ବାରିପଦା

ଭୁବନେଶ୍ୱର, ଡିସେମ୍ବର ୧୨(ଲୋକାଲ ୱାୟାର): ବାଉଁଶକୁ ମିଳିବ ଆଭିଜାତ୍ୟର ଟ୍ୟାଗ୍ ।

ବାଡ଼ ବୁଲାଇବା,ଡାଲା-କୁଲା-ପାଚିଆ ପ୍ରସ୍ତୁତିରୁ ବାହାରି ଏହା ଶୋଭା ପାଇବ ଘରର ଡାଇନିଂ ରୁମ୍ରେ ।

ଉତ୍ତର ଭାରତ ରାଜ୍ୟଗୁଡ଼ିକ ଭଳି ଓଡ଼ିଶାର ବାଉଁଶ ବି ବ୍ୟବହାର ହେବ ଘରର ଆସବାବପତ୍ର ପ୍ରସ୍ତୁତିରେ ।

ଏଥିପାଇଁ ଉତ୍ତର ଓଡ଼ିଶାର ବାରିପଦା ଓ କୋରାପୁଟର ଜୟପୁରଠାରେ ବାଉଁଶ ପ୍ରୋସେସିଂ ୟୁନିଟ୍ ନିର୍ମାଣ କରାଯିବ ।

ଯେଉଁଠାରେ ବାଉଁଶର ଗୁଣାତ୍ମକମାନ ବୃଦ୍ଧି କରି ଏହାର ବଜାର ଦର ବଢ଼ାଇବା ପାଇଁ ସବୁ ପ୍ରକାର ଉଦ୍ୟମ ହେବ ।

ବୈଷୟିକ ଜ୍ଞାନ କୌଶଳର ବ୍ୟବହାର କରାଯାଇ ବିଭିନ୍ନ ପ୍ରକାର ଟ୍ରିଟମେଣ୍ଟ ଦ୍ୱାରା ବାଉଁଶକୁ କାଠ ଯୋଗ୍ୟ କରାଯିବ ।

ବାଉଁଶର ଗୁଣାତ୍ମକମାନ ବୃଦ୍ଧି କରିବା ସହ ଏହାକୁ କାଠର ବିକଳ୍ପ ଭାବେ ବ୍ୟବହାର କରିବାକୁ ଓଡ଼ିଶା ବାଉଁଶ ମିଶନ ଯୋଜନା କରିଛି ।

ମିଶନର ଜଣେ ବରିଷ୍ଠ ଅଧିକାରୀ କହିଛନ୍ତି ପ୍ରାଥମିକ ପର୍ଯ୍ୟାୟରେ ଆମେ ବାରିପଦା ଓ ଜୟପୁରକୁ ଏଥିପାଇଁ ଚିହ୍ନଟ କରିଛୁ ।

ଏଠାକାର ଜଳବାୟୁ ବାଉଁଶ ଚାଷ ପାଇଁ ଉପଯୁକ୍ତ ଥିବା ବେଳେ ପ୍ରୋସେସିଂ ୟୁନିଟ୍ ଚାଲିବା ପାଇଁ ଏହି ଦୁଇ ସ୍ଥାନରେ ଆମକୁ ଆବଶ୍ୟକ ପରିମାଣରେ ବାଉଁଶ ମିଳି ପାରିବ ।

ଅତ୍ୟାଧୁନିକ ଜ୍ଞାନ କୌଶଳରେ ଏହି ପ୍ରୋସେସିଂ ୟୁନିଟ୍ ସ୍ଥାପନ କରାଯିବ । ଯେଉଁଠାରେ ବାଉଁଶକୁ ସିଧା କରିବା ଠାରୁ ଆରମ୍ଭ କରି ୮୫ ଡିଗ୍ରୀ-୯୦ ଡିଗ୍ରୀ ସେଲସିୟସରେ ଏଚଟୁଓଟୁ ସଲୁ୍ୟସନ୍ କରାଯିବାର ବ୍ୟବସ୍ଥା କରାଯିବ ।

ଜର୍ମାନ୍ ଟେଫ୍ରେର୍ଟ ସଲୁ୍ୟସନ୍ ଦ୍ୱାରା ବାଉଁଶକୁ ୱାଟର ପ୍ରୁଫ୍ କରାଯିବା ସହ ସର୍ଫେସ୍ ଟ୍ରିଟମେଣ୍ଟ ଦ୍ୱାରା ଏହାକୁ ଆସବାବପତ୍ର ନିର୍ମାଣ ପାଇଁ ସବୁ ପ୍ରକାରେ ପ୍ରସ୍ତୁତ କରାଯାଇ ପାରିବ ।

ପ୍ରୋସେସିଂ ୟୁନିଟ୍କୁ ଛାଡ଼ି ଦେଲେ ଆମେ ଖୁବଶୀଘ୍ର ବାଉଁଶ ଟ୍ରିଟମେଣ୍ଟ ଓ ସିଜନିଂ ପ୍ଲାଣ୍ଟ ବସାଇବୁ ।

ବାଉଁଶରୁ ବାହାରୁଥିବା ବର୍ଜ୍ୟବସ୍ତୁକୁ ପରିଚାଳନା କରିବା ପାଇଁ ନୂତନ ଜ୍ଞାନ କୌଶଳ ପ୍ରୟୋଗ କରି ଏକ ବର୍ଜ୍ୟ ପରିଚାଳନା ମେସିନ ବସାଇବୁ ।

ବାଉଁଶ ହସ୍ତଶିଳ୍ପ କାରିଗରୀ, ଗହଣା ପ୍ରସ୍ତୁତି ପାଇଁ କୁଟୀର ଶିଳ୍ପ କେନ୍ଦ୍ର, ଆସବାବପତ୍ର ନିର୍ମାଣ କେନ୍ଦ୍ର, ବାଉଁଶ କରଡି ପ୍ୟାକେଜିଂ, ଧୂପକାଠି ୟୁନିଟର ସମ୍ପ୍ରସାରଣ ଭଳି ବିଷୟ ପ୍ରତି ଧ୍ୟାନ ଦେବୁ ।

ଓଡ଼ିଶାରେ ୩୭୪ ବର୍ଗ କିଲୋମିଟର ବାଉଁଶ ଜଙ୍ଗଲ ଥିବା ବେଳେ ୧୭,୭୯୪ ବର୍ଗ କିଲୋମିଟର ମିକ୍ସଡ ବାମ୍ବୋ ଜଙ୍ଗଲ ଥିବା ଜଣାଯାଇଛି ।

କେନ୍ଦ୍ର କୃଷି ଓ କୃଷକ ମନ୍ତ୍ରଣାଳୟର ରିପୋର୍ଟ ଅନୁସାରେ ୨୦୧୯ ମସିହାରେ ଭାରତ ବାଉଁଶରୁ ୨୮,୦୦୫ କୋଟି ଟଙ୍କା ଆୟ କରିଛନ୍ତି ।

ଦେଶରୁ ୨୦୧୫-୧୬ ମସିହାରେ ୦.୧୧ କୋଟି ଟଙ୍କା ଓ ୨୦୧୬-୨୦୧୭ ବର୍ଷରେ ୦.୩୨ କୋଟି ଟଙ୍କାର ବାଉଁଶ ଓ ବାଉଁଶ ପ୍ରସ୍ତୁତ ସାମଗ୍ରୀ ରପ୍ତାନୀ ହୋଇଥିବା ବେଳେ ଯଥାକ୍ରମେ ୧୪୮.୬୩ କୋଟି ଟଙ୍କା ଓ ୨୧୩.୬୫ କୋଟି ଟଙ୍କାର ବାଉଁଶ ଓ ବାଉଁଶ ସାମଗ୍ରୀ ଆମଦାନୀ ହୋଇଛି । ଏହାର ଅର୍ଥ ଭାରତରେ ବାଉଁଶ ଆମଦାନୀର ଚାହିଦା ଢେର ବେଶୀ ।

ଫରେଷ୍ଟ ସର୍ଭେ ଅଫ୍ ଇଣ୍ଡିଆର ତଥ୍ୟ ଅନୁସାରେ ଭାରତରେ ୧୪ ନିୟୁତ ହେକ୍ଟର ଜଙ୍ଗଲରେ ବାଉଁଶ ଚାଷ କରାଯାଉଥିବା ବେଳେ ତାହା ସମ୍ପୂର୍ଣ୍ଣ ଜଙ୍ଗଲର ୧୨ ପ୍ରତିଶତ ।

ଲୋକାଲ ୱାୟାର

ଭୁବନେଶ୍ୱର, ଡିସେମ୍ବର ୬ (ଲୋକାଲ ୱାୟାର) : ଓଡ଼ିଶାର ଅଧିକାଂଶ ସହରରେ ରାତିରେ ସର୍ବନିମ୍ନ ତାପମାତ୍ରା ଖସୁଥିବା ବେଳେ ଗତ ୨୪ ଘଣ୍ଟା ମଧ୍ୟରେ ୧୪ଟି ସହରର ସର୍ବନିମ୍ନ ତାପମାତ୍ରା ୧୪ ଡିଗ୍ରୀ ତଳକୁ ଖସିଛି ।

ସୋନପୁରରେ ସବୁଠାରୁ କମ୍ ୭.୬ ଡିଗ୍ରୀ ସେଲସିୟସ ତାପମାତ୍ରା ରେକର୍ଡ ହୋଇଛି ବୋଲି ଭୁବନେଶ୍ୱରସ୍ଥିତ ପାଣିପାଗ ବିଭାଗର ଆଞ୍ଚଳିକ କାର୍ଯ୍ୟାଳୟ ପକ୍ଷରୁ ରବିବାର ସୂଚନା ଦିଆଯାଇଛି ।

ସର୍ବନିମ୍ନ ୧୪ ଡିଗ୍ରୀ ସେଲସିୟସ ତଳେ ଥିବା ୧୪ ସହର ହେଲା, ଫୁଲବାଣୀ (୮.୩), ଦାରିଙ୍ଗିବାଡ଼ି (୯), ଅନୁଗୁଳ (୧୦), ଭବାନୀପାଟଣା (୧୦.୨), କୋରାପୁଟ (୧୧.୬), ତାଳଚେର (୧୧.୯), ସୁନ୍ଦରଗଡ (୧୨), କେନ୍ଦୁଝର (୧୨.୪), ବଲାଙ୍ଗୀର (୧୨.୮), ଝାରସୁଗୁଡ଼ା (୧୩), ବାରିପଦା (୧୩.୪), ହୀରାକୁଦ (୧୩.୬) ଓ ସମ୍ବଲପୁର (୧୪.୭) ।

ତେବେ ଭୁବନେଶ୍ୱରରେ ତାପମାତ୍ରା ୧୭.୬ ଡିଗ୍ରୀ ସେଲସିୟସ ରହିଥିବା ବେଳେ କଟକରେ ୧୫.୮ ଡିଗ୍ରୀ ଅଛି ।

ଅନ୍ୟପଟେ ଚାନ୍ଦବାଲିରେ ଆଜି ଅତିଘନ କୁହୁଡ଼ି ହୋଇଥିବା ବେଳେ ଦୃଶ୍ୟମାନ ଦୂରତା ୩୦ ମିଟର ରହିଥିଲା ।

ସେହିଭଳି ପାରାଦୀପରେ ଘନକୁହୁଡି ଦୃଶ୍ୟମାନ ଦୂରତା ୫୦ ମିଟର ଥିବାବେଳେ ଭୁବନେଶ୍ୱର, କଟକ ଏବଂ ଫୁଲବାଣୀରେ ଦୃଶ୍ୟମାନ ଦୂରତା ୮୦୦ ମିଟରରୁ କମ ଥିଲା ।

ଲୋକାଲ ୱାୟାର

ଭୁବନେଶ୍ୱର, ଡିସେମ୍ବର ୪ (ଲୋକାଲ ୱାୟାର) : ଓଡ଼ିଶାର ଅଧିକାଂଶ ସହରରେ ରାତିରେ ସର୍ବନିମ୍ନ ତାପମାତ୍ରା ଖସୁଥିବା ବେଳେ ଗତ ୨୪ ଘଣ୍ଟା ମଧ୍ୟରେ ୧୬ଟି ସହରର ସର୍ବନିମ୍ନ ତାପମାତ୍ରା ୧୫ ଡିଗ୍ରୀ ତଳକୁ ଖସିଛି ।

ସୋନପୁରରେ ସବୁଠାରୁ କମ୍ ୮.୪ ଡିଗ୍ରୀ ସେଲସିୟସ ତାପମାତ୍ରା ରେକର୍ଡ ହୋଇଛି ବୋଲି ଭୁବନେଶ୍ୱରସ୍ଥିତ ପାଣିପାଗ ବିଭାଗର ଆଞ୍ଚଳିକ କାର୍ଯ୍ୟାଳୟ ପକ୍ଷରୁ ଶୁକ୍ରବାର ସୂଚନା ଦିଆଯାଇଛି ।

ସର୍ବନିମ୍ନ ୧୫ ଡିଗ୍ରୀ ସେଲସିୟସ ତଳେ ଥିବା ୧୬ ସହର ହେଲା, ଦାରିଙ୍ଗିବାଡ଼ି (୯), ଫୁଲବାଣୀ (୧୦), ଅନୁଗୁଳ (୧୦), ଭବାନୀପାଟଣା (୧୦.୮), ଝାରସୁଗୁଡ଼ା (୧୧.୮), ତାଳଚେର (୧୨), କେନ୍ଦୁଝର (୧୨.୮), ସୁନ୍ଦରଗଡ (୧୩), ବଲାଙ୍ଗୀର (୧୩.୨), କୋରାପୁଟ (୧୩.୨), ବାରିପଦା (୧୪), ହୀରାକୁଦ (୧୪.୧), ସମ୍ବଲପୁର (୧୪.୨), ଟିଟିଲାଗଡ଼ (୧୪.୨) ଏବଂ ବୌଦ୍ଧ (୧୪.୫) ।

ତେବେ ଭୁବନେଶ୍ୱରରେ ତାପମାତ୍ରା ୧୬.୬ ଡିଗ୍ରୀ ସେଲସିୟସ ରହିଥିବା ବେଳେ କଟକରେ ୧୫ ଡିଗ୍ରୀ ଅଛି ।

ଅନ୍ୟପଟେ ବୌଦ୍ଧ, ସୁନ୍ଦରଗଡ଼ ଓ ସୋନପୁରରେ ଆଜି ଘନ କୁହୁଡ଼ି ଦେଖିବାକୁ ମିଳିଛି ।

ବୌଦ୍ଧରେ ଦୃଶ୍ୟମାନ ଦୂରତା ୫୦ ମିଟର ଥିବାବେଳେ ସୁନ୍ଦରଗଡ଼ ଓ ସୋନପୁରରେ ଦୃଶ୍ୟମାନ ଦୂରତା ୧୦୦ ମିଟରରୁ କମ ଥିଲା ।

କୋରାପୁଟ ଏବଂ ଫୁଲବାଣୀରେ ମଧ୍ୟମ ଧରଣର କୁହୁଡ଼ି ରହିଥିଲା ।

ଲୋକାଲ ୱାୟାର

ଭୁବନେଶ୍ୱର, ଡିସେମ୍ବର ୧ (ଲୋକାଲ ୱାୟାର) : ରାତିରେ ରାଜ୍ୟରେ ସର୍ବନିମ୍ନ ତାପମାତ୍ରା ଖସୁଥିବା ବେଳେ ସୋନପୁରରେ ସବୁଠାରୁ କମ୍ ୮.୮ ଡିଗ୍ରୀ ସେଲସିୟସ ତାପମାତ୍ରା ରେକର୍ଡ ହୋଇଛି ବୋଲି ଭୁବନେଶ୍ୱରସ୍ଥିତ ପାଣିପାଗ ବିଭାଗର ଆଞ୍ଚଳିକ କାର୍ଯ୍ୟାଳୟ ପକ୍ଷରୁ ମଙ୍ଗଳବାର ସୂଚନା ଦିଆଯାଇଛି ।

ରାଜ୍ୟର ୧୫ ସହରରେ ତାପମାତ୍ରା ସର୍ବନିମ୍ନ ୧୫ ଡିଗ୍ରୀ ସେଲସିୟସ ତଳକୁ ଖସିଛି ।

ସେଗୁଡ଼ିକ ହେଲା, ଦାରିଙ୍ଗିବାଡ଼ି (୯), ଫୁଲବାଣୀ (୯.୮), ଅନୁଗୁଳ (୧୦), ବାରିପଦା (୧୨), ଭବାନୀପାଟଣା (୧୨), କୋରାପୁଟ (୧୨.୪), କେନ୍ଦୁଝର (୧୨.୪), ଝାରସୁଗୁଡ଼ା (୧୩.୨), ସୁନ୍ଦରଗଡ଼ରୁ (୧୪), କଟକ (୧୪.୫) ଏବଂ ଚାନ୍ଦବାଲି (୧୪.୮) ।

ତେବେ ଭୁବନେଶ୍ୱରରେ ତାପମାତ୍ରା ୧୫.୪ ଡିଗ୍ରୀ ସେଲସିୟସ ରହିଛି ।

ଲୋକାଲ ୱାୟାର

ଭୁବନେଶ୍ୱର, ନଭେମ୍ବର ୩୦ (ଲୋକାଲ ୱାୟାର) : ରାଜ୍ୟରେ ସର୍ବନିମ୍ନ ତାପମାତ୍ରା ଖସୁଥିବା ବେଳେ ସୋନପୁରରେ ସବୁଠାରୁ କମ୍ ୯ ଡିଗ୍ରୀ ସେଲସିୟସ ତାପମାତ୍ରା ରେକର୍ଡ ହୋଇଛି ବୋଲି ଭୁବନେଶ୍ୱରସ୍ଥିତ ପାଣିପାଗ ବିଭାଗର ଆଞ୍ଚଳିକ କାର୍ଯ୍ୟାଳୟ ପକ୍ଷରୁ ସୋମବାର ସୂଚନା ଦିଆଯାଇଛି ।

ରାଜ୍ୟର ୧୧ ସହରରେ ତାପମାତ୍ରା ସର୍ବନିମ୍ନ ୧୫ ଡିଗ୍ରୀ ସେଲସିୟସ ତଳକୁ ଖସିଛି । ସେଗୁଡ଼ିକ ହେଲା, ଦାରିଙ୍ଗିବାଡ଼ି (୯.୫), ଅନୁଗୁଳ (୧୦.୬), ଫୁଲବାଣୀ (୧୧.୩), କେନ୍ଦୁଝର (୧୨.୦), ବାରିପଦା (୧୨.୪), ଭବାନୀପାଟଣା (୧୨.୮), କୋରାପୁଟ (୧୩.୦) ଝାରସୁଗୁଡ଼ା (୧୩.୨), ବଲାଙ୍ଗିର (୧୪) ଓ କଟକ (୧୪.୮) ।

ତେବେ ଭୁବନେଶ୍ୱରରେ ତାପମାତ୍ରା ୧୬.୦ ଡିଗ୍ରୀ ସେଲସିୟସ ରହିଛି ।

ଲୋକାଲ ୱାୟାର

ଭୁବନେଶ୍ୱର, ନଭେମ୍ବର ୨୯ (ଲୋକାଲ ୱାୟାର) : ରାଜ୍ୟରେ ଶୀତ ବଢ଼ୁଥିବା ବେଳେ ସୋନପୁରରେ ପାରଦ ୯.୪ ଡିଗ୍ରୀକୁ ଖସିଥିବା ଭୁବନେଶ୍ୱରସ୍ଥିତ ପାଣିପାଗ ବିଭାଗର ଆଞ୍ଚଳିକ କାର୍ଯ୍ୟାଳୟ ପକ୍ଷରୁ ରବିବାର ସୂଚନା ଦିଆଯାଇଛି ।

ରାଜ୍ୟର ୧୨ ସହରରେ ତାପମାତ୍ରା ସର୍ବନିମ୍ନ ୧୫ ଡିଗ୍ରୀ ସେଲସିୟସ ତଳକୁ ଖସିଛି ।

ସେଗୁଡ଼ିକ ହେଲା, ଫୁଲବାଣୀ (୧୦ ଡିଗ୍ରୀ), ଦାରିଙ୍ଗିବାଡ଼ି (୧୦), ଅନୁଗୁଳ (୧୨), ଝାରସୁଗୁଡ଼ା (୧୩.୨) ଭବାନୀପାଟଣା (୧୩.୫), କେନ୍ଦୁଝର (୧୩.୬), କୋରାପୁଟ (୧୪.୬), ସୁନ୍ଦରଗଡ଼ (୧୪.୫), ବାରିପଦା (୧୪.୯) ।

ତେବେ ଭୁବନେଶ୍ୱରରେ ତାପମାତ୍ରା ୧୬.୨ ଡିଗ୍ରୀ ସେଲସିୟସ ଥିବା ବେଳେ କଟକରେ ଅଛି ୧୫ ଡିଗ୍ରୀ ଏବଂ ବଲାଙ୍ଗୀରରେ ୧୫ ଡିଗ୍ରୀ ।

ଲୋକାଲ ୱାୟାର

ବାରିପଦା, ନଭେମ୍ବର ୨୨ (ଲୋକାଲ ୱାୟାର): ମୟୂରଭଞ୍ଜବାସୀଙ୍କ ଦୀର୍ଘଦିନର ଦାବି ପୂରଣ କରିଛି ଭାରତୀୟ ରେଳବାଇ ।

ନ୍ୟାରୋ ଗଜ ସମୟର ଇଞ୍ଜିନ, ବଗି ସଂରକ୍ଷଣ ପାଇଁ ବାରିପଦା ରେଳଷ୍ଟେସନରେ ହେରିଟେଜ ମ୍ୟୁଜିୟମ ସ୍ଥାପନ ହେବ ।

ଏଥିପାଇଁ ଦକ୍ଷିଣ ପୂର୍ବ ରେଳବାଇ ଟେଣ୍ଡର ଆହ୍ୱାନ କରିଛନ୍ତି । ପ୍ରାୟ ଏକ କୋଟି ଟଙ୍କା ବିନିମୟରେ ୮ ମାସ ମଧ୍ୟରେ ଏହି ମୁ୍ୟଜିୟମ ନିର୍ମାଣ ହେବ ।

ମୟୂରଭଞ୍ଜର ତକ୍ରାଳୀନ ମହାରାଜା ଶ୍ରୀରାମଚନ୍ଦ୍ର ଭଞ୍ଜଦେଓଙ୍କ ଦ୍ୱାରା ରୂପସା- ବାରିପଦା- ବାଙ୍ଗିରିପୋଷି ନ୍ୟାରୋ ଗଜ ରେଳପଥ ଆରମ୍ଭ ହୋଇଥିଲା ।

୧୯୦୪ରେ ରେଳପଥ କାମ ଆରମ୍ଭ ହୋଇଥିଲା । ବେଙ୍ଗଲର ତକ୍ରାଳୀନ ଲେଫ୍ଟନାଣ୍ଟ ଗଭର୍ଣ୍ଣର ସାର ଆଣ୍ଡ୍ରିଉ ଫ୍ରେଜରଙ୍କ ଦ୍ୱାରା ଜାନୁୟାରୀ ୨୦, ୧୯୦୫ରେ ଏହା ଉଦଘାଟନ ହୋଇଥିଲା ।

ମୟୂରଭଞ୍ଜ ରାଜ୍ୟ ଓ ମୟୂରଭଞ୍ଜ ରେଳବାଇ କମ୍ପାନୀ ମଧ୍ୟରେ ରାଜିନାମା ହୋଇ ବାଙ୍ଗିରିପୋଷିରୁ ତାଳବନ୍ଧ ରୁଟ୍ ସମ୍ପ୍ରସାରଣ କାମ ଆରମ୍ଭ ହୋଇଥିଲା । ଜୁଲାଇ ୧୫, ୨୦୨୦ରେ ଏହି ସେକ୍ସନ ଖୋଲିଥିଲା ।

ରେଳବାଇ ମନ୍ତ୍ରାଳୟ ୧୯୯୫ରେ ଗଜ ପରିବର୍ତନକୁ ଅନୁମୋଦନ ଦେଇଥିଲା । ରୂପସାରୁ ବାରିପଦା ବ୍ରଡ ଗଜରେ ପରିଣତ ହେବା ପରେ ପୁରୁଣା ନ୍ୟାରୋ ଗଜ ଇଞ୍ଜିନ ଦୁଇଟି ବାରିପଦା ଷ୍ଟେସନରେ ପଡ଼ି ରହିଥିଲା ।

ଜିଲ୍ଲାବାସୀ ଓ ମୟୂରଭଞ୍ଜ ରେଲୱେ ଟ୍ରାଭେଲର୍ସ ଫୋରମ ପକ୍ଷରୁ ନ୍ୟାରୋ ଗଜ ଇଞ୍ଜିନ ଓ ବଗି ସଂରକ୍ଷଣ ପାଇଁ ଦାବି ହୋଇ ଆସୁଥିଲା ।

ଦୀର୍ଘଦିନର ଦାବି ପୂରଣ ହୋଇଥିବାରୁ ମୟୂରଭଞ୍ଜ ରେଲୱେ ଟ୍ରାଭେଲର୍ସ ଫୋରମର ସଭାପତି ଅଭିଜିତ କୁମାର ରାମ ଦକ୍ଷିଣ-ପୂର୍ବ ରେଳପଥକୁ କୃତଜ୍ଞତା ଜଣାଇବା ସହ ମୁ୍ୟଜିୟମ ପାଖରେ ପାର୍କ ନିର୍ମାଣ ପାଇଁ ଦକ୍ଷିଣ-ପୂର୍ବ ରେଳପଥର ମେକାନିକାଲ ଇଞ୍ଜିନିୟରଙ୍କୁ ଅନୁରୋଧ କରିଛନ୍ତି ।

ଲେକାଲ ୱାୟାର

ବାରିପଦା, ନଭେମ୍ବର ୧୩ (ଲୋକାଲ ୱାୟାର) : ମୟୂରଭଞ୍ଜ ଜିଲ୍ଲା ନେସ୍କୋର କପ୍ତିପଦା ସେକସନର ଜୁନିଅର ମ୍ୟାନେଜର ଅଶ୍ୱିନୀ କୁମାର ଦାସ ଅଧିକାରୀ ଶୁକ୍ରବାର ଜଣେ ବ୍ୟକ୍ତିଙ୍କ ବିଲରେ ଦସ୍ତଖତ କରିବା ପାଇଁ ୧୩୦୦ ଟଙ୍କା ଲାଞ୍ଚ ନେଉଥିବା ବେଳେ ଧରାପଡିଥିବା ଭିଜିଲାନ୍ସ ପକ୍ଷରୁ କୁହାଯାଇଛି ।

ସୂଚନା ଅନୁସାରେ, ନେସ୍କୋର କପ୍ତିପଦା ସେକସନରେ ପ୍ରାଇଭେଟ୍ ଡ୍ରାଇଭର ଭାବେ ଜନକପୁର ଗ୍ରାମର ଶିଶିର କୁମାର ନାୟକ କାର୍ଯ୍ୟ କରନ୍ତି ।

ତାଙ୍କର ଏକ ବିଲରେ ଦସ୍ତଖତ କରିବା ଲାଗି ଶ୍ରୀ ଅଧିକାରୀ ତାଙ୍କୁ ୧୩୦୦ ଟଙ୍କା ଲାଞ୍ଚ ମାଗିଥିଲେ। ଏନେଇ ସେ ଭିଜିଲାନ୍ସକୁ ଜଣାଇଥିଲେ ।

ପରେ ଲାଞ୍ଚ ନେଉଥିବା ବେଳେ ପୂର୍ବ ଯୋଜନା ମୁତାବକ ଭିଜିଲାନ୍ସ ଟିମ୍ ଶ୍ରୀ ଅଧିକାରୀଙ୍କ ଅଫିସ୍ ଚାମ୍ବରରେ ତାଙ୍କୁ ଧରିଥିଲା ।

ଭିଜିଲାନ୍ସ ଏକ ମାମଲା ରୁଜୁ କରି ଘଟଣାର ତଦନ୍ତ ଚଳାଇଛି ।

ଲୋକାଲ ୱାୟାର

ବାରିପଦା, ନଭେମ୍ବର ୧୩ (ଲୋକାଲ ୱାୟାର): ଆସାମ ଦୀପର ଚାହିଦା ବଢ଼ିଥିବାରୁ ସ୍ଥାନୀୟ ମାଟି ଦୀପ ବିକ୍ରି ହୋଇ ପାରୁନାହିଁ । ଫଳରେ ମୟୂରଭଞ୍ଜ ଜିଲ୍ଲାର କୁମ୍ଭକାରମାନେ ଚିନ୍ତାରେ ଅଛନ୍ତି ।

ଦୀପ ଭଳି ବିଭିନ୍ନ ପ୍ରକାର ମାଟିର ସାମଗ୍ରୀ ପ୍ରସ୍ତୁତିକୁ ବଂଶାନୁକ୍ରମିକ ଭାବେ ଆପଣାଇଥିବା କୁମ୍ଭକାର ପରିବାରମାନେ କରୋନା ପରେ ଏବେ ଆସାମ ଦୀପ ଯୋଗୁଁ ସମସ୍ୟାରେ ଅଛନ୍ତି ।

ବଜାର ଚାହିଦା ନଥିବାରୁ ବହୁସଂଖ୍ୟାରେ ଦୀପ ସେମାନଙ୍କ ଘରେ ଗଦା ହୋଇ ରହିଛି । ବ୍ୟବସାୟୀମାନେ ଗତବର୍ଷ ଭଳି ସ୍ଥାନୀୟ ଦୀପ ପାଇଁ ଏ ବର୍ଷ ବରାଦ କରୁନାହାନ୍ତି ।

ବଂଶାନୁକ୍ରମିକ ପେସା ଆପଣାଇ ପରିବାର ଚଳାଉଥିବା କୁମ୍ଭକାର ସମ୍ପ୍ରଦାୟର ସଙ୍ଗୀତା ରାମ କହିଛନ୍ତି କରୋନା ଯୋଗୁଁ ବଜାର ବନ୍ଦ ରହିବାରୁ ସାମଗ୍ରୀ ବିକ୍ରି ହୋଇନଥିଲା ।

ଆମେ ବେଶ ଦୁର୍ଦ୍ଦଶା ଭୋଗିଥିଲୁ । ଦୀପାବଳିରେ ଦୀପ ବିକି ଆର୍ଥିକ ସମସ୍ୟା କିଛିଟା ସୁଧାରି ନେବୁ ବୋଲି ଭାବିଥିଲୁ ।

ହେଲେ ବଜାରରେ ନୂଆ ଡିଜାଇନର ଦୀପର ଚାହିଦା ବଢ଼ିଥିବାରୁ ଆମ ଦୀପ ବିକ୍ରି ହେଉନାହିଁ ବୋଲି ସଙ୍ଗୀତା କହିଛନ୍ତି ।

ମାଟି ତିଆରି ସାମଗ୍ରୀ ବିକ୍ରି କରୁଥିବା ବାରିପଦା ସହରର ଗୁରୁଚରଣ ରାମ ସ୍ଥାନୀୟ ମାଟି ଦୀପର ଚାହିଦା କମିଥିବାରୁ ଅସନ୍ତୋଷ ବ୍ୟକ୍ତ କରିଛନ୍ତି ।

ଗତ ବର୍ଷ ଏହି ବ୍ୟବସାୟରୁ ସେ ୬୦ ହଜାରରୁ ଅଧିକ ଟଙ୍କା ରୋଜଗାର କରିଥିବା ବେଳେ ଚଳିତବର୍ଷ ୫୦ ହଜାର ଟଙ୍କା ବିନିଯୋଗ କରିଥିବା ବେଳେ ଏ ପର୍ଯ୍ୟନ୍ତ ମାତ୍ର ୧୦ ହଜାର ଟଙ୍କା ରୋଜଗାର କରିଛନ୍ତି ।

ଗତବର୍ଷ ତାଙ୍କୁ ୧୫ରୁ ୨୦ ହଜାର ଟଙ୍କା ଲାଭ ମିଳିଥିଲା । ଏ ବର୍ଷ ସ୍ଥାନୀୟ ଦୀପର ଚାହିଦା ନଥିବାରୁ ୧୦ ହଜାର ଟଙ୍କା ରୋଜଗାର ହୋଇଛି ବୋଲି ସେ କହିଛନ୍ତି ।

ବ୍ୟବସାୟରୁ ଲାଭ ତ ଦୂରର କଥା ବିିନିଯୋଗ କରିଥିବା ଟଙ୍କା ଫେରିପାଇବା ନେଇ ସନ୍ଦେହ ରହିଛି । ବଜାରରେ ସ୍ଥାନୀୟ ଦୀପ ୨ ଟଙ୍କାରେ ବିକ୍ରି ହେଉଥିବା ବେଳେ ଆସାମ ଡିଜାଇନର ଦୀପ ଗୋଟା ୫ ଟଙ୍କାରେ ବିକ୍ରି ହେଉଛି ।

ବାଲେଶ୍ୱର ଗୋଲେଇରେ ୧୫ ବର୍ଷ ହେଲା ଦୀପ ଦୋକାନ କରୁଥିବା ମଂଟୁ ରାମ କହିଛନ୍ତି ଏବର୍ଷ ବ୍ୟବସାୟ ମାନ୍ଦା ରହିଛି ।

ଗତ ବର୍ଷ ୪୦ ହଜାର ଟଙ୍କା ରୋଜଗାର କରିଥିଲି, ହେଲେ ଏ ବର୍ଷ ମାତ୍ର ୫ ହଜାର ଟଙ୍କା ରୋଜଗାର କରିଛି ।

କାଳିପୂଜା ବେଳକୁ ଦୀପ ବିକ୍ରି ବଢ଼ିଥାଏ ।

ହେଲେ ଏଥର କରୋନା ସାଙ୍ଗକୁ ଆସାମ ଦୀପ ଆମ ବ୍ୟବସାୟକୁ ବେଶ ପ୍ରଭାବିତ କରିଛି ।

ଆସାମ ଦୀପର ଚାହିଦା ଥିବାରୁ ଏହି ଦୀପ ବିକ୍ରେତାମାନେ ଭଲ ରୋଜଗାର କରୁଛନ୍ତି ।

ହେଲେ ବଂଶାନୁକ୍ରମିକ ଭାବେ ଏହି ପେସା ଆପଣାଇଥିବା ସ୍ଥାନୀୟ କୁମ୍ଭକାର ଓ ସେମାନଙ୍କ ପରିବାରର ସ୍ଥିତି ବିପନ୍ନ ହୋଇପଡ଼ିଛି ବୋଲି ମଂଟୁ କହିଛନ୍ତି ।

ଲୋକାଲ ୱାୟାର

ଭୁବନେଶ୍ୱର, ନଭେମ୍ବର ୮ (ଲୋକାଲ ୱାୟାର) : ସାରା ରାଜ୍ୟରେ ଶୀତ ଅନୁଭୂତ ହେଉଥିବା ବେଳେ ୯.୬ ଡିଗ୍ରୀ ତାପମାତ୍ରା ସହ ସୋନପୁର ସବୁଠୁ ଥଣ୍ଡା ସହର ପାଲଟିଥିବା ବେଳେ ୧୧ଟି ସ୍ଥାନରେ ତାପମାତ୍ରା ୧୫ ଡିଗ୍ରୀ ସେଲସିୟସ୍ ତଳେ ରହିଛି ବୋଲି ଭୁବନେଶ୍ୱରସ୍ଥିତ ଆଞ୍ଚଳିକ ପାଣିପାଗ କେନ୍ଦ୍ର ରବିବାର କହିଛି ।

ଅନୁଗୁଳରେ ୧୧, ଦାରିଙ୍ଗବାଡ଼ି ଓ ଫୁଲବାଣୀରେ ୧୦.୫, ଝାରସୁଗୁଡ଼ାରେ ୧୩, କୋରାପୁଟରେ ୧୧.୬, ଭବାନୀପାଟଣାରେ ୧୨.୨ ଓ କେନ୍ଦୁଝରରେ ୧୩.୮ ଡିଗ୍ରୀ ସର୍ବନିମ୍ନ ତାପମାତ୍ରା ରେକର୍ଡ କରାଯାଇଛି।

ସେହିପରି, ବାରିପଦାରେ ୧୪.୨, ବଲାଙ୍ଗିରରେ ୧୪.୬ ଓ ସମ୍ବଲପୁରରେ ୧୪.୭ ଡିଗ୍ରୀ ସେଲସିୟସ ତାପମାତ୍ରା ରହିଛି ।

ଭୁବନେଶ୍ୱରରେ ସର୍ବନିମ୍ନ ତାପମାତ୍ରା ୧୮ ଡିଗ୍ରୀ ସେଲସିୟସ ରହିଥିବା ବେଳେ କଟକରେ ୧୬.୮ ଡିଗ୍ରୀ ସେଲସିୟସ୍ ରହିଛି ।

ଲୋକାଲ ୱାୟାର