The hyper local news platform
ଭୁବନେଶ୍ୱର, ଅଗଷ୍ଟ ୩୧(ଲୋକାଲ ୱାୟାର): ବନ୍ୟାସ୍ଥିତିକୁ ଦୃଷ୍ଟିରେ ରଖି ଯୁକ୍ତ ଦୁଇ ନାମଲେଖା ଆବେଦନ ଅବଧିକୁ ସେପ୍ଟେମ୍ବର ୧୧ ତାରିଖକୁ ବୃଦ୍ଧି କରାଯାଇଥିବା ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାସ କହିଛନ୍ତି ।
ଉଲ୍ଲେଖଯୋଗ୍ୟ, ପୂର୍ବରୁ ଏହି ଅବଧି ଥିଲା ସେପ୍ଟେମ୍ବର ୪ ତାରିଖ । ଗତ ୨୧ ତାରିଖରୁ ସାମ୍ସରେ ଆପ୍ଲିକେସନ୍ ଫର୍ମ ଉପଲବ୍ଧ କରାଯାଇଛି ।
ଲୋକାଲ ୱାୟାର
ଭୁବନେଶ୍ୱର,ଅଗଷ୍ଟ ୩୦(ଲୋକାଲ ୱାୟାର): ସର୍ବଭାରତୀୟ ଇଞ୍ଜିନିୟରିଂ ପ୍ରବେଶିକା ଓ ଜେଇଇ (ମେନ୍) ଓ ମେଡିକାଲ ପ୍ରବେଶିକା ପୀକ୍ଷା (ନିଟ୍) ପାରୀକ୍ଷାର୍ଥୀଙ୍କ ଯାତାୟାତ ଓ ରହଣି ମାଗଣା କରିବାକୁ ରାଜ୍ୟ ସରକାର ଘୋଷଣା କରିଛନ୍ତି ।
ପରୀକ୍ଷାର୍ଥୀ ଓ ଅଭିଭାବକଙ୍କ ପାଇଁ ଜିଲ୍ଲା ସଦର ମହକୁମାରୁ ପରୀକ୍ଷା କେନ୍ଦ୍ର ପର୍ଯ୍ୟନ୍ତ ଏହି ସୁବିଧା ମିଳିବ ।
ଇଞ୍ଜିନିୟରିଂ କଲେଜ, ଆଇଟିଆଇ ଓ ପଲିଟେକନିକ୍ ଇନଷ୍ଟିଚୁ୍ୟଟରେ ସେମାନଙ୍କର ମାଗଣା ରହିବା ଓ ଖାଇବାର ବ୍ୟବସ୍ଥା କରାଯାଇଛି । ଏଥିପାଇଁ ସବିଶେଷ ସୂଚନା ଦେବାକୁ ବିଭିନ୍ନ ଜିଲ୍ଲାରେ ସରକାର ନୋଡାଲ ଅଫିସରଙ୍କୁ ନିଯୁକ୍ତ କରାଯାଇଛି ।
ଜାଣନ୍ତୁ ନୋଡାଲ ଅଫିସରଙ୍କ ସୂଚନା:
ଅନୁଗୁଳ ଜିଲ୍ଲା ପାଇଁ ଏସ.ଏସ.ରଥ(ତାଳଚେର ଆଇଟିଆଇ, ୯୪୩୭୦୩୭୩୪୧/୭୦୦୮୯୦୩୧୬୩),
ବାଲେଶ୍ୱର ପାଇଁ କେ.ସି ରାଉତ (ବାଲେଶ୍ୱର ଆଇଟିଆଇ, ୯୪୩୭୭୫୨୪୪୦/୭୯୭୮୫୭୭୦୩୦),
ବଲାଙ୍ଗୀର ପାଇଁ କେ.ପି. ମେହେର (ବଲାଙ୍ଗୀର ଆଇଟିଆଇ,୯୯୩୭୮୭୧୬୨୧/୯୯୩୭୬୪୯୨୫୩),
ବରଗଡ଼ ପାଇଁ ଅନିଲ ରାଉତ (ବରଗଡ଼ ଆଇଟିଆଇ, ୯୮୬୧୦୫୬୦୮୦/୯୮୫୩୮୬୮୦୯୦),
ବୌଦ୍ଧ ପାଇଁ ଏସ.ଏସ. ରାଜ (ବୌଦ୍ଧ ଆଇଟିଆଇ, ୯୪୩୮୧୦୮୨୭୦/୮୩୨୯୮୧୫୭୪୪),
ଭଦ୍ରକ ପାଇଁ ଏସ.ସି ରାଉତ (ଭଦ୍ରକ ଜିପି, ୯୪୩୮୧୭୬୬୫୬/୯୩୪୮୭୩୬୩୩୨),
କଟକ ପାଇଁ ଏଚ.କେ. ମହାନ୍ତି (କଟକ ଆଇଟିଆଇ,୮୭୬୩୧୦୪୯୭୩/୭୯୭୮୬୩୯୧୪୩),
ଢେଙ୍କାନାଳ ପାଇଁ ସି.ଏସ.ତ୍ରିପାଠୀ (ଢେଙ୍କାନାଳ ଆଇଟିଆଇ, ୭୦୦୮୨୪୫୪୩୩/ ୯୯୩୭୦୮୧୩୫୪),
ଦେବଗଡ଼ ପାଇଁ ପି.କେ.ପଟ୍ଟନାୟକ (ଦେବଗଡ଼ ଜିପି, ୯୯୩୭୪୯୯୦୫୦/୯୮୬୧୫୮୧୮୮୧),
ଗଞ୍ଜାମ ପାଇଁ ପି.କେ.ପାଣିଗ୍ରାହୀ (ବ୍ରହ୍ମପୁର ଆଇଟିଆଇ,୯୪୩୮୨୯୩୯୦୯/୭୦୦୮୩୩୯୮୫୬),
ଗଜପତି ପାଇଁ ଜି.ଡି.ମହାରଣା (ଗଜପତି ଜିପି,୯୪୩୮୫୧୭୧୮୨/୮୭୬୩୬୮୭୮୪୮),
ଜଗତସିଂହପୁର ପାଇଁ ଏମ.ଏସ. ରାଓ (ଜଗତସିଂହପୁର ଜିପି,୯୪୩୮୩୪୪୬୮୭/୬୩୭୧୯୮୨୪୨୬),
ଝାରସୁଗୁଡ଼ା ପାଇଁ ଜେ.ଜେ ମହାରଣା(ଝାରସୁଗୁଡ଼ା ଆଇଟିଆଇ, ୯୨୩୮୬୮୭୫୯୬/୯୩୩୭୫୬୦୫୪୪),
ଯାଜପୁର ପାଇଁ ଆର.କେ. ପୃଷ୍ଟି (ଯାଜପୁର ରଗଡ଼ି ଜିପି,୯୪୩୭୧୫୫୧୦୭/୭୯୭୮୦୨୭୦୩୬),
କଳାହାଣ୍ଡି ପାଇଁ ସ୍ନେହାଶିଷ ମୁଦୁଲି (ଭବାନୀପାଟଣା ଆଇଟିଆଇ, ୯୯୯୩୮୧୫୦୨୭୨/୭୦୦୮୨୦୪୬୪୬),
କନ୍ଧମାଳ ପାଇଁ ପି.ସି.ସେଠୀ (ଫୁଲବାଣୀ ଆଇଟିଆଇ, ୯୪୩୯୭୫୨୩୩୩/୯୪୩୯୬୧୩୩୩୦),
ଖୋର୍ଦ୍ଧ ପାଇଁ ଜେ.ଏମ. ଶତପଥୀ (ଭୁବନେଶ୍ୱର ଆଇଟିଆଇ, ୯୪୩୭୪୫୩୮୩୬/ ୯୪୩୭୧୪୧୬୦୪),
କୋରାପୁଟ ପାଇଁ ଏସ.କେ. ଦଳେଇ (ଅମ୍ବାଗୁଡ଼ା ଜିଆଇଟି, ୯୪୩୮୨୮୭୪୯୭/୯୩୪୮୪୩୦୪୪୦),
କେନ୍ଦୁଝର ପାଇଁ ଡି.ସି. ବେହେରା (ଆନନ୍ଦପୁର ଆଇଟିଆଇ, ୯୪୩୭୨୧୮୭୩୧/୭୯୭୮୯୫୭୧୬୪),
କେନ୍ଦ୍ରାପଡ଼ା ପାଇଁ ଏନ.ଆର.ପଟ୍ଟନାୟକ (ପଟ୍ଟାମୁଣ୍ଡାଇ ଏସଆଇପିଟି, ୯୪୩୭୧୦୩୪୦୬/୭୦୦୮୪୮୪୨୪୦),
ମୟୂୂରଭଞ୍ଜ ପାଇଁ କନ୍ଦନ ମାଝୀ (ବାରିପଦା ପିସିଆଇଟିଆଇ, ୯୪୩୯୦୯୪୬୭୮/୮୩୨୭୭୩୮୦୨୯),
ମାଲକାନଗିରି ପାଇଁ ରାଜେଶ ତ୍ରିପାଠୀ (ମାଲକାନଗିରି ଆଇଟିଆଇ, ୮୭୬୩୧୨୭୮୮୩/୭୮୭୪୬୧୬୨୬୩),
ନୟାଗଡ଼ ପାଇଁ ୟୁ.କେ. ମଲ୍ଲିକ (ନୟାଗଡ଼ ଜିପି, ୯୪୩୭୨୦୭୫୩୮/୭୦୦୮୫୫୦୩୨୨),
ନବରଙ୍ଗପୁର ପାଇଁ ପି.କେ.ସାହୁ (ରାଇଗଡ଼ ଆଇଟିଆଇ, ୯୪୩୭୧୯୨୪୨୪, ୭୯୭୮୨୨୦୨୫୫),
ନୂଆପଡ଼ା ପାଇଁ ଏସ.କେ.ହୋତା ଖରିଆର ଆଇଟିଆଇ, ୯୪୩୭୫୭୨୧୨୪/୭୯୭୮୨୬୯୩୦୮),
ପୁରୀ ପାଇଁ ଏ.ଏନ.ଦେ (ପୁରୀ ଆଇଟିଆଇ, ୮୮୭୨୪୮୬୯୯୮/୯୭୭୮୩୯୧୬୦୭),
ରାୟଗଡ଼ା ପାଇଁ ଏ.କେ. ପଣ୍ଡା (ରାୟଗଡ଼ା ଆଇଟିଆଇ,୯୪୩୭୭୪୮୪୭୬/୮୧୪୪୮୪୪୧୩୧),
ସୁନ୍ଦରଗଡ଼ ପାଇଁ ପି.ସି.ରଥ (ରାଉରକେଲା ୟୁଜିଆଇଇ, ୯୪୩୭୬୫୪୭୯୮/୭୦୦୮୦୦୩୪୦୨),
ସୋନପୁର ପାଇଁ ଏସ.ଏସ. ସାହୁ (ସୋନପୁର ଆଇଟିଆଇ,୯୪୩୭୧୧୪୦୧୩/୯୦୪୦୪୨୮୭୭୪/୯୯୩୭୪୯୫୨୯୧)
ଏବଂ ସମ୍ବଲପୁର ପାଇଁ ଡି. ଖୁରା (ହୀରାକୁଦ ଆଇଟିଆଇ, ୯୪୩୯୨୦୯୯୧୭/୭୦୦୮୪୭୧୪୫୯) ।
ଲୋକାଲ ୱାୟାର
ଢେଙ୍କାନାଳ, ଅଗଷ୍ଟ ୨୮(ଲୋକାଲ ୱାୟାର): ଶିକ୍ଷା କ୍ଷେତ୍ରରେ ବୈଷୟିକ ବିଦ୍ୟା ବା ଟେକ୍ନୋଲୋଜି ଏକ ମୁଖ୍ୟ ଭୂମିକା ଗ୍ରହଣ କରୁଛି ।
ତେବେ ଜଣେ ଭଲ ଶିକ୍ଷକର ସ୍ଥାନ କେବେ ବି ଟେକ୍ନୋଲୋଜି ନେଇପାରିବନି ।
କିନ୍ତୁ ଟେକ୍ନୋଲୋଜି ମାଧ୍ୟମରେ ଶିକ୍ଷାଦାନର ମାନ ନିଶ୍ଚୟ ବୃଦ୍ଧି ହୋଇପାରିବ ବୋଲି ଶୁକ୍ରବାର ପୂର୍ବାହ୍ଣରେ ଭାରତୀୟ ଜନ ସଞ୍ଚାର ସଂସ୍ଥାନ (ଆଇଆଇଏମସି) ପକ୍ଷରୁ ଅନୁଷ୍ଠିତ ପଞ୍ଚମ ପ୍ରଫେସର କେ.ଏମ୍. ଶ୍ରୀବାସ୍ତବ ସ୍ମାରକୀ ଇ-ବକ୍ତୃତାରେ କହିଛନ୍ତି ଓଡ଼ିଶା ରାଜ୍ୟ ମୁକ୍ତ ବିଶ୍ୱବିଦ୍ୟାଳୟର କୁଳପତି ପ୍ରଫେସର ଶ୍ରୀକାନ୍ତ ମହାପାତ୍ର ।
ପ୍ରଫେସର ମହାପାତ୍ର ‘ବୈଷୟିକ ବିଦ୍ୟାଭିତ୍ତିକ ଶିକ୍ଷାଦାନ: ଏହା କ’ଣ ଏକ ନୂଆ ଆଦର୍ଶାନୁଗତ’ ଉପରେ ବକ୍ତବ୍ୟ ଦେଇଛନ୍ତି ।
ସେ କହିଛନ୍ତି, ଏକବିଂଶ ଶତାବ୍ଦୀରେ ଶିକ୍ଷା କ୍ଷେତ୍ରରେ ଟେକ୍ନୋଲୋଜି ଏକ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରୁଛି ।
କାରଣ, ବର୍ତ୍ତମାନର ଛାତ୍ରଛାତ୍ରୀ ଓ ଶିକ୍ଷାର୍ଥୀମାନେ ଡିଜିଟାଲ ଯୁଗର ।
ଅର୍ଥାତ୍, ସେମାନେ ପିଲାଦିନୁ ଡିଜିଟାଲ୍ ଟେକ୍ନୋଲୋଜିକୁ ଆପଣାଇ ନେଉଛନ୍ତି ।
ଏଣୁ ଏବେ ତଥା ଆଗାମୀ ଦିନରେ ବୈଷୟିକ ବିଦ୍ୟାଭିତ୍ତିକ ଶିକ୍ଷାଦାନର ଆଦର ରହିଛି ।
ପ୍ରାରମ୍ଭିକ ସୂଚନା ପ୍ରଦାନ କରି ଆଇଆଇଏମସି ଢେଙ୍କାନାଳର ଆଞ୍ଚଳିକ ନିର୍ଦ୍ଦେଶକ ଡ. ମୃଣାଳ ଚାଟାର୍ଜୀ କହିଛନ୍ତି, ଧୀରେଧୀରେ ଡିଜିଟାଲ୍ ଟେକ୍ନୋଲୋଜି ମଣିଷର ଜୀବନଶୈଳୀରେ ଯୋଡ଼ି ହୋଇଯାଉଛି ।
ତେବେ ବର୍ତ୍ତମାନର କୋଭିଡ୍-୧୯ ସ୍ଥିତିରେ ଶିକ୍ଷା କ୍ଷେତ୍ରରେ ଏହା ହଠାତ୍ ଏକ ବୈପ୍ଳବିକ ପରିବର୍ତ୍ତନ ଆଣିପାରିଛି ।
ଏବେ ସ୍କୁଲ୍, କଲେଜ ସବୁ ବନ୍ଦ, କ୍ଲାସ୍ ହେଉନି । ଏମିତି ଏକ ପରିସ୍ଥିତିରେ ଆମ ପାଖରେ ଦୁଇଟି ବିଳଳ୍ପ ରହିଛି ।
ଆଦୌ ଶିକ୍ଷା ନହେବା କିମ୍ବା ଟେକ୍ନୋଲୋଜିଭିତ୍ତିକ ଶିକ୍ଷା । ଏ ଦୁଇଟିରୁ ଟେକ୍ନୋଲୋଜିଭିତ୍ତିକ ଶିକ୍ଷା ବହୁତ ଭଲ ।
ସେହିଭଳି ପ୍ରଫେସର କେ.ଏମ୍. ଶ୍ରୀବାସ୍ତବଙ୍କ ଉପରେ ସେ କହିଛନ୍ତି, ସାମ୍ବାଦିକତା ଶିକ୍ଷା କ୍ଷେତ୍ରରେ ତାଙ୍କର ବେଶ୍ ଅବଦାନ ରହିଛି ।
ଗଣମାଧ୍ୟମ, ସାମ୍ବାଦିକତା ଓ ଗଣ ଯୋଗାଯୋଗ ଉପରେ ସେ ବେଶ୍ କେତୋଟି ଉପାଦେୟ ବହି ଲେଖିଛନ୍ତି ବୋଲି ପ୍ରକାଶ କରିଛନ୍ତି ।
ଆଇଆଇଏମସି, ଢେଙ୍କାନାଳର ସହକାରୀ ପ୍ରଫେସର ସମ୍ବିତ ପାଲ ଇ-ବକ୍ତୃତା କାର୍ଯ୍ୟକ୍ରମ ସଞ୍ଚାଳନ କରିଥିବାବେଳେ ଧନ୍ୟବାଦ ଦେଇଛନ୍ତି ସହକାରୀ ପ୍ରଫେସର ଡ. ଜ୍ୟୋତି ପ୍ରକାଶ ମହାପାତ୍ର ।
ଲୋକାଲ ୱାୟାର
ଭୁବନେଶ୍ୱର, ଅଗଷ୍ଟ ୨୮(ଲୋକାଲ ୱାୟାର): କରୋନା ମହାମାରୀ ସମୟରେ ଜେଇଇ (ଜଏଣ୍ଟ ଏଣ୍ଟ୍ରାନ୍ସ ଏକଜାମିନେସନ) ମେନ୍ ଏବଂ ନିଟ୍ ପରୀକ୍ଷା ହେଉଥିବାରୁ ଛାତ୍ରଛାତ୍ରୀମାନଙ୍କର ଯେପରି କୌଣସି ଅସୁବିଧା ନ ହେବ ସେଥିପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଦେଶରେ ରାଜ୍ୟ ସରକାର ସେମାନଙ୍କ ଯାତାୟାତ ଓ ରହିବା ଖର୍ଚ୍ଚ ବହନ କରିବେ ବୋଲି ମୁଖ୍ୟ ଶାସନ ସଚିବ ଅସିତ ତ୍ରିପାଠୀ ଶୁକ୍ରବାର କହଛନ୍ତି ।
ଶ୍ରୀ ତ୍ରିପାଠୀ କହିଛନ୍ତି, ସେପ୍ଟେମ୍ବର ୧ରୁ ୬ ତାରିଖ ପର୍ଯ୍ୟନ୍ତ ଜେଇଇ ମେନ୍ ଓ ୧୩ ତାରିଖରେ ନିଟ୍ (ୟୁଜି) ଅନୁଷ୍ଠିତ ହେବାର ଅଛି ।
ଏଥିପାଇଁ ରାଜ୍ୟର ୭ଟି ସହରରେ ୨୬ଟି କେନ୍ଦ୍ର କରାଯାଇଛି ।
ମୋଟ ପ୍ରାୟ ୩୭ ହଜାର ପରୀକ୍ଷାର୍ଥୀ ଥିବା ବେଳେ କଟକ ଓ ଭୁବନେଶ୍ୱରରେ ପରୀକ୍ଷା ଦେବେ ପ୍ରାୟ ୧୭ ହଜାର ପରୀକ୍ଷାର୍ଥୀ ।
ପରୀକ୍ଷାର୍ଥୀମାନେ ଯେପରି ନିଜ ନିଜ ଅଞ୍ଚଳରୁ ସୁରୁଖୁରୁରେ ଆସି ପରୀକ୍ଷା କେନ୍ଦ୍ରରେ ପହଞ୍ଚି ପାରିବେ ସେଥିପାଇଁ ରାଜ୍ୟ ସରକାର ସମସ୍ତ ବ୍ୟବସ୍ଥା କରିଛନ୍ତି ।
ସେମାନଙ୍କ ପାଇଁ ଏକ ହେଲ୍ପ ଲାଇନ ଓ ଚବିଶଘଣ୍ଟିଆ କଣ୍ଟ୍ରୋଲ ରୁମ୍ ଖୋଲାଯିବ ।
ଛାତ୍ରଛାତ୍ରୀ, ସେମାନଙ୍କ ଅଭିଭାବକ କିମ୍ବା କେହି କୋଚିଂ ସେଣ୍ଟର ତତ୍ତ୍ୱାବଧାରକ ସେମାନଙ୍କ ସହ ଆସୁଥିଲେ ସରକାର ସେମାନଙ୍କ ଯିବାଆସିବା କଥା ବୁଝିବେ ।
ପରୀକ୍ଷା କେନ୍ଦ୍ର ହେଉଥିବା ସହରର ସରକାରୀ ଆଇଟିଆଇ ଓ ପଲିଟେକନିକ ହଷ୍ଟେଲ ଗୁଡ଼ିକରେ ସେମାନଙ୍କ ରହିବାର ବ୍ୟବସ୍ଥା ହେବ ।
ଯଦି କେହି ଛାତ୍ରଛାତ୍ରୀ ନିଜ ନିଜ ବ୍ୟବସ୍ଥାରେ ଯାଉଥିଲେ କୌଣସି ଠାରେ ପୁଲିସ ସେମାନଙ୍କୁ ଅଟକାଇବ ନାହିଁ ।
ଯାତାୟାତ ଓ ରହିବା ସୁବିଧା ପାଇବାକୁ ଛାତ୍ରଛାତ୍ରୀମାନେ ବିଭିନ୍ନ ଜିଲ୍ଲା ସରକାରୀ ଶିଳ୍ପ ତାଲିମ କେନ୍ଦ୍ର ବା ଆଇଟିଆଇ ରେ ଖୋଲା ଯାଇଥିବା ନୋଡାଲ ସେଣ୍ଟରରେ ଆସନ୍ତା ୩୧ ତାରିଖ ପୂର୍ବରୁ ନାମ ପଂଜିକରଣ କରିବାକୁ ଶ୍ରୀ ତ୍ରିପାଠୀ କହିଛନ୍ତି ।
ଲୋକାଲ ୱାୟାର
ଭୁବନେଶ୍ୱର, ଅଗଷ୍ଟ ୨୮(ଲୋକାଲ ୱାୟାର): ରାଜ୍ୟରେ ସ୍ନାତକୋତ୍ତର ପ୍ରବେଶିକା ପରୀକ୍ଷା (କମନ୍ ପିଜି ଏଣ୍ଟ୍ରାନ୍ସ ଟେଷ୍ଟ) ପାଇଁ ଆବେଦନ କରିବାର ଶେଷ ତାରିଖ ସେପ୍ଟେମ୍ବର ୧୦ ତାରିଖକୁ ଘୁଞ୍ଚାଇ ଦିଆଯାଇଥିବା ଉଚ୍ଚ ଶିକ୍ଷା ବିଭାଗ ପକ୍ଷରୁ ଶୁକ୍ରବାର କୁହାଯାଇଛି ।
ବିଭାଗର ସୂଚନା ଅନୁସାରେ, ପୂର୍ବରୁ ଏହି ପ୍ରବେଶିକା ପାଇଁ ଆବେଦନ କରିବାର ଶେଷ ତାରିଖ ରଖାଯାଇଥିଲା ଅଗଷ୍ଟ ୩୧ ।
ଏବେ ସେପ୍ଟେମ୍ବର ୧୦ ତାରିଖ ରାତି ୧୧ଟା ୪୫ ପର୍ଯ୍ୟନ୍ତ ଆବେଦନ କରିହେବ । ଛାତ୍ରଛାତ୍ରୀମାନେ ଅନଲାଇନରେ ଉଚ୍ଚଶିକ୍ଷା ବିଭାଗର ୱେବସାଇଟ ରେ ଆବେଦନ କରିପାରିବେ ।
ୱେବସାଇଟର http://www.samsodisha.gov.in/ ଇ-ସ୍ପେସ୍ ରୁ ସେପ୍ଟେମ୍ବର ୩୦ ତାରିଖ ମଧ୍ୟରେ ଛାତ୍ରଛାତ୍ରୀମାନେ ହଲ୍ ଟିକେଟ ଡାଉନଲୋଡ କରିପାରିବେ ।
ଅକ୍ଟୋବର ୧୦ରୁ ୧୯ ତାରିଖ ମଧ୍ୟରେ କମନ ଏଣ୍ଟ୍ରାନ୍ସ ଟେଷ୍ଟ ହେବ । ପୂର୍ବରୁ ଏହି ଟେଷ୍ଟ ସେପ୍ଟେମ୍ବର ୩୦ରୁ ଅକ୍ଟୋବର ୭ ତାରିଖ ମଧ୍ୟରେ ହେବ ବୋଲି କୁହାଯାଇଛି ।
ଲୋକାଲ ୱାୟାର
ଭୁବନେଶ୍ୱର,ଅଗଷ୍ଟ ୨୬(ଲୋକାଲ ୱାୟାର): କରୋନା ମହାମାରୀକୁ ଦୃଷ୍ଟିରେ ରଖି ରାଜ୍ୟରେ ଆସନ୍ତା ପୂଜା ଛୁଟି ପର୍ଯ୍ୟନ୍ତ ସ୍କୁଲ ଓ କଲେଜ ବନ୍ଦ ରହିବ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବୁଧବାର ଘୋଷଣା କରିଛନ୍ତି ।
ଉଲ୍ଲେଖଯୋଗ୍ୟ, ରାଜ୍ୟରେ କରୋନା ଭୂତାଣୁ ସଂକ୍ରମଣକୁ ଦୃଷ୍ଟିରେ ରଖି ଗତ ମାର୍ଚ୍ଚ ମାସ ଶେଷ ସପ୍ତାହରେ ସ୍କୁଲ, କଲେଜ ବନ୍ଦ ରଖାଯାଇଥିଲା ।
କରୋନା ଆକ୍ରାନ୍ତଙ୍କ ସଂଖ୍ୟା ଏବେ ରାଜ୍ୟର ଅଧିକାଂଶ ଜିଲ୍ଲାରେ ବୃଦ୍ଧି ପାଇବାରେ ଲାଗିଛି ।
ତେଣୁ ଛାତ୍ରଛାତ୍ରୀ ଓ ଅଭିଭାବକଙ୍କ ଉଦବେଗକୁ ଦୃଷ୍ଟିରେ ରଖି ମୁଖ୍ୟମନ୍ତ୍ରୀ ସ୍କୁଲ, କଲେଜକୁ ପୂଜା ଛୁଟି ପର୍ଯ୍ୟନ୍ତ ବନ୍ଦ ରଖିବାକୁ କହିଛନ୍ତି । ଅର୍ଥାତ୍ ପୂଜାଛୁଟି ପରେ ସ୍କୁଲ, କଲେଜ ଖୋଲିବା କଥା ଚିନ୍ତା କରାଯିବ ।
ଅପରପକ୍ଷରେ ରାଜ୍ୟ ବିଦ୍ୟାଳୟ ଓ ଗଣଶିକ୍ଷା ବିଭାଗ ଇତି ମଧ୍ୟରେ ସ୍କୁଲ ପାଠ୍ୟକ୍ରମର ୩୦% ହ୍ରାସ କରିବାକୁ ଘୋଷଣା କରିସାରିଛି ।
ଲୋକାଲ ୱାୟାର
Bhubaneswar, August 26 (LocalWire): Schools and colleges in Odisha will remain closed till the Durga Puja vacation in wake of the prevailing COVID situation, Chief Minister Naveen Patnaik announced today.
Taking note of the distress of students and parents alike, the Chief Minister made the announcement for schools being closed.
Educational institutions have been closed since March 17, in view of the pandemic; all institutions are carrying out online classes of students since then.
LocalWire
ଭୁବନେଶ୍ୱର,ଅଗଷ୍ଟ ୨୪(ଲୋକାଲ ୱାୟାର): ଇନଫୋସିସର ସହ ପ୍ରତିଷ୍ଠାତା ଏସଡି ଶିବୁଲାଲଙ୍କ ଦ୍ୱାରା ସ୍ଥାପିତ ସରୋଜିନୀ ଦାମୋଦରନ୍ ଫାଉଣ୍ଡେସନ୍ ବିଦ୍ୟାଧନ ବୃତ୍ତି ପାଇଁ ଆବେଦନ ଆମନ୍ତ୍ରଣ କରୁଛି ।
ଏହି ବୃତ୍ତି ଆର୍ଥିକ ଅନଗ୍ରସର ବର୍ଗର ଆସିଥିବା ମେଧାବୀ ଛାତ୍ରଛାତ୍ରୀଙ୍କ ପାଇଁ ଉଦ୍ଦିଷ୍ଟ ।
ବାର୍ଷିକ ଦୁଇ ଲକ୍ଷରୁ କମ୍ ଆୟ କରୁଥିବା ପରିବାରର ଛାତ୍ରଛାତ୍ରୀମାନେ ଏହି ମେଧାବୃତ୍ତି ପାଇଁ ଆବେଦନ କରି ପାରିବେ ।
୨୦୨୦ ସେପ୍ଟେମ୍ବର ୧୫ ଭିତରେ ଛାତ୍ରଛାତ୍ରୀମାନେ http://www.vidyadhan.org/ or SDF Vidya App ରେ ଲଗ୍ ଇନ୍ କରି ଏଥିପାଇଁ ଆବେଦନ କରିପାରିବେ ।
ମନୋନୀତ ଛାତ୍ରଛାତ୍ରୀମାନେ ୨ ବର୍ଷ ପର୍ଯ୍ୟନ୍ତ ଏହି ବୃତ୍ତି ପାଇପାରିବେ । ଯଦି ସେମାନେ ନିୟମିତ ଭାବେ ନିଜର ପାଠପଢ଼ାରେ ଭଲ ପ୍ରଦର୍ଶନ କରନ୍ତି ତେବେ ଡିଗ୍ରୀ ଶେଷ ହେବା ଯାଏଁ ସେମାନେ ଏହି ବୃତ୍ତି ପାଇ ପାରିବେ ।
ଏହି ମେଧାବୃତ୍ତି ୨୦୧୮ ମସିହାରୁ ଆରମ୍ଭ ହୋଇଥିବା ବେଳେ ଏଥିରେ ବିଭିନ୍ନ ଜିଲ୍ଲାର ୨୦୦ରୁ ଅଧିକ ଛାତ୍ରଛାତ୍ରୀ ଅନ୍ତର୍ଭୁକ୍ତ ହୋଇ ପାରିଛନ୍ତି ।
‘ବିଦ୍ୟାଧନ’ ଉଚ୍ଚଶିକ୍ଷା ଭିତ୍ତିକ ଛାତ୍ରବୃତ୍ତି ହୋଇଥିବା ବେଳେ ଶିବୁଲାଲ୍ ପରିବାର ଦ୍ୱାରା ପ୍ରଦାନ କରାଯାଇଥାଏ ।
ଏକାଦଶ ଶ୍ରେଣୀରୁ ଆରମ୍ଭ କରି ସ୍ନାତକ ଓ ସ୍ନାତକୋତ୍ତର ପାଠ୍ୟକ୍ରମ ଯାଏଁ (୫ରୁ ୭ ବର୍ଷ ଯାଏଁ) ଛାତ୍ରଛାତ୍ରୀମାନେ ଏହି ବୃତ୍ତି ପାଇ ପାରିବେ ।
ଏକାଡେମିକ ପାଠ୍ୟକ୍ରମ, ସେମାନଙ୍କର ପ୍ରଦର୍ଶନକୁ ନେଇ ଛାତ୍ରବୃତ୍ତିରେ ଆର୍ଥିକ ବୃଦ୍ଧି ଘଟିବ । ଯଦି ଛାତ୍ରଛାତ୍ରୀମାନେ ନିଜର ଏକାଡେମିକ ପ୍ରଦର୍ଶନକୁ ଭଲ ରଖନ୍ତି ତେବେ ସେମାନଙ୍କୁ ମେରିଟ୍ ତାଲିକାରେ ଆଡମିସନ୍ ବି ମିଳିବ ।
ଫାଉଣ୍ଡେସନ୍ ଆଶା କରୁଛି ଯେ ଆସନ୍ତା ୭ରୁ ୧୦ ବର୍ଷ ମଧ୍ୟରେ ଏହି ଛାତ୍ରବୃତ୍ତିରେ ୧୦ ହଜାର ଛାତ୍ରଛାତ୍ରୀଙ୍କୁ ସାମିଲ କରାଯିବା ସହ ଏକ ଲକ୍ଷ ଛାତ୍ରବୃତ୍ତିି ପ୍ରଦାନ କରାଯିବ ।
ଓଡିଶା ବ୍ୟତୀତ ଏହି ଛାତ୍ରବୃ୍ତ୍ତି କେରଳ, କର୍ଣ୍ଣାଟକ, ତାମିଲନାଡୁ, ପୁଡୁଚେରୀ, ତେଲେଙ୍ଗାନା, ଆନ୍ଧ୍ରପ୍ରଦେଶ, ମହାରାଷ୍ଟ୍ର, ଗୋଆ, ଗୁଜରାଟରେ କାର୍ଯ୍ୟକାରୀ ହେଉଛି ।
ଫାଉଣ୍ଡେସନର ପ୍ରତିଷ୍ଠାତା କୁମାରୀ ଶିବୁଲାଲ ଅନୁଯାୟୀ ଗତ ବର୍ଷ ଓଡ଼ିଶାର ପ୍ରାୟ ସମସ୍ତ ଜିଲ୍ଲାରୁ ୭୦୦ରୁ ଅଧିକ ଆବେଦନ ଗ୍ରହଣ କରାଯାଇଥିଲା ।
ଏହି ଆବେଦନଗୁଡ଼ିକର ପ୍ରାୟ ୯୦% ସରକାରୀ ଓ ସରକାରୀ ସହାୟକ ବିଦ୍ୟାଳୟଗୁଡ଼ିକର ଛାତ୍ରଛାତ୍ରୀଙ୍କଠାରୁ ଆସିଥିଲା ।
ମାଟ୍ରିକ ପରୀକ୍ଷାରେ ୮୦%ରୁ ଅଧିକ ନମ୍ବର ରଖିଥିବା ଛାତ୍ରଛାତ୍ରୀ (ଭିନ୍ନକ୍ଷମ ଛାତ୍ରଛାତ୍ରୀଙ୍କ ପାଇଁ ୬୦% କାର୍ମ)ମାନେ ଏହି ବୃତ୍ତି ପାଇଁ ଆବେଦନ କରିପାରିବେ ।
ଲୋକାଲ ୱାୟାର
ଭୁବନେଶ୍ୱର, ଅଗଷ୍ଟ ୨୩ (ଲୋକାଲ ୱାୟାର) : ସଲାବସ୍ ହ୍ରାସ ନେଇ ଏହି ସପ୍ତାହରେ ପିଲାଙ୍କ ଦ୍ୱନ୍ଦ୍ୱ ଦୂର ହେବ, ଗଣଶିକ୍ଷା ବିଭାଗର ପ୍ରମୁଖ ସଚିବଙ୍କ ମାଧ୍ୟମରେ ଯାଞ୍ଚ ଚାଲିଛି ବୋଲି ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ଦାଶ ରବିବାର କହିଛନ୍ତି ।
ମନ୍ତ୍ରୀ ସୂଚନା ଦେଇଛନ୍ତି ଯେ, ତିନୋଟି ବିଶେଷଜ୍ଞ କମିଟି ରିପୋର୍ଟ ଦେଇସାରିଛନ୍ତି ।
ତେବେ ପାଠ୍ୟକ୍ରମ କେତେ ପ୍ରତିଶତ କମିବ ସେନେଇ ଏଯାଏ ନିଷ୍ପତ୍ତି ହୋଇନି। ସିବିଏସଇ ସିଲାବସ୍ କାଟିବା ପରେ କିଛି ବିଷୟକୁ ନେଇ ଦ୍ୱନ୍ଦ୍ୱ ରହିଥିଲା । ତାହା ଯେପରି ନହେଉ ତା ଉପରେ ନଜର ଦିଆଯାଉଛି ।
କେତେ ପ୍ରତିଶତ ସିଲାବସ୍ କଟାଯିବ ତାହା ସ୍କୁଲ ଖୋଲିବା ଉପରେ ନିର୍ଭର କରୁଛି ବୋଲି ମନ୍ତ୍ରୀ କହିଛନ୍ତି ।
ଲୋକାଲ ୱାୟାର
ଭୁବନେଶ୍ୱର, ଅଗଷ୍ଟ ୨୧(ଲୋକାଲ ୱାୟାର): ଜେଇଇ ମେନ୍ ଆସନ୍ତା ସେପ୍ଟେମ୍ବର ୧ରୁ ୬ ତାରିଖ ଏବଂ ନିଟ୍ ୧୩ ତାରିଖରେ ଅନୁଷ୍ଠିତ ହେବ ବୋଲି ଏନଟିଏ ପକ୍ଷରୁ ଶୁକ୍ରବାର ବିଜ୍ଞପ୍ତି ପ୍ରକାଶ ପାଇଛି ।
ନିକଟରେ ସୁପ୍ରିମକୋର୍ଟ ଜେଇଇ ମେନ୍ ଓ ନିଟ୍ ତାରିଖ ଘୁଞ୍ଚାଇବାକୁ ଆବେଦନ କରି ହୋଇଥିବା ପିଟିସନକୁ ଖାରଜ କରିଦେବା ପରେ ଏନଟିଏ ସେପ୍ଟେମ୍ବର ୧ରୁ ୬ ତାରିଖ ମଧ୍ୟରେ ଜେଇଇ ମେନ୍ ହେବ ବୋଲି ସ୍ପଷ୍ଟ କରିଛନ୍ତି ।
ଲୋକାଲ ୱାୟାର