ୍ନ ସ୍ଥାନରେ ବେକାର ଯୁବକ ମାନଙ୍କୁ ପ୍ରବର୍ତ୍ତାଇ କୋଇଲା ଚୋରିରେ ନିୟୋଜିତ କରିବା ସହ ବ୍ୟବସାୟର ଚେର ଅନ୍ୟ ରାଜ୍ୟକୁ ଲମ୍ବିଥିବା ପୁଲିସ କହିଛି ।

ଲୋକାଲ ୱାୟାର

ବ୍ରହ୍ମପୁର, ମାର୍ଚ୍ଚ ୬ (ଲୋକାଲ ୱାୟାର): ନକଲି ସାର୍ଟିଫିକେଟ୍ ଦେଇ ଚାକିରି କରିବା ଅଭିଯୋଗରେ ଗଂଜାମ ଜିଲ୍ଲା ଆସ୍କା ପୁଲିସ ଶୁକ୍ରବାର ଦୁଇ ଜଣ ସହକାରୀ ଶିକ୍ଷକଙ୍କୁ ଗିରଫ କରିଛି।

ଏମାନେ ହେଲେ ମନ୍ତପଡ଼ା ହାଇସ୍କୁଲର ଶିକ୍ଷକ ଓକାଲି ବିଶୋୟୀ ଓ କେନ୍ଦୁପଦର ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟର ଶିକ୍ଷକ ଅଶୋକ ସାହୁ।

ଏମାନେ ବ୍ରହ୍ମପୁର ବିଶ୍ବବିଦ୍ୟାଳୟରେ ବି.ଇଡି କରିଥିବା ଦର୍ଶାଇ ଜାଲ ସାର୍ଟିଫିକେଟ ବଳରେ ଜୁଲାଇ ୧୯୯୭ରୁ ଶିକ୍ଷକତା କରିଆସୁଥିଲେ।

ଏମାନଙ୍କ ନିକଟରୁ ଜାଲ ବି.ଇଡି ସାର୍ଟିଫିକେଟ ଜବତ ହୋଇଥିବା ଆସ୍କା ଆଇଆଇସି ପି.କେ. ସାହୁ ସୂଚନା ଦେଇଛନ୍ତି।

ଗତ ସପ୍ତାହରେ ପୁଲିସ ଏକ ଜାଲ ସାର୍ଟିଫିକେଟ ରାକେଟର ପର୍ଦ୍ଦାଫାସ କରି ଏଥିରେ ସଂପୃକ୍ତ ପାଞ୍ଚ ଜଣଙ୍କୁ ଗିରଫ କରିଥିଲା।

ସେମାନଙ୍କଠାରୁ ସୂଚନା ପାଇଁ ତିନି ଜଣଙ୍କୁ ଗିରଫ କରିସାରିଥିବାବେଳେ ଆହୁରି କେତେକ ଶିକ୍ଷକଙ୍କୁ ଖୋଜୁଛି। ଏହି ପା଼ଞ୍ଚ ଜଣ ଶିକ୍ଷକଙ୍କ ବିରୋଧରେ ବ୍ଲକ୍ ଶିକ୍ଷା ଅଧିକାରୀ କୃତ୍ତିବାସ ବାରିକ ମାମଲା ରୁଜୁ କରିଥି୍ଲେ।

ଲୋକାଲ୍ ଓ୍ବାୟାର୍

ଭୁବନେଶ୍ବର,ମାର୍ଚ୍ଚ ୦୫ (ଲୋକାଲ ୱାୟାର): ଭୁବନେଶ୍ବର କ୍ୟାପିଟାଲ ଥାନାରେ କାର୍ଯ୍ୟରତ ଜଣେ ହାବିଲଦାର ନିଜ ଝିଆରୀକୁ ଦୁଷ୍କର୍ମକରି ଗିରଫ ହୋଇଥିବା ଗୁରୁବାର ପୁଲିସ ସୂଚନା ଦେଇଛି ।

ଗିରଫ ହାବିଲଦାର ଜଣକ ହେଲେ ବିଜୟ ସେଠୀ ।

ବିଜୟ ତାଙ୍କ ପତ୍ନୀଙ୍କ ସହ ଖାରବେଳନଗର ରେ ରହୁଥିଲେ ଗତ ଅକ୍ଟୋବର ମାସରେ ତାଙ୍କର ସ୍ତ୍ରୀର ଦେହ ଖରାପ ହେବାରୁ ବିଜୟଙ୍କ ନାବାଳିକା ଝିଆରୀ ଆସି ତାଙ୍କ ଘରେ ରହୁଥିଲେ ସେହି ସୁଯୋଗରେ ତାଙ୍କୁ ବାରମ୍ବାର ଦୁଷ୍କର୍ମ କରୁଥିଲେ । ବିଜୟ ନାବାଳିକା ଜଣକ ଗର୍ଭବତୀ ହୋଇଥିବା ଜାଣିବାପରେ ଗର୍ଭପାତ କରିବାକୁ ମଧ୍ୟ ଉଦ୍ୟମ କରୁଥିଲେ ।

ନାବାଳିକା ଜଣକ ତାଙ୍କ ଘରକୁ ଯିବାପରେ ତାଙ୍କ ଘରଲୋକଙ୍କୁ ଜଣାଇଥିଲେ । ହାବିଲଦାର ଘରେ ନକହିବା ପାଇଁ ମୋବାଇଲରେ ଧମକ ଚମକ ମଧ୍ୟ ଦେଇଥିଲେ ।

ଶେଷରେ ପରିବାର ଲୋକ ଥାନାରେ ଅଭିଯୋଗ ପରେ ସହିଦନଗର ପୁଲିସ ବିଜୟକୁ ଗିରଫ କରିଛି ।

ଲୋକାଲ ୱାୟାର

କଟକ,ମାର୍ଚ୍ଚ ୫ (ଲୋକାଲ ୱାୟାର): ଏକ ଘରୋଇ ସିକ୍ୟୁରିଟି ସଂସ୍ଥାର ମାଲିକ ଓ କର୍ମଚାରୀଙ୍କୁ ଅପହରଣ କରି ନିସ୍ତୁକ ମାଡ ମାରିବା ଘଟଣାରେ ବାଦାମବାଡି ଥାନା ପୁଲିସ ତିନି ଜଣଙ୍କୁ ଗିରଫ କରିଥିବା ବୁଧବାର ଦିନ ଜଣେ ପୁଲିସ ଅଧିକାରୀ କହିଛନ୍ତି।

ଗିରଫଅଭିଯୁକ୍ତମାନେ ହେଲେ ନୟାଗଡର ପ୍ରଦୀପ ସାହୁ(୪୦), ପୁରୀ ଜିଲ୍ଲା ବ୍ରହ୍ମଗିରିର ପ୍ରଶାନ୍ତ ବେହେରା(୨୪) ଓ କାକଟପୁରର ପ୍ରଶାନ୍ତ କୁମାର ସ୍ୱାଇଁ(୩୦)।

ଅଭିଯୁକ୍ତମାନେ କଟକ ଦୋଳମୁଣ୍ଡାଇ ଛକ ନିକଟରେ ଥିବା ‘କଳିଙ୍ଗ ୱାରିୟର ସିକ୍ୟୁରିଟି ସର୍ଭିସ’ ନାମକ ଏକ ଘରୋଇ ସଂସ୍ଥାର ମାଲିକ ମାନସ ରଞ୍ଜନ ଜେନା, ସଂସ୍ଥାର ଦୁଇ କର୍ମଚାରୀ ସେକ. ଅସଲୀମ ଓ ସନ୍ତୋଷ ବିଶ୍ୱାଳଙ୍କୁ ଗତ ୨ ତାରିଖ ଦିନ ମାଡ ମାରିବା ସହ ଅପହରଣ କରିନେଇଥିଲେ।

ଏହି ଘଟଣାରେ ପୁଲିସ ତଦନ୍ତ କରି ଅପହୃତମାନଙ୍କୁ ଉଦ୍ଧାର କରିବା ସହ ଅଭିଯୁକ୍ତମାନଙ୍କୁ ଗିରଫ କରି କୋର୍ଟ ଚାଲାଣ କରିଛି।

ଲୋକାଲ ୱାୟାର

କେନ୍ଦୁଝର, ମାର୍ଚ୍ଚ ୪(ଲୋକାଲ ୱାୟାର): କେନ୍ଦୁଝର ଜିଲ୍ଲା ବଡ଼ବିଲ ଅଂଚଳରେ ଜଣେ ୭୦ ବର୍ଷ ବୟସ୍କ ବୃଦ୍ଧଙ୍କ ବିରୋଧରେ ଦୁଷ୍କର୍ମ ଅଭିଯୋଗ ହୋଇଥିବା ପୋଲିସ ବୁଧବାର କହିଛି ।

ମଙ୍ଗଳବାର ବ୍ୟକ୍ତି ଜଣକ ନିଜ ସର୍ମ୍ପକୀୟ ୧୪ ବର୍ଷୀୟ ନାତୁଣୀଙ୍କୁ ଦୁଷ୍କର୍ମ କରିଥିବା ଅଭିଯୋଗ ହୋଇଛି ।

ଏହି ଘଟଣା ପରେ ସ୍ଥାନୀୟ ଲୋକମାନେ ଉକ୍ତ ବୃଦ୍ଧଙ୍କୁ ଧରିଥିବା ବେଳେ ପୋଲିସ ପହଂଚିବା ପୂର୍ବରୁ ସେ ସେଠାରୁ ଫେରାର ହୋଇଯାଇଥିଲେ ।

ଅଭିଯୋଗ ପାଇବା ପରେ ପୋଲିସ ସଂପୃକ୍ତ ବୃଦ୍ଧଙ୍କୁ ଗିରଫ କରିବା ପାଇଁ ଚଢାଉ ଜାର ରଖିଛି । ବୃଦ୍ଧ ଜଣକ ଜମାଦାର ମୁଣ୍ଡା ବୋଲି ଜଣାପଡ଼ିଛି ।

ନାବାଳିକାଙ୍କ ମାଆଙ୍କ ଠାରୁ ଅଭିଯୋଗ ପାଇବା ପରେ ବୁଧବାର ମାମଲା ରୁଜୁ କରାଯାଇଛି ବୋଲି ବଡ଼ବିଲ ଆଇଆଇସି ସୁଶାନ୍ତ ଦାଶ କହିଛନ୍ତି ।

ଲୋକାଲ ୱାୟାର

ସମ୍ବଲପୁର, ମାର୍ଚ୍ଚ ୨(ଲୋକାଲ ୱାୟାର): ସମ୍ବଲପୁର ସହରରେ ସୋମବାର ଜଣେ ପୁଲିସ ନିଶାଗ୍ରସ୍ତ ଅବସ୍ଥାରେ ବାଇକ ଚଲାଇ ଯାଉଥିବା ବେଳେ ଚେକିଂରେ ଧରାପଡ଼ିବାରୁ ତାଙ୍କୁ ଗିରଫ କରାଯିବ ସହ ସେ ଚାକିରିରୁ ନିଲମ୍ବିତ ହୋଇଥିବା ଜଣେ ଅଧିକାରୀ ସୂଚନା ଦେଇଛନ୍ତି ।

ଧନୁପାଲି ଥାନା ବୁଲିଆପଡ଼ା ଫାଣ୍ଡିର କନଷ୍ଟେବଲ୍ ଦିଲ୍ଲୀପ ନାଗ ସୋମବାର ବିନା ହେଲମେଟରେ ବାଇକରେ ଯାଉଥିବା ବେଳେ ଲକ୍ଷ୍ମୀଟକିଜ ନିକଟରେ ଯାଞ୍ଚରେ ଧରାପଡ଼ିଥିଲେ ।

ସେ ମଦ ପିଇଥିବା ଯାଞ୍ଚରୁ ଜଣାପଡ଼ିବାରୁ ତାଙ୍କୁ ଟାଉନ ପୁଲିସ ଜିମା ଦିଆଯାଇଥିଲା । ପୁଲିସ ସଙ୍ଗେ ସଙ୍ଗେ ମାମଲା ରୁଜୁ କରି ତାଙ୍କୁ କୋର୍ଟ ଚାଲାଣ କରିଥିଲା ।

ଅପରପକ୍ଷରେ ସମ୍ବଲପୁର ଏସପି କନୱର ବିଶାଲ ସିଂହ ଏ ସମ୍ପର୍କରେ ଅବଗତ ହେବା ପରେ ଦିଲ୍ଲୀପଙ୍କୁ ଚାକିରିରୁ ନିଲମ୍ବିତ କରିଥିବା ବିଭାଗ ପକ୍ଷରୁ ସୂଚନା ଦିଆଯାଇଛି ।

ଲୋକାଲ ୱାୟାର

ଢେଙ୍କାନାଳ, ମାର୍ଚ୍ଚ ୨(ଲୋକାଲ ୱାୟାର):୨୦୧୬ ମସିହାରେ ହୋଇଥିବା ଏକ ଭିନ୍ନକ୍ଷମ ନାବାଳିକା ବଳାତ୍କାର ମାମଲାରେ ଅଭିଯୁକ୍ତ ଶିକ୍ଷକଙ୍କୁ ସୋମବାର ଢେଙ୍କାନାଳ ଅତିରିକ୍ତ ଜିଲ୍ଲା ଦୌରାଜଜ୍ ତଥା ସ୍ୱତନ୍ତ୍ର ପୋକସୋ କୋର୍ଟରେ ୨୦ ବର୍ଷ ଜେଲ୍ ଦଣ୍ଡାଦେଶ ହୋଇଥିବା ଜଣେ ବରିଷ୍ଠ ଆଇନଜୀବୀ ସୂଚନା ଦେଇଛନ୍ତି।

୨୦୧୬ ଅକ୍ଟୋବର ୧୫ରେ ଢେଙ୍କାନାଳ ଜିଲ୍ଲା କଙ୍କଡ଼ାହାଡ଼ ଥାନା ଅନ୍ତର୍ଗତ କେନ୍ଦୁପଡ଼ା ଗ୍ରାମରେ ଶିକ୍ଷକ ଜର୍ଜ ଗାଗରାଇ ଜଣେ ଦୃଷ୍ଟିହୀନା ନାବାଳିକାକୁ ବଳାତ୍କାର କରିଥିବା ଅଭିଯୋଗ ହୋଇଥିଲା ।

ନାବାଳିକା ୯ ମାସର ଗର୍ଭବତୀ ହୋଇଥିବାରୁ ଏହି ମାମଲା ଥାନାରେ ପହଞ୍ଚିଥିଲା ଏବଂ ପୁଲିସ ମାମଲା ରୁଜୁ କରି ଶିକ୍ଷକଙ୍କୁ ଗିରଫ କରି କୋର୍ଟ ଚାଲାଣ କରିଥିଲା ।

ଏହି ମାମଲାରେ ସାକ୍ଷ୍ୟ ପ୍ରମାଣ ଆଧାରରେ ଅତିରିକ୍ତ ଜିଲ୍ଲା ଦୌରାଜଜ୍ ତଥା ସ୍ୱତନ୍ତ୍ର ପୋକସୋ ଜଜ୍ ରାଜକିଶୋର ମହାପାତ୍ର ଅଭିଯୁକ୍ତ ଶିକ୍ଷକଙ୍କୁ ୨୦ ବର୍ଷ ଜେଲ୍ ଏବଂ ୨୦ ହଜାର ଟଙ୍କା ଜରିମାନା ଦଣ୍ଡାଦେଶ ଦେଇଛନ୍ତି ।

ଜରିମାନା ଅନାଦାୟରେ ଅଧିକ ୧ ବର୍ଷ ଜେଲ୍ ଦଣ୍ଡ ଭୋଗିବାକୁ ରାୟରେ ନିର୍ଦ୍ଦେଶ ଥିବା କହିଛନ୍ତି ସ୍ୱତନ୍ତ୍ର ପିପି ସୁଲେମାନ ଖାନ୍ ।

ଲୋକାଲ ୱାୟାର