ଭୁବନେଶ୍ବର

ଭୁବନେଶ୍ୱର, ଡିସେମ୍ବର ୨୮ (ଲୋକାଲ ୱାୟାର) : କୋଭିଡ୍ ପରବର୍ତ୍ତୀ ପରିସ୍ଥିତିରୁ ବାହାରକୁ ଆସି ବ୍ୟବସାୟକୁ ସ୍ଵାଭାବିକ କରିବାକୁ ହେଲେ ଲଘୁ, କ୍ଷୁଦ୍ର ଓ ମଧ୍ୟମ ଶିଳ୍ପ ମାନଙ୍କୁ ଅଧିକ ସରକାରୀ ପ୍ରୋତ୍ସାହନର ଆବଶ୍ୟକତା ରହିଛି ବୋଲି ଆୟୋଜିତ ‘ଭୋକାଲ ଫର ଲୋକାଲ’ ଶୀର୍ଷକ ୱେବିନାରରେ ବିଶିଷ୍ଟ ବ୍ୟକ୍ତି ମାନେ ଭାଗନେଇ କହିଛନ୍ତି।

କୋଭିଡ୍ ୧୯ ପରବର୍ତ୍ତୀ ଅବସ୍ଥାରେ ଲଘୁ, କ୍ଷୁଦ୍ର ଓ ମଧ୍ୟମ ଶିଳ୍ପର ସମସ୍ଯା ଓ ପ୍ରତିକାର ଉପରେ ହୋଇଥିବା ଏହି କାର୍ଯ୍ୟକ୍ରମରେ ବିଶିଷ୍ଟ ଚାଟାର୍ଡ ଆକାଉଣ୍ଟଟେଣ୍ଟ ଏ. କେ. ସାବତ, ବିଶିଷ୍ଟ ଶିକ୍ଷାବିତ ସୁଜିତ କୁମାର ପୃଷେଠ୍‌, ଓଡିଶା ଲଘୁ ଉଦ୍ଯୋଗ ସଂଘ ସଭାପତି ସ୍ମରଜିତ ମହାନ୍ତି, କ୍ଷୁଦ୍ର ଓ ମଧ୍ୟମ ଶିଳ୍ପସଂଘ ଉପସଭାପତି ନିମାଇଁ ଚରଣ ଦାସ ପ୍ରମୁଖ ଯୋଗ ଦେଇଥିଲେ।

ଓଡିଶା ଲୋକାଲ ଆପ ଜରିଆରେ ସ୍ଥାନୀୟ ଅଞ୍ଚଳର ଖବର ପରିବେଷଣ କରିବା ଓ ସ୍ଥାନୀୟ ଉତ୍ପାଦର ପ୍ରଚାର ପ୍ରସାର କରିବା ଏହି ଆପ୍ ର ଉଦ୍ଦେଶ୍ୟ ବୋଲି ବରିଷ୍ଠ ସାମ୍ବାଦିକ ଓ ଏହାର ପ୍ରତିଷ୍ଠାତା ଯତୀନ୍ଦ୍ର ଦାଶ କହିଥିଲେ।

ବରିଷ୍ଠ ସାମ୍ବାଦିକ ସଞ୍ଜୟ ଦାସ ସ୍ୱାଗତ ଭାଷଣ ଦେଇ ଅତିଥିମାନଙ୍କ ପରିଚୟ ପ୍ରଦାନ କରିଥିଲେ।

ଶିଳ୍ପଦ୍ୟୋଗୀଙ୍କ ପାଇଁ ଲିଜ୍ ହୋଲଡକୁ ଫ୍ରି ହୋଲଡରେ ପରିବର୍ତ୍ତନ, ସାମାଜିକ ସୁରକ୍ଷା, ବ୍ୟାଙ୍କ ଲୋନ ଇତ୍ୟାଦି ବିଷୟ ଉପରେ ମଧ୍ୟ ଆଲୋଚନା ହୋଇଥିଲା ।

ପରିଶେଷରେ ସ୍ନେହା ସନ୍ତୁକା ଧନ୍ୟବାଦ ଅର୍ପଣ କରିଥିଲେ ।

ଲୋକାଲ ୱାୟାର

ଭୁବନେଶ୍ୱର, ଡିସେମ୍ବର ୨୦(ଲୋକାଲ ୱାୟାର): ଶନିବାର ଓଡ଼ିଆ ହିରୋ ଦୀପକ କୁମାରଙ୍କ ଜନ୍ମଦିନ ଥିଲା ।

ସେ ଜନ୍ମଦିନକୁ ନିଜ ନୂଆ ଫିଲ୍ମ ‘ଏଇ ବୋଧେ ଭଲ ପାଇବା’ର ଟିମ୍ ସହ ପାଳନ କରିଛନ୍ତି । ସୁଟିଂ ସେଟରେ କେକ୍ କାଟି ଉତ୍ସବ ମନାଇଛନ୍ତି ।

ଦୀପକଙ୍କ ଏହି ଜନ୍ମଦିନକୁ ମନଭରି ଉପଭୋଗ କରିଥିଲା ପୂରା ଟିମ୍ । ଏଥିରେ ଫିଲ୍ମର ପ୍ରଯୋଜକ ଆଲେକଜାଣ୍ଡର ଦାସ, ସିଦ୍ଧାର୍ଥ ପାତ୍ର, ନିଦେ୍ର୍ଦଶକ ସୁଧାକର ବସନ୍ତ, ଅଭିନେତ୍ରୀ ଅନୁଭା ଓ ଅନ୍ୟ ସଦସ୍ୟମାନେ ଉପସ୍ଥିତ ଥିଲେ ।

ଦୀପକ କେକ୍ କାଟି ସମସ୍ତଙ୍କୁ ଖୁଆଇଥିଲେ ଆଉ ଅନ୍ୟ ସଦସ୍ୟମାନେ କେକର କ୍ରିିମକୁ ଦୀପକଙ୍କ ମୁହଁରେ ବୋଳିଦେଇଥିଲେ ।

ଏହି ଖୁସିକୁ ଦ୍ୱିଗୁଣ କରିବା ପାଇଁ ଦୀପକ ନିଜ ହୋମ୍ ପ୍ରଡକ୍ସନ୍ ବ୍ୟାନରରେ ପ୍ରଥମ କରି ନିର୍ମାଣ କରିଥିବା ଫିଲ୍ମ ‘ପଲ୍ ପଲ୍ ତତେ ଚାହେଁ’ର ଟ୍ରେଲର୍ ରିଲିଜ୍ କରିଛନ୍ତି ।

ହଲ୍ ଖୋଲିଲେ ସିନେମାଟି ରିଲିଜ୍ ହେବ ବୋଲି ଦୀପକ କହିଛନ୍ତି । ଏହି ସିନେମାର ପ୍ରଯୋଜନା ଭାର ସମ୍ଭାଳିବା ସାଙ୍ଗକୁ ନାୟକ ଭୂମିକାରେ ଦୀପକ ଅଭିନୟ କରିଛନ୍ତି ।

ଲୋକାଲ ୱାୟାର

ଭୁବନେଶ୍ୱର, ଡିସେମ୍ବର ୨୦(ଲୋକାଲ ୱାୟାର): ହାସ୍ୟ ଅଭିନେତା ବିଶ୍ୱ କଲ୍ୟାଣ ରଥ ଓ ଓଡ଼ିଶାର ଝିଅ ତଥା ବଲିଉଡ ନାୟିକା ସୁଲଗ୍ନା ପାଣିଗ୍ରାହୀ ବିବାହ ବନ୍ଧନରେ ବାନ୍ଧି ହୋଇଛନ୍ତି ।

ଉଭୟେ ଓଡ଼ିଶାରେ ଜନ୍ମ ହୋଇଥିଲେ ହେଁ ବଲିଉଡରେ କାମ କରୁଛନ୍ତି । ନିଜ କଳାକୁ ନେଇ ପ୍ରତିଷ୍ଠା ଅର୍ଜନ କରିଛନ୍ତି ।

ଗତ ୯ତାରିଖରେ ଦୁହିଁଙ୍କ ବିବାହ ହୋଇଥିଲାବେଳେ ଆଜି ସେମାନଙ୍କ ବାହାଘରର ବିଭିନ୍ନ ପୋଜର ଫଟୋ ସୋସିଆଲ୍ ମିଡିଆରେ ଭାଇରାଲ୍ ହୋଇଛି । ଏହାପରେ ଘଟଣା ପଦାକୁ ଆସିଛି ।

ଲୋକାଲ ୱାୟାର

ଭୁବନେଶ୍ୱର, ଡିସେମ୍ବର ୨୦(ଲୋକାଲ ୱାୟାର): କୋଭିଡ୍-୧୯ କଟକଣା ଲାଗି ଓଡ଼ିଶା ପର୍ଯ୍ୟଟନ ବିଭାଗ ପକ୍ଷରୁ ବିଭିନ୍ନ ପର୍ଯ୍ୟାୟରେ ଭର୍ଚୁଆଲ୍ ମାଧ୍ୟମରେ ରୋଡ୍ ଶୋ’ କରାଯାଉଛି ।

ଶନିବାର ଏକ ରୋଡ୍ ସୋ’ ହୋଇଯାଇଛି । ଏହି କାର୍ଯ୍ୟକ୍ରମ ଜାମସେଦପୁର, ରାଞ୍ଚି, ବୋକାରୋ(ଝାଡ଼ଖଣ୍ଡ) ମଧ୍ୟରେ ଅନୁଷ୍ଠିତ ହୋଇଥିଲା ।

ଫିକି ଦ୍ୱାରା ଆୟୋଜିତ ଏହି ଭର୍ଚୁଆଲ୍ ରୋଡ୍ ଶୋ’ରେ ଯୋଗ ଦେଇ ଝାଡ଼ଖଣ୍ଡ ଏବଂ ଓଡ଼ିଶାର ହୋଟେଲ, ଟ୍ରାଭେଲ୍ସ ଓ ଟୁର୍ ଅପରେଟର୍ସଙ୍କ ସହ ଓଡ଼ିଶାକୁ ରୋଡ୍ ମାଧ୍ୟମରେ କେମିତି ଅଧିକରୁ ଅଧିକ ପର୍ଯ୍ୟଟକ ଆସିବେ ସେ ବିଷୟରେ ବିଭାଗୀୟ ମନ୍ତ୍ରୀ ଜ୍ୟୋତି ପ୍ରକାଶ ପାଣିଗ୍ରାହୀ ଆଲୋଚନା କରିଥିଲେ ।

ଏଥିରେ ବିଭାଗୀୟ ପ୍ରମୁଖ ଶାସନ ସଚିବ ବିଶାଲ କୁମାର ଦେବ ଯୋଗଦେଇ ‘ଓଡ଼ିଶା ବାଏ ରୋଡ୍’ ଅଭିଯାନକୁ ଗୁରୁତ୍ୱ ଦେଇଥିଲେ ।

ଲୋକାଲ ୱାୟାର

ଭୁବନେଶ୍ୱର, ଡିସେମ୍ବର ୧୯(ଲୋକାଲ ୱାୟାର): ଲକଡାଉନରେ ରିଲରୁ ରିଅଲ୍ ହିରୋ ପାଲଟିଯାଇଥିବା ସବ୍ୟସାଚୀ ମିଶ୍ର ଓଡ଼ିଶା ଭିତରେ ଯେତିକି ଓଡ଼ିଶା ବାହାରେ ଆହୁରି ବେଶି ପରିଚିତ ହୋଇଯାଇଛନ୍ତି ।

ପୂର୍ବରୁ ଏମିତି ଜଣେ ନାୟକ ଭାବେ ତେଲୁଗୁ, ତାମିଲ, ମାଲାୟାଲମ୍ ଓ ବଙ୍ଗଳାରେ ତାଙ୍କୁ ସମସ୍ତେ ଜାଣିଥିଲେ କିନ୍ତୁ ତାଙ୍କ ଉଦାର ହୃଦୟ ଏ କ୍ଷେତ୍ରକୁ ଆଉ ଟିକେ ପ୍ରଶସ୍ତ ଏବଂ ବିଶାଳ କରିଦେଲା ।

ଯେଉଁଥିପାଇଁ ତାଙ୍କ ସହାୟତାର ହାତ ଦେଶର ପୂର୍ବରୁ ଦକ୍ଷିଣ ଏବଂ ପଶ୍ଚିମରୁ ଉତ୍ତର ପର୍ଯ୍ୟନ୍ତ ଲମ୍ବିପାରିଲା ।

ଆଜି ପିଲାଠୁ ବୁଢ଼ା ସମସ୍ତଙ୍କ ହୃଦୟରେ ସେ ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରିଛନ୍ତି, ଯାହା ସବୁଦିନ ପାଇଁ ରହିଗଲା ।

ସେହି ଷ୍ଟାର୍ ଏବେ ଯେତେବେଳେ କିଛି ନା’ କିଛି କହୁଛନ୍ତି ତାହା ଭାଇରାଲ୍ ହେଉନାହିଁ ବରଂ ଅନେକଙ୍କ ଜୀବନ ଧାରାକୁ ବଦଳାଇଦେଉଛି ।

ସୋସିଆଲ୍ ମିଡିଆରେ ସେମିତି କିଛି ପୋଷ୍ଟ କରି ଆହ୍ୱାନ ଦେଇଛନ୍ତି ଅଭିନେତା ସବ୍ୟସାଚୀ ।

ସେ ଲେଖିଛନ୍ତି, ‘ଆଖି ଆଗରେ ଯେତେବେଳେ କିଛି ସମସ୍ୟା ଦେଖାଯାଏ, ସେହି ଅନୁସାରେ, ସେହି ଜାଗାରେ, ନିଜ ସାମର୍ଥ୍ୟ ଅନୁସାରେ କାମ କରିବା ଦରକାର’ ।

ଲୋକାଲ ୱାୟାର

ଭୁବନେଶ୍ୱର,ଡିସେମ୍ବର ୧୮(ଲୋକାଲ ୱାୟାର): ରାଜଧାନୀ ଭୁବନେଶ୍ୱରରେ ଶୁକ୍ରବାର ପୁଣି ୨୯ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଆଉ ୨୪ ଜଣ ସୁସ୍ଥ ହୋଇଥିବା ବିଏମସି କହିଛି ।

ଚିହ୍ନଟ ହୋଇଥିବା ନୂଆ ଆକ୍ରାନ୍ତମାନଙ୍କ ମଧ୍ୟରୁ ୧୪ ଜଣ କ୍ୱାରେଣ୍ଟାଇନରେ ଅଛନ୍ତି ଏବଂ ୧୫ ଜଣ ସ୍ଥାନୀୟ ସଂକ୍ରମିତ ।

ଏ ପର୍ଯ୍ୟନ୍ତ ରାଜଧାନୀରେ ମୋଟ ୩୧ ହଜାର ୩୦୨ ଜଣ କରୋନାରେ ଆକ୍ରାନ୍ତ ହୋଇଥିବା ବେଳେ ୩୦ ହଜାର ୬୯୦ ଜଣ ସୁସ୍ଥ ହୋଇଛନ୍ତି ।

୨୩୧ ଜଣଙ୍କ ମୃତ୍ୟୁ ହୋଇଛି ଏବଂ ୩୬୦ ଜଣ ସକ୍ରିୟ କରୋନା ଆକ୍ରାନ୍ତ ରହିଛନ୍ତି ।

ଲୋକାଲ ୱାୟାର

ଭୁବନେଶ୍ୱର, ଡିସେମ୍ବର ୧(ଲୋକାଲ ୱାୟାର) ‘ଥିଲେ ଦିଅ, ନଥିଲେ ନିଅ’ । ଉଡ୍ର ଓଡ଼ିଶା ପକ୍ଷରୁ ଆରମ୍ଭ ହୋଇଛି ଏହି ନିଆରା କାର୍ଯ୍ୟକ୍ରମ ।

ଏହାର ଉଦେ୍ଦଶ୍ୟ ହେଲା ଯୋଉମାନଙ୍କ ପାଖରେ ପୋଷାକର ଅଭାବ ଅଛି ବା ଶୀତବସ୍ତ୍ର ନାହିଁ, ସେମାନଙ୍କ ପାଖକୁ ପୋଷାକ ଏବଂ ଶୀତବସ୍ତ୍ର ପହଞ୍ଚାଇବା ।

ସହୃଦୟ ବ୍ୟକ୍ତିଙ୍କ ଦ୍ୱାରା ଦାନ କରାଯାଉଥିବା କପଡ଼ାକୁ ଶୀତ ଦିନରେ ଅସହାୟଙ୍କୁ ଦାନ କରିବା ପାଇଁ ବିଶିଷ୍ଟ ସମାଜସେବୀ ମାୟାଧର ନାୟକଙ୍କ ଦ୍ୱାରା ଏହି ଅଭିଯାନର ପରିକଳ୍ପନା କରାଯାଇ ଆରମ୍ଭ ହୋଇଥିଲା ।

ପରେ ତାଙ୍କ ସୁପୁତ୍ର ତଥା ପୂର୍ବତନ ବିଧାୟକ, ବର୍ତ୍ତମାନ ‘ମୋ କଲେଜ’ର ଅଧ୍ୟକ୍ଷ ଅଭିନେତା ଆକାଶ ଦାସ ନାୟକ ଏହି କାର୍ଯ୍ୟକ୍ରମକୁ ଜାରି ରଖିଛନ୍ତି ।

ଉଡ୍ର ଓଡ଼ିଶା ଅନୁଷ୍ଠାନ ଦ୍ୱାରା ଗତ କିଛି ବର୍ଷ ଧରି ଏ ଅଭିଯାନ ଚାଲୁରହିଛି । ଆଜିଠାରୁ ଏହାର ଶୁଭାରମ୍ଭ ହୋଇଛି ।

ଏହି ଅବସରରେ ପୋଷାକ ଦାନ ପାଇଁ ୧୨ଟି ସହର ଯଥା; ଭୁବନେଶ୍ୱର, ପାରାଦୀପ, କଟକ, ବ୍ରହ୍ମପୁର, ପୁରୀ, ବାଲେଶ୍ୱର, ଭଦ୍ରକ, ଯାଜପୁର, ମୁମ୍ବାଇ, କୋଲକାତା, ପୁଣେ ଓ ହାଇଦ୍ରାବାଦର ପ୍ୟାରିସ୍ ବେକେରୀ ଆଉଟଲେଟ୍ ଆଗରେ ଦାନବାକ୍ସ ସ୍ଥାପନ କରାଯିବ ।

ସଂଗୃହୀତ ପୋଷାକକୁ ୱାସେକ୍ସ ହସ୍ପିଟାଲ୍ ସଲୁ୍ୟସନ୍ ଦ୍ୱାରା ଡ୍ରାଏ ୱାସ୍ କରାଯିବ । ବିଗତଦିନରେ ଏ କାର୍ଯ୍ୟକ୍ରମକୁ ଅହେତୁକ ସଫଳତା ମିଳିଛି ।

ଗତ ବର୍ଷ ୧୫ହଜାରରୁ ଅଧିକ ପୋଷାକ ଦାନ ଏବଂ ବିତରଣ କରାଯାଇଥିଲା । ତେଣୁ ଚଳିତ ବର୍ଷ ମଧ୍ୟ ଭଲ ହେବ ବୋଲି ଆଶା ରହିଛି ।

ଆଜି ବାପୁଜୀ ନଗର ପ୍ୟାରୀସ୍ ବେକେରୀ ଠାରେ ପୋଷାକ ଦାନବାକ୍ସ ସ୍ଥାପନ ସମୟରେ ଆକାଶ, ଶୁଭ୍ରଜ୍ୟୋତି ଦାସ ନାୟକ, ଦିଲ୍ଲୀପ ତିର୍କୀ, ହରିପ୍ରସାଦ ପଟ୍ଟନାୟକ, ଡ. ସୂର୍ଯ୍ୟପ୍ରକାଶ, ଆଦିତ୍ୟ ଦାଶ, ପ୍ରସନ୍ନ ପାତ୍ର, ବିଟି ଭରଦ୍ୱାଜ, ଶୀତଳ ପାତ୍ର ଏବଂ କୁମାରୀ ଦେବସ୍ମିତା ପଣ୍ଡା ପ୍ରମୁଖ ଉପସ୍ଥିତ ଥିଲେ ।

ଲୋକାଲ ୱାୟାର

—

ଭୁବନେଶ୍ୱର, ଡିସେମ୍ବର ୧ (ଲୋକାଲ ୱାୟାର): କିଟ୍ କ୍ୟାମ୍ପସରେ ନୂଆ ଓଡ଼ିଆ ଚଳଚ୍ଚିତ୍ର ‘ଏଇ ବୋଧେ ଭଲପାଇବା’ର ଶୁଭ ମହୁରତ ଅନୁଷ୍ଠିତ ହୋଇଯାଇଛି ।

ସଂସ୍କୃତି ବିଭାଗ ନିଦେ୍ର୍ଦଶକ ରଞ୍ଜନ କୁମାର ଦାସଙ୍କ ନିଜସ୍ୱ କାହାଣୀକୁ ନେଇ କଳିଙ୍ଗ ସୂର୍ଯ୍ୟ ସିନେ ପ୍ରଡକ୍ସନ ପ୍ରସ୍ତୁତ କରୁଥିବା ଏଇ ଚଳଚ୍ଚିତ୍ରର ଶୀର୍ଷକ ରହିଛି ‘ଏଇ ବୋଧେ ଭଲପାଇବା’ ।

ପ୍ରଯୋଜକ ଆଲେକଜାଣ୍ଡାର ଦାସ ଓ ସିଦ୍ଧାର୍ଥ ପାତ୍ର, ନିଦେ୍ର୍ଦଶକ ସୁଧାକର ବସନ୍ତ, ସଙ୍ଗୀତ ନିଦେ୍ର୍ଦଶକ ଅଭିଜିତ୍ ମଜୁମଦାର୍, କଳାକାର ଓ ଟେକନିସିଆନମାନଙ୍କ ଉପସ୍ଥିତିରେ ସୁଟିଂ ପୂର୍ବରୁ କ୍ଲାପ୍ ଦେଇ ଶୁଭ ମହୁରତ କରିଥିଲେ କାଦମ୍ବିନୀର ସମ୍ପାଦିକା ଡ. ଇତିରାଣୀ ସାମନ୍ତ ଏବଂ ଓଡ଼ିଆ ଚଳଚ୍ଚିତ୍ର ଉନ୍ନୟନ ନିଗମର ଅଧ୍ୟକ୍ଷ କୁନା ତ୍ରିପାଠୀ ।

ମହୁରତରେ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ ସିନେ କ୍ରିଟିକ୍ ଆସୋସିଏସନର ସମ୍ପାଦକ ଦିଲ୍ଲୀପ ହାଲି, ସଂଳାପକାର ଡ. ରଜନୀ ରଞ୍ଜନ, ଓଲିଉଡ କ୍ରିଏଟିଭ୍ ହେଡ୍ ପ୍ରଣୟ ଜେଠୀ ।

ଏହି ଚଳଚ୍ଚିତ୍ରରେ ମୁଖ୍ୟ ନାୟକ ଭୂମିକାରେ ଦୀପକ ଓ ନାୟିକା ଭୂମିକାରେ ଅଛନ୍ତି ଅନୁଭା ।

ଏମାନଙ୍କ ବ୍ୟତୀତ କୁନା ତ୍ରିପାଠୀ, ସରୋଜ ଦାସ, ନନସେନ୍ସ ମଣି, ପ୍ରତିଭା ପଣ୍ଡା, ମଧୁ, ନମିତା ପ୍ରମୁଖ କଳାକାରଙ୍କୁ ଦେଖିବାକୁ ମିଳିବ ।

ଚଳଚ୍ଚିତ୍ରର ପ୍ରଡକ୍ସନ ଡିଜାଇନ୍ କରୁଛନ୍ତି ଚିତ୍ତରଞ୍ଜନ ଆଚାର୍ଯ୍ୟ । ଡିଓପି ଦାୟିତ୍ୱ ନିର୍ବାହ କରୁଛନ୍ତି ଅଜିତ କିଶୋର ଦାସ ।

ଲୋକାଲ ୱାୟାର

ଭୁବନେଶ୍ୱର, ନଭେମ୍ବର ୨୫(ଲୋକାଲ ୱାୟାର): ଆସନ୍ତା ୩୦ ତାରିଖରେ ସଂଘଟିତ ହେବ ଚଳିତ ବର୍ଷର ଶେଷ ଚନ୍ଦ୍ର ଗ୍ରହଣ । ସୂର୍ଯ୍ୟ ପରାଗ ଓ ଚନ୍ଦ୍ର ଗ୍ରହଣ ଗୋଟିଏ ବରିଳ ମହାଜାଗତିକ ଘଟଣା ।

ଗ୍ରହଣ ଓ ପରାଗ ଏକ ଛାଇ ଆଲୁଅର ଖେଳ । ଯାହା ସୂର୍ଯ୍ୟ, ଚନ୍ଦ୍ର ଓ ପୃଥିବୀର ଏକ ବିଶେଷ ଅବସ୍ଥିତିରେ ଘଟିଥାଏ ।

ବିଶ୍ୱର ବିଭିନ୍ନ ଦେଶର ବୈଜ୍ଞାନିକମାନେ ଏନେଇ ଗବେଷଣା କରିବାକୁ ଏବେଠାରୁ ପ୍ରସ୍ତୁତି ଚଳାଲେଣି ।

ଏହି ସମୟ ଭିତରେ କିଛି ଲୋକ ସୋସିଆଲ୍ ମିଡିଆରେ ଏହାକୁ ନେଇ ବିଭ୍ରାନ୍ତିକର ଖବର ପ୍ରକାଶ କରୁଛନ୍ତି ।

ଯାହାର କୌଣସି ବୈଜ୍ଞାନିକ କାରଣ ନାହିଁ । ତେବେ ଚନ୍ଦ୍ର ଗ୍ରହଣ ଦିନ ୧ଟା ୨ ମିନିଟରେ ହେବ ଏହା ଦିନ ୩ଟା ୧୨ ମିନିଟ ୫୩ ସେକେଣ୍ଡ ବେଳକୁ ସର୍ବାଧିକ ରହିବ ଓ ସନ୍ଧ୍ୟା ୫ଟା ୨୩ ମିନିଟ ୨୨ ସେକେଣ୍ଡରେ ଶେଷ ହେବ । କିନ୍ତୁ ଏହା ଓଡ଼ିଶାକୁ ଦୃଶ୍ୟମାନ ହେବନାହିଁ ।

ଏ ବାବଦରେ ପଠାଣି ସାମନ୍ତ ପ୍ଲାନେଟାରିୟମର ଉପ ନିଦେ୍ର୍ଦଶକ ଡକ୍ଟର ଶୁଭେନ୍ଦୁ ପଟ୍ଟନାୟକ କହିଛନ୍ତି, ଚନ୍ଦ୍ର ଗ୍ରହଣ ସମୟରେ ଚନ୍ଦ୍ର ଓ ସୂର୍ଯ୍ୟ ମଝିରେ ପୃଥିବୀ ଗୋଟିଏ ସରଳରେଖାରେ ରହିଥାଏ ଓ ପୃଥିବୀର ଛାଇ ଚନ୍ଦ୍ର ଉପରେ ପଡ଼ିଥାଏ ।

ପ୍ରଥମଟି ଛାୟା ଯାହା ଏକ ଗାଢ଼ କଳା ରଙ୍ଗର ଛାଇ ଓ ଖାଲି ଆଖିରେ ଦେଖାଯାଏ । ଦ୍ୱିତୀୟଟି ହେଲା ଉପଛାୟା । ଯାହା ଖାଲି ଆଖିରେ ଦେଖିବା କଷ୍ଟକର ।

ବିଜ୍ଞାନ ହିସାବରେ ଚନ୍ଦ୍ର ଉପଛାୟାରେ ପ୍ରବେଶ କରିବା ସହ ଗ୍ରହଣ ଆରମ୍ଭ ହୁଏ ଓ ଏଥିରୁ ବାହାରିଗଲେ ଗ୍ରହଣ ଶେଷ ହୁଏ ।

ଏ ବର୍ଷର ଶେଷ ସୂର୍ଯ୍ୟ ପରାଗ ଆସନ୍ତା ଡିସେମ୍ବର ୧୪ ତାରିଖରେ ସଂଘଟିତ ଯାହା ଭାରତରେ ଦେଖାଯିବ ନାହିଁ । ପରବର୍ତ୍ତୀ ପୂର୍ଣ୍ଣ ଚନ୍ଦ୍ର ଗ୍ରହଣ ୨୦୨୧ ମସିହା ମେ ମାସ ୨୭ ତାରିଖରେ ଭାରତକୁ ଦେଖାଯିବ ।

ଲୋକାଲ ୱାୟାର