The hyper local news platform
ଅନୁଗୁଳ, ନଭେମ୍ବର ୪ (ଲୋକାଲ ୱାୟାର) : ଆୟବର୍ହିଭୂତ ସମ୍ପତ୍ତିଠୁଳ ଅଭିଯୋଗରେ ବୁଧବାର ଅନୁଗୁଳ ବଇଣ୍ଡା ଗ୍ରାମ୍ୟ ଉନ୍ନୟନ ବିଭାଗର କନିଷ୍ଠ ଯନ୍ତ୍ରୀ ବସନ୍ତ କୁମାର ବସ୍ତିଆଙ୍କ ଘରେ ଚଢାଉ ଜାରି ରହିଛି ବୋଲି ଭିଜିଲାନ୍ସ ପକ୍ଷରୁ କୁହାଯାଇଛି ।
ସରକାରୀ ବାସ ଭବନ ସମେତ ପୈତୃକ ଘର ଓ ଶ୍ୱଶୁର ଘରେ ଚଢାଉ ଜାରି ରହିଛି । କଟକ, କେନ୍ଦ୍ରାପଡ଼ା ଓ ଢେଙ୍କାନାଳ ସମେତ ୪ଟି ସ୍ଥାନରେ ଚଢାଉ ହୋଇଛି ।
ଏହି ଚଢାଉ ସମୟରେ କେତେ ପରିମାଣର ସମ୍ପତ୍ତି ଠାବ ହୋଇଛି, ତାହା ଏଯାବତ୍ ସ୍ପଷ୍ଟ ହୋଇ ନାହିଁ ।
ଲୋକାଲ ୱାୟାର
ଅନୁଗୁଳ, ନଭେମ୍ବର ୨(ଲୋକାଲ ୱାୟାର): ଅନୁଗୁଳ ଜିଲ୍ଲା ଆଠମଲ୍ଲିକ ବ୍ଲକ କିଆକଟା ଛକରେ ରବିବାର ବିଳମ୍ବିତ ରାତିରେ ରାସ୍ତାରେ ପାର୍ଶ୍ବରେ ଛିଡା ହୋଇଥିବା ଏକ ଇନୋଭା କାରକୁ ବସ୍ ଧକ୍କା ଦେଇ ଓଲଟି ପଡିବାରୁ ୨ ଜଣଙ୍କର ମୃତ୍ୟୁ ଘଟିଥିବା ବେଳେ ୧୭ରୁ ଅଧିକ ଜଣ ଆହତ ହୋଇଛନ୍ତି ।
ମୃତକ ମଧ୍ୟରେ ବସ୍ କଣ୍ଡକ୍ଟର ଓ ଇନୋଭା କାର୍ର ଡ୍ରାଇଭର ଥିବା ସୂଚନା ମିଳିଛି ।
ବସ୍ଟି ବୁର୍ଲାରୁ ବ୍ରହ୍ମପୁର ଯାଉଥିବା ବେଳେ ଇନୋଭାକୁ ଧକ୍କା ଦେଇ ଓଲଟି ପଡ଼ିଥିଲା ।
ଆହତଙ୍କ ମଧ୍ୟରୁ ୬ ଗୁରୁତରଙ୍କୁ ବୁର୍ଲା ମେଡିକାଲ୍ ସ୍ଥାନାନ୍ତର କରାଯାଇଛି । ଅନ୍ୟମାନଙ୍କ ବୌଦ୍ଧ ମେଡ଼ିକାଲରେ ଭର୍ତ୍ତି କରାଯାଇଛି।
ସ୍ଥାନୀୟ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଚଳାଇଛି ।
ଲୋକାଲ ୱାୟାର
ଭୁବନେଶ୍ୱର, ଅକ୍ଟୋବର ୩୦ (ଲୋକାଲ ୱାୟାର) : ରାଜ୍ୟର ୪ ସହରରେ ତାପମାତ୍ରା ୧୫ ଡିଗ୍ରୀ ତଳେ ଥିବା ରେକର୍ଡ କରାଯାଇଛି ବୋଲି ଭୁବନେଶ୍ୱରସ୍ଥିତ ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ଶୁକ୍ରବାର କହିଛି ।
ସୋନପୁରରେ ସବୁଠାରୁ ଅଧିକ ଶୀତ ଅନୁଭୂତ ହୋଇଛି । ଏଠାରେ ତାପମାତ୍ରା ୧୨.୮ ଡିଗ୍ରୀ ରେକର୍ଡ କରାଯାଇଛି ।
ସେହିପରି ଅନୁଗୁଳରେ ୧୩. ୮, ଫୁଲବାଣୀରେ ୧୪. ୦, ଦାରିଙ୍ଗବାଡ଼ିରେ ୧୪.୦ ଓ କୋରାପୁଟରେ ୧୫.୦ ଡିଗ୍ରୀ ସେଲସିୟସ ତାପମାତ୍ରା ରେକର୍ଡ କରାଯାଇଛି ।
ରାଜଧାନୀ ଭୁବନେଶ୍ୱରରେ ମଧ୍ୟ ଥଣ୍ଡା ଅନୁଭୂତ ହେଉଛି। ଏଠାରେ ତାପମାତ୍ରା ୧୯.୮ ଡିଗ୍ରୀ ରେକର୍ଡ କରାଯାଇଥିବା ବେଳେ କଟକରେ ୨୦ ଡିଗ୍ରୀ ରହିଛି।
ବିଶେଷ କରି କୋରାପୁଟ ଓ କନ୍ଧମାଳ ଜିଲ୍ଲାରେ ଶୀତର ରାଜୁତି ଆରମ୍ଭ ହେବାକୁ ଯାଉଛି ।
କୋରାପୁଟରେ ଗତବର୍ଷ ନଭେମ୍ବର ପ୍ରଥମ ସପ୍ତାହରେ ଶୀତ ଅନୁଭୂତ ହୋଇଥିବା ବେଳେ ଏଥର ଅକ୍ଟୋବର ଶେଷ ବେଳକୁ ଶୀତ ମାଳଭୂମିକୁ ଛୁଇଁସାରିଛି । ରାତି ଯେତିକି ବଢୁଛି, ଶୀତର ପ୍ରକୋପ ସେତିକି ବଢୁଛି ।
ସେହିପରି କନ୍ଧମାଳ ଜିଲ୍ଲାରେ ତିନିଦିନ ହେଲା ତାପମାତ୍ରା ହ୍ରାସ ପାଇବାରେ ଲାଗିଛି । ସକାଳ ୮ଟା ପର୍ଯ୍ୟନ୍ତ କୁହୁଡ଼ି ଆଚ୍ଛାଦିତ ହୋଇ ରହୁଛି ।
ଫୁଲବାଣୀ ସମେତ ଜିଲ୍ଲାର ଦାରିଙ୍ଗିବାଡ଼ି, ରାଇକିଆ, ଘୁ.ଉଦୟଗିରି, ବେଲଘର ଏବଂ ବାଲିଗୁଡ଼ା ଆଦି ଅଞ୍ଚଳରେ ହାଲୁକା ଶୀତର ପ୍ରଭାବ ଅନୁଭୂତ ହେଉଛି ।
ଲୋକାଲ ୱାୟାର
ଭୁବନେଶ୍ୱର, ଅକ୍ଟୋବର ୨୯(ଲୋକାଲ ୱାୟାର): ରାଜ୍ୟରୁ ଦକ୍ଷିଣ-ପଶ୍ଚିମ ମୌସୁମୀ ବାୟୁ ବିଦାୟ ନେବା ପରେ ଚଳିତ ବର୍ଷ ଆଗୁଆ ଶୀତର ସ୍ପର୍ଶ ଅନୁଭବ ହୋଇଛି । ଗତ ଦୁଇ ଦିନ ମଧ୍ୟରେ ବିଭିନ୍ନ ଜିଲ୍ଲାରେ ତାପମାତ୍ରା ହ୍ରାସ ପାଇଛି ।
ବିଶେଷ ପରି ଦକ୍ଷିଣ ଓ ପଶ୍ଚିମ ଓଡ଼ିଶାର କେତେକ ସ୍ଥାନରେ ତାପମାତ୍ରା ୧୫ ଡିଗ୍ରୀରୁ ତଳକୁ ହ୍ରାସ ପାଇଛି । ଗୁରୁବାର ରାଜ୍ୟରେ ସର୍ବନିମ୍ନ ତାପମାତ୍ରା ସୋନପୁରରେ ୧୩.୪ ଡିଗ୍ରୀ ସେଲସିୟସ ରହିଛି ।
ସେହିପରି ଅନୁଗୁଳରେ ୧୩.୬, ଫୁଲବାଣୀରେ ୧୪.୫, ଭବାନୀପାଟଣାରେ ୧୫, କୋରାପୁଟରେ ୧୫, ଦାରିଙ୍ଗିବାଡ଼ିରେ ୧୫, କେନ୍ଦୁଝରରେ ୧୬, ଝାରସୁଗୁଡ଼ାରେ ୧୬.୪, ବାରିପଦାରେ ୧୭.୫, ସମ୍ବଲପୁରରେ ୧୮.୫, ତାଳଚେରରେ ୧୮.୫, ହୀରାକୁଦରେ ୧୮.୭, ବଲାଙ୍ଗୀରରେ ୧୯, ସୁନ୍ଦରଗଡ଼ରେ ୧୯, ଚାନ୍ଦବାଲିରେ ୧୯.୫, କଟକରେ ୧୯, ବୌଦ୍ଧରେ ୧୯, ଭୁବନେଶ୍ୱରରେ ୧୯.୫, ବାଲେଶ୍ୱରରେ ୨୦.୪, ପୁରୀରେ ୨୦.୨, ଗୋପାଳପୁରରେ ୨୦.୮, ପାରାଦୀପରେ ୨୧.୫, ରାୟଗଡ଼ାରେ ୨୨, ନୟାଗଡ଼ରେ ୨୩, ଛତ୍ରପୁରରେ ୨୩, ମାଲକାନଗିରିରେ ୨୩.୫ ଏବଂ ପାରଳାଖେମୁଣ୍ଡିରେ ୨୭.୨ ଡିଗ୍ରୀ ସେଲସିୟସ ତାପମାତ୍ରା ରେକର୍ଡ କରାଯାଇଛି ।
ବିଶେଷ କରି କୋରାପୁଟ ଓ କନ୍ଧମାଳ ଜିଲ୍ଲାରେ ଶୀତର ରାଜୁତି ଆରମ୍ଭ ହେବାକୁ ଯାଉଛି ।
କୋରାପୁଟରେ ଗତବର୍ଷ ନଭେମ୍ବର ପ୍ରଥମ ସପ୍ତାହରେ ଶୀତ ଅନୁଭୂତ ହୋଇଥିବା ବେଳେ ଏଥର ଅକ୍ଟୋବର ଶେଷ ବେଳକୁ ଶୀତ ମାଳଭୂମିକୁ ଛୁଇଁସାରିଛି । ରାତି ଯେତିକି ବଢୁଛି, ଶୀତର ପ୍ରକୋପ ସେତିକି ବଢୁଛି ।
ସେହିପରି କନ୍ଧମାଳ ଜିଲ୍ଲାରେ ତିନିଦିନ ହେଲା ତାପମାତ୍ରା ହ୍ରାସ ପାଇବାରେ ଲାଗିଛି । ସକାଳ ୮ଟା ପର୍ଯ୍ୟନ୍ତ କୁହୁଡ଼ି ଆଚ୍ଛାଦିତ ହୋଇ ରହୁଛି ।
ଫୁଲବାଣୀ ସମେତ ଜିଲ୍ଲାର ଦାରିଙ୍ଗିବାଡ଼ି, ରାଇକିଆ, ଘୁ.ଉଦୟଗିରି, ବେଲଘର ଏବଂ ବାଲିଗୁଡ଼ା ଆଦି ଅଞ୍ଚଳରେ ହାଲୁକା ଶୀତର ପ୍ରଭାବ ଅନୁଭୂତ ହେଉଛି ।
ଲୋକାଲ ୱାୟାର
ଅନୁଗୁଳ, ଅକ୍ଟୋବର ୨୮(ଲୋକାଲ ୱାୟାର): ଅନୁଗୁଳ ଜିଲ୍ଲାର ପଥରଗଡ଼ ଗ୍ରାମରେ ହୋଇଥିବା ମଦମୃତ୍ୟୁ ଘଟଣାର ତଦନ୍ତ ପାଇଁ ଅବକାରୀ ମନ୍ତ୍ରୀ ନିର୍ଦ୍ଦେଶ ଦେଇଥିବା ଜିଲ୍ଲାପାଳ ସିଦ୍ଧାର୍ଥ ଶଙ୍କର ସ୍ୱାଇଁ ବୁଧବାର କହିଛନ୍ତି ।
ଇତି ମଧ୍ୟରେ ରାଜ୍ୟ ଅବକାରୀ ବିଭାଗ ଏବଂ ଜିଲ୍ଲା ପୁଲିସ ମିଳିତ ଭାବେ ଏହି ଘଟଣାର ତଦନ୍ତ କରି ରିପୋର୍ଟ ଦାଖଲ କରିଛନ୍ତି ।
ଉଲ୍ଲେଖଯୋଗ୍ୟ, ଏହି ଘଟଣାରେ ୪ ଜଣଙ୍କ ମୃତ୍ଯୁ ହୋଇଥିବା ବେଳେ ୩ ଜଣ ଗୁରୁତର ଅସୁସ୍ଥ ହୋଇ ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ପୁଲିସ ଜଣେ ଠିକାଦାରଙ୍କ ସମେତ ୨ ଜଣଙ୍କୁ ଗିରଫ କରିଛି ।
ଇତି ମଧ୍ୟରେ ଆଠମଲ୍ଲିକ ବିଧାୟକ ରମେଶ ଚନ୍ଦ୍ର ସାଏ ଏବଂ ଅନୁଗୁଳ ଉପଜିଲ୍ଲାପାଳ ବାସୁଦେବ ଶତପଥି ୪ ମୃତ ଶ୍ରମିକଙ୍କ ଘରକୁ ଯାଇ ରେଡକ୍ରସ ପାଣ୍ଠିରୁ ୧୦ ହଜାର ଟଙ୍କା ଲେଖାଏଁ ଏବଂ ହରିଶ୍ଚନ୍ଦ୍ର ଯୋଜନାରୁ ୨ ହଜାର ଟଙ୍କା ଲେଖାଏଁ ପ୍ରଦାନ କରିଛନ୍ତି ।
ଲୋକାଲ ୱାୟାର
ଅନୁଗୁଳ, ଅକ୍ଟୋବର ୨୭(ଲୋକାଲ ୱାୟାର): ଅନୁଗୁଳ ଜିଲ୍ଲାର ବନ୍ତଳା ଅଞ୍ଚଳରେ ବିଷାକ୍ତ ମଦ ପିଇ ୪ ଜଣ ମୃତୁ୍ୟ ଏବଂ ୪ ଜଣ ଗୁରୁତର ଅସୁସ୍ଥ ଥିବା ସ୍ଥାନୀୟ ଲୋକେ ଅଭିଯୋଗ କରିଥିବା ବେଳେ ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ଘଟଣା ସ୍ପଷ୍ଟ ହେବ ବୋଲି ସ୍ଥାନୀୟ ପ୍ରଶାସନିକ ଅଧିକାରୀ କହିଛନ୍ତି ।
ପୁରୁଣାକୋଟ ଥାନା ଅନ୍ତର୍ଗତ ପଥରଗଡ଼ ଗ୍ରାମରେ ରବିବାର ଏକ ଘରର ଛାତ ପଡ଼ିବା ସମୟରେ ଭୋଜିଭାତରେ ଶ୍ରମିକମାନେ ଦେଶୀ ମଦ ପିଇଥିଲେ ।
ସେହିଦିନ ରାତିରେ ଦୁଇ ଜଣ ଶ୍ରମିକ ଘରେ ଅଚାନକ ଅସୁସ୍ଥ ହୋଇ ପ୍ରାଣ ହରାଇଥିଲେ । ସୋମବାର ସକାଳେ ଆଉ ୩ ଜଣ ଶ୍ରମିକଙ୍କୁ ଗୁରୁତର ଅବସ୍ଥାରେ ଅନୁଗୁଳ ଡାକ୍ତରଖାନାରେ ଭର୍ତ୍ତି କରାଯାଇଥିଲା ।
ସେମାନଙ୍କ ମଧ୍ୟରୁ ଜଣଙ୍କର ମୃତ୍ଯୁ ହୋଇଥିଲା । ମଙ୍ଗଳବାର ଶ୍ରମିକମାନଙ୍କ ମଧ୍ୟରୁ ଆଉ ୩ ଜଣଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିବା ବେଳେ ସେମାନଙ୍କ ମଧ୍ୟରୁ ଜଣଙ୍କର ମୃତ୍ଯୁ ହୋଇଛି ।
ଉପଜିଲ୍ଲାପାଳ ବାସୁଦେବ ଶତପଥୀ, ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡା. ଅଭୟ କୁମାର ଦାଶ ଅନୁଗୁଳ ମେଡିକାଲରେ ଅସୁସ୍ଥଙ୍କ ସ୍ୱାସ୍ଥ୍ୟାବସ୍ଥା ପଚାରି ବୁଝିଛନ୍ତି ।
ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ମୃତ୍ଯୁର କାରଣ ସ୍ପଷ୍ଟ ହେବ ବୋଲି କହିଛନ୍ତି ।
ଲୋକାଲ ୱାୟାର
ଅନୁଗୁଳ, ଅକ୍ଟୋବର ୨୫ (ଲୋକାଲ ୱାୟାର) : ଅନୁଗୁଳ ଜିଲ୍ଲା ୫୫ ନମ୍ବର ଜାତୀୟ ରାଜପଥ ଜରପଡ଼ା ଥାନା ଅନ୍ତର୍ଗତ ଭାଗିରଥୀପୁର ନିକଟରେ ରବିବାର ଏକ କୋଇଲା ବୋଝେଇ ଟ୍ରକ୍ ପଛରେ ଆଉ ଏକ ଟ୍ରକ୍ ଧକ୍କା ହେବାରୁ ୨ ଜଣଙ୍କର ମୃତ୍ୟୁ ଘଟିଥିବା ସ୍ଥାନୀୟ ପୁଲିସ କହିଛି ।
ମୃତକମାନେ ଧକ୍କା ଦେଇଥିବା ଟ୍ରକର୍ ଡ୍ରାଇଭର ଓ ହେଲ୍ପର୍ । ସେମାନଙ୍କ ପରିଚୟ ମିଳି ପାରି ନାହିଁ ।
ଦୁର୍ଘଟଣା ପରେ ଟ୍ରକର ଡ୍ରାଇଭର ଓ ହେଲପର ଭିତରେ ଚାପି ହୋଇ ରହିଥିଲେ । ପୁଲିସ ଓ ଅଗ୍ନିଶମ ବାହିନୀ କର୍ମଚାରୀ ପହଞ୍ଚି ସେମାନଙ୍କ ମୃତ ଦେହ ଉଦ୍ଧାର କରିଥିଲେ ।
ସୂଚନା ଅନୁସାରେ, ଆଜି ସକାଳେ ଭାଗିରଥୀପୁର ନିକଟରେ ଥିବା ଏକ ଢାବା ସମ୍ମୁଖରେ କୋଇଲା ବୋଝେଇ ଟ୍ରକ୍ଟି ଛିଡା ହୋଇଥିଲା ।
ଏହି ସମୟରେ ଅନୁଗୁଳରୁ ଆଇରନ ପ୍ଲେଟ୍ ରୋଲ୍ ନେଇ ସମ୍ବଲପୁର ଅଭିମୁଖେ ଯାଉଥିବା ଅନ୍ୟ ଏକ ଟ୍ରକ୍ ଏହି କୋଇଲା ବୋଝେଇ ଟ୍ରକକୁ ପଛରୁ ଧକ୍କା ଦେଇଥିଲା ।
ଫଳରେ ଧକ୍କା ଦେଇଥିବ ଟ୍ରକର ଚାଳକ ଓ ହେଲ୍ପରଙ୍କ ମୃତ୍ୟୁ ଘଟିଥିଲା ।
ପୁଲିସ ମୃତଦେହଗୁଡ଼ିକୁ ବ୍ୟବଚ୍ଛେଦ ନିମନ୍ତେ ଅନୁଗୁଳ ଜିଲ୍ଲା ମୁଖ୍ୟ ଚିକିତ୍ସାଳକୁ ପଠାଇ ଦୁର୍ଘଟଣାର ତଦନ୍ତ ଚଳାଇଛି ।
ଲୋକାଲ ୱାୟାର
ଭୁବନେଶ୍ୱର, ଅକ୍ଟୋବର ୨୩ (ଲୋକାଲ ୱାୟାର): ନାଲକୋ ଓ ଇଡକୋର ମିଳିତ ଉଦ୍ୟମରେ ହେଉଥିବା ଆଲୁମିନିୟମ ପାର୍କ, ଅନୁଗୋଳର ଭିତିଭୂମି କାମ ମାର୍ଚ୍ଚ, ୨୦୨୧ ସୁଦ୍ଧା ସାରିବାକୁ ରାଜ୍ୟ ସରକାର ନିର୍ଦ୍ଦେଶ ଦେଇଛନ୍ତି । ଆଲୁମିନିୟମ କମ୍ପାନୀଗୁଡ଼ିକ ବିନିଯୋଗ ପ୍ରସ୍ତାବ ଦେଇଛନ୍ତି ।
ପ୍ରସ୍ତାବିତ ଆଲୁମିନିୟମ ପାର୍କର ଭିତ୍ତିଭୂମି ବିକାଶ କାମ ଚାଲିଛି । ଆଗାମୀ ବର୍ଷ ମାର୍ଚ୍ଚ ସୁଦ୍ଧା କାମ ସାରିବାକୁ ନିର୍ଦ୍ଦେଶ ଦିଆଯାଇଛି ।
୨୨୩ ଏକର ଜମିରେ ବିକଶିତ ହେଉଥିବା ଏହି ପାର୍କ ପାଇଁ ଜମି ଅଧିଗ୍ରହଣ ସରିଛି ।
କୋଠାବାଡ଼ି, ରାସ୍ତା, ଜଳଯୋଗାଣ ଓ ବିଦ୍ୟୁତ୍ ସଂଯୋଗ ଆଦିକୁ ପ୍ରାଥମିକତା ଦିଆଯାଉଛି ।
ନାଲକୋ ସ୍ମେଲଟର ପ୍ଲାଂଟରୁ ସିଧାସଳଖ ତରଳ ଆଲୁମିନିୟମ ମିଳିବାର ବ୍ୟବସ୍ଥା ଥିବାରୁ ଏଠାରେ କାରଖାନା ଖୋଲିବାକୁ ଆଲୁମିନିୟମ କମ୍ପାନୀଗୁଡ଼ିକ ଆଗ୍ରହୀ ଅଛନ୍ତି ବୋଲି ଅନୁଗୋଳକୁ ପ୍ରକଳ୍ପ ସ୍ଥିତି ସମୀକ୍ଷା ପାଇଁ ଯାଇଥିବା ଇଡକୋ ଅଧ୍ୟକ୍ଷ ତଥା ପରିଚାଳନା ନିଦେ୍ର୍ଦଶକ ସଞ୍ଜୟ ସିଂହ କହିଛନ୍ତି ।
ପ୍ରସ୍ତାବିତ ପାର୍କରେ ୯୯.୬୦ କୋଟି ଟଙ୍କା ବିନିଯୋଗ ହେଉଥିବା ବେଳେ ଏଥିପାଇଁ ୩୩.୪୪ କୋଟି ଟଙ୍କା କେନ୍ଦ୍ରୀୟ ଅନୁଦାନ ମିଳିଛି ।
ଅଗଷ୍ଟ, ୨୦୧୫ରେ କେନ୍ଦ୍ର ସରକାର ପ୍ରକଳ୍ପକୁ ଅନୁମୋଦନ ଦେଇଥିଲେ ।
ଆଲୁମିନିୟମ ଉତ୍ପାଦ ମୂଲ୍ୟାୟନ କେନ୍ଦ୍ର, ସମ୍ପୂର୍ଣ୍ଣ ଟୁଲ ରୁମ, ପରୀକ୍ଷଣ କେନ୍ଦ୍ର ଓ ପ୍ରୋଟୋଟାଇପ ବିକାଶ ଭଳି ସୁବିଧା ଏହି ପାର୍କରେ ଉପଲବ୍ଧ ହେବ । ସଙ୍ଗେ ସଙ୍ଗେ ଉତ୍ପାଦନକ୍ଷମ ହେବା ଭଳି ଉନ୍ନତ ଶୈଳୀରେ ପାର୍କର ଭିତ୍ତିଭୂମି ବିକଶିତ ହୋଇଛି ।
ଲୋକାଲ ୱାୟାର
ଭୁବନେଶ୍ୱର, ଅକ୍ଟୋବର ୩(ଲୋକାଲ ୱାୟାର): ରାଜ୍ୟରେ ୨୦୧୬ ମସିହାରୁ ପରିବେଶ ପର୍ଯ୍ୟଟନ ପ୍ରକଳ୍ପ ପ୍ରତିଷ୍ଠା ହେବା ପରେ ଏହାକୁ ଗୋଟିଏ ପରେ ଗୋଟିଏ ସଫଳତା ମିଳି ଚାଲିଛି ।
ଚାରିଆଡେ ଓଡ଼ିଶା ପରିବେଶ ପର୍ଯ୍ୟଟନ ପ୍ରକଳ୍ପକୁ ପ୍ରଶଂସା କରାଯାଉଥିବା ବେଳେ ନିକଟରେ ଓଡ଼ିଶା ବନ ବିଭାଗ ଅଧିକାରୀ ଅଂଶୁପ୍ରଜ୍ଞା ଦାସ ନାଟୱେଷ୍ଟ ‘ଆର୍ଥ ହିରୋ’ ପୁରସ୍କାର ପାଇଁ ଯୋଗ୍ୟ ବିବେଚିତ ହୋଇଛନ୍ତି ।
ସ୍ଥାନୀୟ ଲୋକଙ୍କ ସହାୟତା ନେଇ ଅଂଶୁପ୍ରଜ୍ଞା ଅନୁଗୁଳର ସାତକୋଶିଆ ସ୍ଥିତ ଅଞ୍ଚଳକୁ ପରିବେଶ ପର୍ଯ୍ୟଟନ ସ୍ଥଳ ଭାବେ ବିକାଶ କରିଥିବାରୁ ତାଙ୍କୁ ଏହି ପୁରସ୍କାର ପାଇଁ ଚୟନ କରାଯାଇଛି ।
ସାତକୋଶିଆ ମହାନଦୀ ବନ୍ୟାପ୍ରାଣୀ ବନଖଣ୍ଡରେ ଅଂଶୁପ୍ରଜ୍ଞା ୫ ବର୍ଷ କାମ କରିଥିବା ବେଳେ ବ୍ୟାଘ୍ର ସଂରକ୍ଷଣ, ଘଡ଼ିଆଳ ସଂରକ୍ଷଣ ଓ ପୁନରୁଦ୍ଧାର, ସ୍ଥାନୀୟ ଲୋକଙ୍କୁ ନେଇ ସ୍ଥାନୀୟ ଅଞ୍ଚଳର ବିକାଶ ଭଳି ଅନେକ ଗଠନ ମୂଳକ କାର୍ଯ୍ୟ କରିଥିଲେ ।
ସେଥିପାଇଁ ତାଙ୍କୁ ଗ୍ରୀନ୍ ୱାରିୟର ବା ସବୁଜ ଯୋଦ୍ଧା ବିଭାଗ ପାଇଁ ମନୋନୀତ କରାଯାଇଛି ।
୧୦ତମ ନାଟୱେଷ୍ଟ ଗ୍ରୁପ୍ ଆର୍ଥ ହିରୋଜ୍ ର ବିଚାରକମାନେ ଅଂଶୁପ୍ରଜ୍ଞାଙ୍କ ନାମକୁ ସୁପାରିଶ କରିବା ସହ ତାଙ୍କ ଗଠନମୂଳକ ପଦକ୍ଷେପ ପାଇଁ ତାଙ୍କୁ ସମ୍ମାନିତ କରିବାକୁ ବିଚାର କରିଥିଲେ ।
ଅକ୍ଟୋବର ୮ ତାରିଖରେ ନୂଆଦିଲ୍ଲୀରେ ଏନେଇ ଏକ ଭବ୍ୟ ସମାରୋହରେ ଅଂଶୁପ୍ରଜ୍ଞା ସମେତ ୮ ଜଣଙ୍କୁ ଏହି ପୁରସ୍କାର ପ୍ରଦାନ କରାଯିବ ।
ମିଳିତ ଜାତିସଂଘର ସହକାରୀ ସଚିବ ତଥା ଜୈବ ବିବିଧତା ସମ୍ମିଳନୀର କାର୍ଯ୍ୟନିର୍ବାହୀ ସଚିବ ଏଲିଜାବେଥ୍ ମାରୁମା ମ୍ରେମା, ନୀତି ଆୟୋଗ ସଦସ୍ୟ ରମେଶ ଚାନ୍ଦ, ବ୍ରିଟିଶ ଅର୍ଥନୀତିଜ୍ଞ ତଥା ଜଳବାୟୁ ପରିବର୍ତ୍ତନ କର୍ତ୍ତୃପକ୍ଷ ନିକୋଲାସ୍ ଷ୍ଟର୍ନ ପ୍ରମୁଖ ଏହି କାର୍ଯ୍ୟକ୍ରମରେ ଉପସ୍ଥିତ ରହିବେ ।
ତେବେ ବିଚାରକ ଭାବେ ଏଥିରେ ବନ୍ୟାପ୍ରାଣୀ ବିଭାଗର ବରିଷ୍ଠ ଅଧିକାରୀ, ଜୈବ ବିବିଧତା ପରିଚାଳନା, ବିଜ୍ଞାନ, ସରକାରୀ, ଗଣମାଧ୍ୟମ ଓ ସ୍କଟଲାଣ୍ଡ ସ୍ଥିତ ରୟାଲ୍ ବ୍ୟାଙ୍କର ବରିଷ୍ଠ ଅଧିକାରୀମାନେ ଯୋଗ ଦେଇଥିଲେ ।
ଏନେଇ ନାଟୱେଷ୍ଟ ଗ୍ରୁପ୍ ପକ୍ଷରୁ ଅଂଶୁପ୍ରଜ୍ଞାଙ୍କ ସଫଳତା ଓ ତାଙ୍କୁ ମନୋନୀତ କରାଯିବା ସମ୍ପର୍କିତ ଖବର ଏକ ଚିଠି ଦ୍ୱାରା ମୁଖ୍ୟ ଶାସନ ସଚିବ ଅସିତ ତ୍ରିପାଠୀଙ୍କୁ ଜଣାଯାଇଛି ।
ଖବର ପାଇ ମୁଖ୍ୟ ଶାସନ ସଚିବ ଓ ପିସିସିଏଫ୍ ସନ୍ଦୀପ ତ୍ରିପାଠୀ ଅଂଶୁପ୍ରଜ୍ଞାଙ୍କୁ ତାଙ୍କ ସଫଳତା ପାଇଁ ଶୁଭେଚ୍ଛା ଜଣାଇଛନ୍ତି ।
ମଳିଥିବା ସୂଚନା ଅନୁସାରେ ନାଟୱେଷ୍ଟ ଗ୍ରୁପ୍ ପକ୍ଷରୁ ଚଳିତ ବର୍ଷ ବିଭିନ୍ନ ବର୍ଗରେ ଉଲ୍ଲେଖନୀୟ କାର୍ଯ୍ୟ କରିଥିବା ବ୍ୟକ୍ତି ବିଶେଷଙ୍କୁ ୫ଟି ବିଭାଗରେ ପୁରସ୍କୃତ କରାଯାଇଛି ।
ଆର୍ଥ ହିରୋ (ବ୍ୟକ୍ତିଗତ), ଆର୍ଥ ଗାର୍ଡିଆନ୍ ଆୱାର୍ଡ(୨ ଲକ୍ଷ ଟଙ୍କା ଅର୍ଥରାଶି ସ୍ୱରୂପ ଅନୁଷ୍ଠାନକୁ), ସେଭ୍ ଦ ସ୍ପେସିଶ୍ ଆୱାର୍ଡ (୨ ଲକ୍ଷ ଟଙ୍କା ଅର୍ଥରାଶି ସ୍ୱରୂପ ୨ ଜଣ ବ୍ୟକ୍ତି ବିଶେଷ (ସରକାରୀ ଓ ବେସରକାରୀ)ଙ୍କୁ), ଇନ୍ସ୍ପାୟାର୍ଡ ଆୱାର୍ଡ (୨ ଲକ୍ଷ ଟଙ୍କା ଅର୍ଥରାଶି ସ୍ୱରୂପ ଅନୁଷ୍ଠାନ ବା ବ୍ୟକ୍ତି ବିଶେଷଙ୍କୁ), ଗ୍ରୀନ୍ ୱାରିୟର ଆଡ୍ୱାର୍ଡ (୨ ଲକ୍ଷ ଟଙ୍କା ଅର୍ଥରାଶି ସ୍ୱରୂପ ଅନୁଷ୍ଠାନ ବା ବ୍ୟକ୍ତି ବିଶେଷଙ୍କୁ) ପ୍ରଦାନ କରାଯିବ ।
ଲୋକାଲ ୱାୟାର
ଭୁବନେଶ୍ୱର, ସେପ୍ଟେମ୍ବର ୨୦(ଲୋକାଲ ୱାୟାର): ଆଉ ଦିନ କେଇଟା ପରେ ବିଧାନସଭାର ମୌସୁମୀ ଅଧିବେଶନ ଆରମ୍ଭ ହେଉଥିବା ବେଳେ ରାଜ୍ୟରେ ଜଣେ ପରେ ଜଣେ ବିଧାୟକ କରୋନା ପଜିିିଟିଭ୍ ହୋଇ ଆଇସୋଲେସନକୁ ଯାଉଛନ୍ତି ।
ପାଲଲହଡ଼ା ବିଧାୟକ ମୁକେଶ କୁୁମାର ପାଲ କରୋନାରେ ଆକ୍ରାନ୍ତ ହୋଇଥିବା ସେ ନିଜେ ରବିବାର କହିଛନ୍ତି ।
ତାଙ୍କର କୌଣସି ଲକ୍ଷଣ ନଥିଲେ ମଧ୍ୟ ରିପୋର୍ଟ ପଜିଟିଭ୍ ଆସିଥିବାରୁ ସେ ଡାକ୍ତରଙ୍କ ପରାମର୍ଶରେ ହୋମ୍ ଆଇସୋଲେସନରେ ଥିବା କହିଛନ୍ତି ।
ନିକଟରେ ତାଙ୍କ ସଂସ୍ପର୍ଶରେ ଆସିଥିବା ବ୍ୟକ୍ତିମାନେ କରୋନା ଟେଷ୍ଟ କରାଇ ନେବାକୁ ଶ୍ରୀ ପାଲ ପରାମର୍ଶ ଦେଇଛନ୍ତି ।
ଉଲ୍ଲେଖଯୋଗ୍ୟ, ଇତି ମଧ୍ୟରେ ୮ ଜଣ ମନ୍ତ୍ରୀ ଓ ୨୭ରୁ ଅଧିକ ବିଧାୟକ କରୋନାରେ ଆକ୍ରାନ୍ତ ହୋଇସାରିଛନ୍ତି ।
ସେମାନଙ୍କ ମଧ୍ୟରୁ କେତେକ ସୁସ୍ଥ ହୋଇ ସାରିଲେଣି । ଜଣେ କେନ୍ଦ୍ରମନ୍ତ୍ରୀ ଓ ୩ ଜଣ ସାଂସଦ ମଧ୍ୟ କରୋନା ପଜିଟିିଭ୍ ହୋଇଥିଲେ ।
ଲୋକାଲ ୱାୟାର