ଭବାନୀପାଟଣା, ଜାନୁଆରୀ ୨୨ (ଲୋକାଲ ୱାୟାର): ରେଲଓ୍ବେ ଅଣ୍ଡର୍ ବ୍ରିଜ୍ ଦାବିରେ ବୁଧବାର ସ୍ଥାନୀୟ କ୍ରିୟାନୁଷ୍ଠାନ କମିଟି ୧୨ ଘଣ୍ଟିଆ କେସିଙ୍ଗା ବନ୍ଦ ପାଳନ କରୁଛି।
ଫଳରେ ଆଜି ସକାଳୁ ସହରରେ ଗାଡ଼ିମଟର ଚଳାଚଳ କରୁନାହିଁ।
ତେବେ ସ୍ବାସ୍ଥ୍ୟସେବା ଓ ଶିକ୍ଷାନୁଷ୍ଠାନକୁ ଏହି ବନ୍ଦରୁ ବାଦ୍ ଦିଆଯାଇଯାଇଛି।
ସହରରେ ଥିବା ସମସ୍ତ ସରକାରୀ ବେସରକାରୀ କାର୍ଯ୍ୟାନୁଷ୍ଠାନ ବନ୍ଦ କରିବାକୁ ମଧ୍ୟ କ୍ରିୟାନୁଷ୍ଠାନ କମିଟି ପକ୍ଷରୁ କୁହାଯାଇଛି।
ସ୍ଥାନୀୟ କେତେକ ସଂଗଠନ ଓ ବୁଦ୍ଧିଜୀବୀ ଏହି ବନ୍ଦ ପାଳନକୁ ସମର୍ଥନ କରିଛନ୍ତି।
ସୂଚନାଯୋଗ୍ୟ, କେସିଙ୍ଗା ଦେଇ ରେଳବାଇର ତୃତୀୟ ଲାଇନ୍ ସଂଯୋଗୀକରଣ ନିଷ୍ପତ୍ତି ହୋଇଛି।
ତେବେ ଅଣ୍ଡର୍ ବ୍ରିଜ୍ ନହେବା ପର୍ଯ୍ୟନ୍ତ ଏହା କରାଇଦିଆଯିବ ନାହିଁ ବୋଲି କ୍ରିୟାନୁଷ୍ଠାନ କମିଟି ଚେତାବନୀ ଦେଇ ଏହି ବନ୍ଦ ପାଳନ କରୁଛି।
ଏନେଇ କ୍ରିୟାନୁଷ୍ଠାନ କମିଟି ସମ୍ବଲପୁର ଡି.ଆର୍.ଏମ୍. ପ୍ରଦୀପ କୁମାରଙ୍କ ସହ ଆଲୋଚନା ମଧ୍ୟ କରିଛନ୍ତି।
ତେବେ ଆଲୋଚନା ଫଳପ୍ରଦନ ନହେବାରୁ ଆନ୍ଦୋଳନକାରୀମାନେ ରେଳ ଫାଟକ ସାମ୍ନାରେ ଧାରଣାରେ ବସିଛନ୍ତି।
ଅନ୍ୟପକ୍ଷରେ କଳାହାଣ୍ଡି ସାଂସଦ ବସନ୍ତ ପଣ୍ଡା ମଧ୍ୟ ଆନ୍ଦୋଳନକୁ ସମର୍ଥନ କରିଛନ୍ତି।
ଲୋକାଲ୍ ଓ୍ବାୟାର୍
