ସ୍ୱାସ୍ଥ୍ୟ

ସୁବର୍ଣ୍ଣପୁର, ଏପ୍ରିଲ ୧ (ଲୋକାଲ ୱାୟାର) : କରୋନା ଭୂତାଣୁ ସଂକ୍ରମଣକୁ ଦୃଷ୍ଟିରେ ରଖି ସୁବର୍ଣ୍ଣପୁର ଜିଲ୍ଲା ପ୍ର୍‌ଶାସନ ‘ଟେଲ ହେଲଥ ନାମକ କାର୍ଯ୍ୟକ୍ରମ ଆରମ୍ଭ କରିଥିବ ବୁଧବାର କହିଛିି।

ଏନେଇ ପ୍ରଶାସନ ଟ୍ୱିଟ କରି ସୂଚନା ଦେଇଛି ।

TELE HEALTH in SUBARNAPUR: Now patients can get medical consultation over Call/WhatsApp at their home. @CMO_Odisha @HFWOdisha #COVID2019 pic.twitter.com/WrMJ5ujfBJ

— Collector Subarnapur (@DM_Subarnapur) March 31, 2020

କଟକଣା ଯୋଗୁଁ ଲୋକେ ସମସ୍ୟା ର ସମ୍ମୁଖୀନ ହେଉଥିବାରୁ ‘ଟେଲ୍ ହେଲଥ’ ଦ୍ୱାରା ଲୋକଙ୍କୁ ଫୋନ ଯୋଗେ ସ୍ୱାସ୍ଥ୍ୟ ସେବା ଯୋଗାଇ ଦେବାକୁ ପ୍ରଶାସନ ବ୍ୟବସ୍ଥା କରିଛି ।

ଡ଼ାକ୍ତରଙ୍କୁ କଲ୍ କିମ୍ବା ହ୍ୱାଟସଆପ୍ କରି ନିଜ ସ୍ୱାସ୍ଥ୍ୟ ବିଷୟରେ ପଚାରି ପାରିବେ ରୋଗୀ ।

ଏନେଇ ଜିଲ୍ଲା ପ୍ରଶାସନ ଡାକ୍ତରଙ୍କ ଫୋନ ନମ୍ବର ଓ କେଉଁ ସମୟରେ କେଉଁ ଡ଼ାକ୍ତର ଉପଲବ୍ଧ ରହିବେ ସେ ନେଇ ବିଜ୍ଞପ୍ତି ପ୍ରକାଶ କରିଛନ୍ତି ।

ସାମାନ୍ୟ ଅସୁସ୍ଥ ଅନୁଭବ କଲେ ମେଡ଼ିକାଲ ଓପିଡ଼ି ଆସି ଭିଡ଼ି ନ ଜମାଇ କଲ କରିବାକୁ ଲୋକଙ୍କୁ କୁହାଯାଇଛି ।

କେବଳ ଜରୁରୀ ଥିଲେ ମେଡ଼ିକାଲ ଆସିବାକୁ ପ୍ରଶାସନ ପରାମର୍ଶ ଦେଇଛି ।

ଲୋକାଲ ୱାୟାର

କଟକ,ମାର୍ଚ୍ଚ ୨୮(ଲୋକାଲ ୱାୟାର): କରୋନା ମୁକାବିଲା ଲାଗି ରାଜ୍ୟର ସର୍ବ ବୃହତ ଏସସିବି ମେଡିକାଲ କଲେଜ ଓ ହସ୍ପିଟାଲରେ ରୋଗୀଙ୍କ ଅନୁପାତରେ ଷ୍ଟାଫ ନ ଥିବାରୁ ରାଜ୍ୟ ସରକାର ପାରାମେଡିକାଲ କର୍ମଚାରୀ ନିଯୁକ୍ତି ଲାଗି ଶନିବାର ଦିନ ବିଜ୍ଞପ୍ତି ଜାରି କରିଥିବା ଜଣେ ଅଧିକାରୀ କହିଛନ୍ତି।

ଏହି ବିଜ୍ଞପ୍ତି ଅନୁଯାୟୀ ଏଠାରେ ୨୩୬ ଜଣ ଷ୍ଟାଫ ନର୍ସ, ୬୦ଜଣ ଫାର୍ମାସିଷ୍ଟ, ୯୮ଜଣ ଲାବରୋଟାରୀ ଟେକନିସିଆନ ଓ ୨୫ଜଣ ରେଡିଓଗ୍ରାଫରଙ୍କୁ ନିଯୁକ୍ତି ଦିଆଯିବ। ଏଥିପାଇଁ ଅବସରପ୍ରାପ୍ତ କର୍ମଚାରୀମାନେ ମଧ୍ୟ ଆବେଦନ କରି ପାରିବେ।

ଇଚ୍ଛୁକ ପ୍ରାର୍ଥୀମାନେ ଏସସିବିର ୱେବସାଇଟରୁ ଆବଶ୍ୟକୀୟ ତଥ୍ୟ ପାଇ ପାରିବେ।

ଆସନ୍ତା ୩୦ ତାରିଖର ମଧ୍ୟାହ୍ଣ ସାଢେ ୧୦ଟାରୁ ଅପରାହ୍ଣ ୪ଟା ପର୍ଯ୍ୟନ୍ତ ଏସସିବି ପୁରୁଣା ଅଡିଟୋରିୟମ ଠାରେ ସେମାନଙ୍କ ନାମ ରେଜିଷ୍ଟ୍ରେସନ କରିପାରିବେ।

ଲୋକାଲ ୱାୟାର

ଭୁବନେଶ୍ୱର, ମାର୍ଚ୍ଚ ୧୯ (ଲୋକାଲ ୱାୟାର) : ସରକାରୀ କର୍ମଚାରୀଙ୍କ ପାଇଁ ଗାଇଡଲାଇନ ଜାରି କରିଛନ୍ତି ସରକାର ।

କୌଣସି କର୍ମଚାରୀକୁ ଥଣ୍ଡା, ଜ୍ୱର, କାଶ ହେଉଥିଲେ ୧୪ ଦିନର ଛୁଟି ମିଳିବ ବୋଲି ସାଧାରଣ ପ୍ରଶାସନ ବିଭାଗର ପ୍ରମୁଖ ସଚିବ ସଞ୍ଜୀବ ଚୋପ୍ରା ଗୁରୁବାର କହିଛନ୍ତି ।

ଏହାସହ ୧୪ ଦିନ ପାଇଁ ହୋମ ଆଇସୋଲେସନରେ ରହିବାକୁ କର୍ମଚାରୀଙ୍କୁ ନିର୍ଦ୍ଦେଶ ଦିଆଯାଇଛି ।

ଯଦି କୌଣସି କର୍ମଚାରୀ ମାର୍ଚ୍ଚ ୪ ତାରିଖ ପରେ ବାହାରୁ ଆସିଛନ୍ତି, ତାହେଲେ ସେମାନେ ମଧ୍ୟ ହୋମ ଆଇସୋଲେସନରେ ରହିବେ ।

ସେପଟେ କରୋନା ପାଇଁ ଲୋକସଭା ଭବନ ଯିବା ଆସିବାରେ ମଧ୍ୟ କଟକଣା ଲାଗିଛି ।

ଲୋକସେବା ଭବନକୁ କେବଳ କର୍ମଚାରୀ ଯାଇପାରିବେ । ସାଧାରଣ ଲୋକ ଆଉ ଯାଇ ପାରିବେ ନାହିଁ ।

ଏହାସହ ଭିଜିଟର ପାସ ମଧ୍ୟ ବାତିଲ କରାଯାଇଛି ।

ଲୋକାଲ ୱାୟାର

ଭୁବନେଶ୍ୱର,ମାର୍ଚ୍ଚ ୧୨(ଲୋକାଲ ୱାୟାର): ଏବେ ରାଜ୍ୟର ସମସ୍ତ ଆମ୍ବୁଲାନ୍ସ ପାଇଁ ଗୋଟିଏ ଜରୁରୀକାଳୀନ ନମ୍ବର ରହିବ ।

ଏନେଇ ସୁପ୍ରିମକୋର୍ଟ ସଡ଼କ ସୁରକ୍ଷା କମିଟିକୁ ପରାମର୍ଶ ଦେଇଛନ୍ତିି । ଏହାକୁ ଖୁବ୍ ଶୀଘ୍ର ଲାଗୁ କରିବାକୁ ରାଜ୍ୟ ସରକାର ନିଷ୍ପତ୍ତି ନେଇଥିବା ସ୍ୱାସ୍ଥ୍ୟ ବିଭାଗର ଜଣେ ଅଧିକାରୀ କହିଛନ୍ତି ।

ଏନେଇ ସ୍ୱାସ୍ଥ୍ୟ ଓ ପରିବା କଲ୍ୟାଣ ବିଭାଗ ତୁରନ୍ତ ସମସ୍ତ ପ୍ରସ୍ତୁତି ଶେଷ କରି ସରକାରଙ୍କୁ ଜଣାଇବ ।

ଏହାକୁ ପରିଚାଳନା ପାଇଁ ଗୋଟିଏ କଣ୍ଟ୍ରୋଲ ରୁମ ରହିବ । କଣ୍ଟ୍ରୋଲରୁମରେ ବସିଥିବା କର୍ମଚାରୀଙ୍କ କମ୍ପ୍ୟୁଟରରେ କେଉଁ ଆମ୍ବୁଲାନ୍ସ କେଉଁଠି ଅଛି ତା’ର ଟ୍ରାକିଂ ହେଉଥିବ ।

କଣ୍ଟ୍ରୋଲ ରୁମରୁ ତୁରନ୍ତ ରୋଗୀଙ୍କ ନିକଟବର୍ତ୍ତୀ ଆମ୍ବୁଲାନ୍ସକୁ ସୂଚନା ପହଞ୍ଚିଯିବ ।

ଆମ୍ବୁଲାନ୍ସ କେଉଁଠି ଅଛି, କେତେବେଳେ ପହଞ୍ଚିଯିବ ସେନେଇ ମଧ୍ୟ ରୋଗୀଙ୍କ ସମ୍ପର୍କୀୟ ଏହାକୁ ଟ୍ରାକିଂ କରିପାରିବେ । ଆମ୍ବୁଲାନ୍ସକୁ ଅନଲାଇନ୍ ଟ୍ରାକିଂ କରିବାକୁ ମୋବାଇଲ ଆପ୍ ଆସିବ ।

ରାଜ୍ୟରେ ଏବେ ବିଭିନ୍ନ ସରକାରୀ ଯୋଜନାରେ ଆମ୍ବୁଲାନ୍ସ ଚାଲୁଛି । ବିଭିନ୍ନ ଘରୋଇ ହସ୍ପିଟାଲ, ଟ୍ରଷ୍ଟ ଓ ଘରୋଇ ସଂସ୍ଥା ପକ୍ଷରୁ ବି ଆମ୍ବୁଲାନ୍ସ ଚାଲୁଛି ।

ସମସ୍ତଙ୍କର ଭିନ୍ନ ଭିନ୍ନ ଫୋନ ନମ୍ବର ଥିବାରୁ ରୋଗୀ ବହୁତ ସମୟରେ ହଇରାଣରେ ପଡିଥାନ୍ତି ତେଣୁ ସରକାର ଏହି ପଦକ୍ଷେପ ନେଉଥିବା ଜଣାପଡିଛି ।

ଲୋକାଲ ୱାୟାର

ଭୁବନେଶ୍ୱର, ମାର୍ଚ୍ଚ ୧୧(ଲୋକାଲ ୱାୟାର): ଏ ପର୍ଯ୍ୟନ୍ତ ରାଜ୍ୟରେ ପରୀକ୍ଷା କରାଯାଇଥିବା ୧୭ ଜଣ ସନ୍ଦିଗ୍ଧ କରୋନା ରୋଗୀଙ୍କ ରକ୍ତ ଓ ସ୍ୱାବ୍ ନମୂନା ପରୀକ୍ଷା ରିପୋର୍ଟ ନେଗେଟେିଭ୍ ଥିବା ସ୍ୱାସ୍ଥ୍ୟ ବିଭାଗ ପକ୍ଷରୁ ବୁଧବାର ସୂଚନା ଦିଆଯାଇଛି ।

ସ୍ୱାସ୍ଥ୍ୟ ସଚିବ ନିକୁଞ୍ଜ ବିହାରୀ ଧଳ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ, ଏ ପର୍ଯ୍ୟନ୍ତ ରାଜ୍ୟରେ କେହି କରୋନା ପଜିଟିଭ୍ ଠାବ ହୋଇ ନାହାନ୍ତି ।

ତେଣୁ ଆତଙ୍କିତ ହେବା ଅନୁଚିତ । ତେବେ ଲୋକମାନେ ସଚେତନ ହେବା ଜରୁରି ।

ଘରର ପ୍ରତ୍ୟେକ ଦ୍ରବ୍ୟକୁ ସଫା କରିବା ସହ ନିଜ ହାତକୁ ନିୟମିତ ସାନିଟାଇଜରରେ ସଫା କରିବା ଦରକାର ।

ବାରମ୍ବାର ସାବୁନରେ ହାତ ଧୋଇବାଠୁ ଆରମ୍ଭ କରି ଆଖି, ମୁହଁ ଓ ନାକକୁ ସ୍ପର୍ଶ ନକରିବା, ଛିଙ୍କିବା ସମୟରେ ରୁମାଲ ଓ ଟିସୁ ପେପର ବ୍ୟବହାର କରିବା ସହ ଜନଗହଳି ସ୍ଥାନରୁ ଦୂରେଇ ରହିବାକୁ ପରାମର୍ଶ ଦିଆଯାଇଛି ।

ସ୍କୁଲ ଛାତ୍ରଛାତ୍ରୀଙ୍କ ପାଇଁ ମଧ୍ୟ ସ୍ୱତନ୍ତ୍ର ଭାବେ ମାର୍ଗ ଦର୍ଶିକା ଜାରି କରି ଥଣ୍ଡା, କାଶ, ଛିଙ୍କ ସହ ନିଶ୍ୱାସ ପ୍ରଶ୍ୱାସରେ କଷ୍ଟ ହେଉଥିଲେ ଛାତ୍ରଛାତ୍ରୀମାନେ ଅଭିଭାବକଙ୍କୁ ଜଣାଇବା ସହ ଡାକ୍ତର ପରାମର୍ଶ କରିବା ଦରକାର ବୋଲି କୁହାଯାଇଥିବା ଶ୍ରୀ ଧଳ କହିଛନ୍ତି ।

ଲୋକାଲ ୱାୟାର

ଭୁବନେଶ୍ୱର, ମାର୍ଚ୍ଚ ୧୦(ଲୋକାଲ ୱାୟାର): କଟକସ୍ଥିତ ଏସସିବି ମେଡିକାଲ କଲେଜ ଆଣ୍ଡ ହସପିଟାଲରେ ଗତକାଲି ଭର୍ତ୍ତି ହୋଇଥିବା ଆଉ ଜଣେ ସନ୍ଦିଗ୍ଧ କରୋନା ଭାଇରସ ଆକ୍ରାନ୍ତଙ୍କ ରକ୍ତ ଓ ସ୍ୱାବ୍ ପରୀକ୍ଷା ରିପୋର୍ଟ ନେଗେଟିଭ୍ ଆସିଥିବା ମଙ୍ଗଳବାର ଡାକ୍ତରଖାନାର ଜଣେ ବରିଷ୍ଠ ଡାକ୍ତର ସୂଚନା ଦେଇଛନ୍ତି ।

ନିକଟରେ କେନ୍ଦ୍ରାପଡ଼ା ଜିଲ୍ଲା ପଟ୍ଟାମୁଣ୍ଡାଇର ଜଣେ ବ୍ୟକ୍ତି ଓମାନରୁ ଫେରିବା ପରେ ଜ୍ୱର, ଥଣ୍ଡା ଓ କାଶରେ ଆକ୍ରାନ୍ତ ହୋଇଥିଲେ ।

ତେଣୁ ସେ ଏସସିବି ମେଡିକାଲରେ ଭର୍ତ୍ତି ହୋଇଥିଲେ । ସେ କରୋନା ଭାଇରସରେ ଅକ୍ରାନ୍ତ ଥିବା ସନ୍ଦେହ କରାଯାଇଥିଲା ।

ତେଣୁ ତାଙ୍କ ରକ୍ତ ଓ ସ୍ୱାବ୍ ନମୂନା ପରୀକ୍ଷା ପାଇଁ ଭୁବନେଶ୍ୱରର ରିଜିଓନାଲ ମେଡିକାଲ ରିସର୍ଚ୍ଚ ସେଣ୍ଟର (ଆରଏମଆରସି)କୁ ପଠାଯାଇଥିଲା ।

ଆଜି ପରୀକ୍ଷା ରିପୋର୍ଟ ନେଗେଟିଭ୍ ଆସିଥିବା ଡାକ୍ତର ସୂଚନା ଦେଇଛନ୍ତି ।

ଉଲ୍ଲେଖଯୋଗ୍ୟ, କରୋନା ଭାଇରସରେ ଆକ୍ରାନ୍ତ ଥିବା ସନ୍ଦେହରେ ଏ ପର୍ଯ୍ୟନ୍ତ ଏସସିବି ମେଡିକାଲରେ ଚିକିତ୍ସିତ ୫ ଜଣଙ୍କ ରକ୍ତ ରିପୋର୍ଟର୍ ନେଗେଟିଭ୍ ଆସିଥିବା ସୂଚନା ଦିଆଯାଇଛି ।

ଲୋକାଲ ୱାୟାର

ଭୁବନେଶ୍ୱର, ମାର୍ଚ୍ଚ ୮(ଲୋକାଲ ୱାୟାର):ଓଡ଼ିଶା ପର୍ଯ୍ୟଟନ ବିଭାଗ ସୋସିଆଲ୍ ମିଡିଆ।

ମାଧ୍ୟମରେ ପର୍ଯ୍ୟଟକମାନଙ୍କୁ କରୋନା ଭାଇରସ୍ ସମ୍ପର୍କରେ ସଚେତନ କରିଛି । ନିଜ ଟ୍ୱିଟର୍ ପୃଷ୍ଠାରେ ଏକ ସଚେତନତାମୂଳକ ପୋଷ୍ଟର୍ ପୋଷ୍ଟ କରିଛି ।

ଯେଉଁଥିରେ ସତର୍କ ସୂଚନା ଜାରି ହୋଇଛି ।

ସାବୁନ କିମ୍ବା ସାନିଟାଇଜରରେ ନିୟମିତ ହାତ ସଫା କରିବା, ହ୍ୟାଣ୍ଡସେକ୍ ବଦଳରେ ନମସ୍କାର କରିବା, କାଶିବା ସମୟରେ ମୁହଁରେ ରୁମାଲ ଦେବା ଏବଂ ଜନଗହଳିପୂର୍ଣ୍ଣ ସ୍ଥାନରେ ମାସ୍କ ବ୍ୟବହାର କରନ୍ତୁ ।

ଅଧିକ ତଥ୍ୟ ପାଇଁ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଜାରି ହୋଇଥିବା କଣ୍ଟ୍ରୋଲ୍ ରୁମ୍ ଲ୍ୟାଣ୍ଡଲାଇନ୍ ନଂ-୦୬୭୪୨୩୯୦୪୬୬, ମୋବାଇଲ୍ ନଂ- ୯୪୩୯୯୯୪୮୫୭/୯୪୩୯୯୯୪୮୫୯ରେ ଯୋଗାଯୋଗ କରିପାରିବେ ।

ଏଥିସହିତ କୌଣସି ଗୁଜବ ନକରି ସତର୍କତା ଅବଲମ୍ବନ କରିବା ସହ କରୋନା ଭାଇରସ ସମ୍ପର୍କିତ ଲକ୍ଷଣ ଦେଖାଗଲେ ଡାକ୍ତରଙ୍କ ସହ ଯୋଗାଯୋଗ କରିବାକୁ ପର୍ଯ୍ୟଟନ ବିଭାଗ ତା’ ଟ୍ୱିଟର୍ ପୃଷ୍ଠାରେ ଉଲ୍ଲେଖ କରିଛି ।

ଲୋକାଲ ୱାୟାର