Entertainment

ଭୁବନେଶ୍ୱର, ଅକ୍ଟୋବର ୨୦(ଲୋକାଲ ୱାୟାର): ପ୍ରସିଦ୍ଧ ଓଡ଼ିଶୀ ନୃତ୍ୟଶିଳ୍ପୀ ତଥା କୋରିଓଗ୍ରାଫର୍ ଶାଶ୍ୱତ ଯୋଶୀଙ୍କ ନୂଆ ଗେଟଅପ୍ ।

ସବୁବେଳେ ପାରମ୍ପରିକ ହସ୍ତକଳା ଓ ହସ୍ତତନ୍ତରେ ପ୍ରସ୍ତୁତ ପୋଷାକ ପିନ୍ଧି ଝଲସୁଥିବା ଏହି ନୃତ୍ୟଶିଳ୍ପୀ ଏବେ ନିଜକୁ ଆଉ ଏକ ନୂଆ ଲୁକ୍ ଦେଇ ଚର୍ଚ୍ଚା ସାଉଁଟି ଚାଲିଛନ୍ତି ।

ଜୀସାର୍ଥକ ଡିଆଇଡି ସୁପର୍ ମମ୍ସ ମଞ୍ଚରେ ବିଚାରକ ଭୂମିକାରେ ବସି ସର୍ବଦା ନୂଆ ଲୁକ୍ ପାଇଁ ସମସ୍ତଙ୍କ ଦୃଷ୍ଟି ଆକର୍ଷଣ କରି ଚାଲିଥିବା ଶାଶ୍ୱତ ଏବେ ପୁଣି ସେହିଭଳି କିଛି ଲୁକ୍ ରେ ନଜର ଆସିଛନ୍ତି ।

ହ୍ୟାଣ୍ଡଲୁମରେ ପ୍ରସ୍ତୁତ ସ୍ୱତନ୍ତ୍ର ଧରଣର ପୋଷାକ ସହିତ ମୁଣ୍ଡରେ ବେଣୀ ପକାଇଛନ୍ତି । ଏନେଇ ସେ ନିଜର ଇନଷ୍ଟାଗ୍ରାମ୍ ରେ କିଛି ଫଟୋ ଅପଲୋଡ୍ କରିଛନ୍ତି ।

ସେଥିରେ ସେ ଉଲ୍ଲେଖ କରିଛନ୍ତି, ସେ ଏହି ଲୁକ୍ ପାଇଁ ଗନ୍ଧର୍ବ ଏବଂ ମୁନୀଋଷିଙ୍କଠାରୁ ପ୍ରେରିତ ହୋଇଛନ୍ତି । ଏଥିପାଇଁ ତାଙ୍କ ଟିମ୍ ତାଙ୍କୁ ବିଶେଷ ମାତ୍ରାରେ ସହଯୋଗ କରିଛନ୍ତି ।

ଯେଉଁଥିପାଇଁ ସେ ଓଡ଼ିଶାର ପରମ୍ପରା ସାଙ୍ଗକୁ ସବୁବେଳେ କଳା, ସଂସ୍କୃତି, ସାହିତ୍ୟ ଓ ଐତିହ୍ୟର ପ୍ରଚାର, ପ୍ରସାର କରି ଆସିଛନ୍ତି ।

ସେ ନୃତ୍ୟରେ ହେଉ କି ନିଜ ବେଶ ପୋଷାକରେ । ଏମିତିକି ସେ ଯେଉଁ ମାସ୍କ ପିନ୍ଧିଛନ୍ତି ସେଥିରେ ବି ହସ୍ତତନ୍ତର ଛାପ ରହିଛି ।

ଲୋକାଲ ୱାୟାର

ଭୁବନେଶ୍ୱର, ଅକ୍ଟୋବର ୨୦(ଲୋକାଲ ୱାୟାର): ମା’ ଆସୁଛନ୍ତି । ବରଷକ ପରେ ପୁଣି ମା’ଙ୍କ ଆଗମନ ହୋଇଛି ଧରାପୃଷ୍ଠକୁ । ମହାମାରୀ କରୋନାରେ ବିପର୍ଯ୍ୟସ୍ତ ବିଶ୍ୱ ତ୍ରାହି ତ୍ରାହି ଡାକୁଥିଲାବେଳେ ମା’ଙ୍କ ଆସିବା ସମସ୍ତଙ୍କୁ ଆଶ୍ୱସ୍ତି ଦେଇଛି ।

ଦଶହରା ପୂର୍ବରୁ ମା’ ଦୁର୍ଗେ ଦୁର୍ଗତିନାଶିନୀଙ୍କ ନବଦିନାତ୍ମକ ପୂଜା ତଥା ଷୋଡ଼ଶ ଉପଚାର ପୂଜା ବିଧିମୁତାବକ ଆରମ୍ଭ ହୋଇଛି । ସେହି ପର୍ବକୁ ପାଳନ କରି ବ୍ରତ ରଖିଛନ୍ତି ଆମ ଓଲିଉଡର ଆଗଧାଡ଼ିର ଦୁଇ ନାୟିକା ।

ଅଭିନେତ୍ରୀ ବର୍ଷା ପ୍ରିୟଦର୍ଶିନୀ ଓ ଅଭିନେତ୍ରୀ ଅର୍ଚ୍ଚିତା ସାହୁ । ଦୁହେଁ ନୂତନ ବସ୍ତ୍ର ପରିଧାନ ସାଙ୍ଗକୁ ମା’ଙ୍କ ଆରାଧନାରେ ବ୍ୟସ୍ତ ରହିଛନ୍ତି ।

ବର୍ଷା ଘରେ ମା’ ଭବାନୀଙ୍କ ପୂଜା କରୁଥିଲାବେଳେ ଅର୍ଚ୍ଚିତା ଶାଢ଼ୀକୁ ମ୍ୟାଚିଂ ମାସ୍କ ପିନ୍ଧି ସମସ୍ତଙ୍କୁ ଦୁର୍ଗାପୂଜାର ଶୁଭେଚ୍ଛା ସହ କରୋନା ବିରୋଧରେ ଲଢ଼େଇ ପାଇଁ ସଚେତନ କରିଛନ୍ତି । ଏଥିସହ ମା’ଙ୍କ ଶରଣାପନ୍ନ ହୋଇ ତାଙ୍କରି ଆରାଧନା କରିବାକୁ କହିଛନ୍ତି ।

ଲୋକାଲ ୱାୟାର

ଭୁବନେଶ୍ୱର, ସେପ୍ଟେମ୍ବର ୨୨(ଲୋକାଲ ୱାୟାର): ସସପେନ୍ସ ଥ୍ରୀଲର୍ ଭିତ୍ତିକ ଏକ ଦମଦାର୍ ନୂଆ କାହାଣୀ ଆଧାରିତ ଭିନ୍ନ ଧରଣର ଏକ ୱେବସିରିଜ୍ । ଯାହାର ନାଁ ରହିଛି ‘ଆନ୍ଥୋନି’ ।

କାହାଣୀ ଅନୁସାରେ କିଛି ଅସମ୍ପୂର୍ଣ୍ଣ ରହିଯାଇଥିବା ଆଶା, ଅଧୁରା ସ୍ୱପ୍ନ ଓ ଲକ୍ଷ୍ୟକୁ ପୂରଣ କରିବାକୁ ଆନ୍ଥୋନି ଖୋଜିଛି ଜୀଇଁବାର ନୂଆ ଉପାୟ, ନୂଆ ମାଧ୍ୟମ ।

ଏହାର ଲିଡରେ ଅଭିନେତା ମନୋଜ ମିଶ୍ର ଓ ଅଭିନେତା ପାର୍ଥ ସାରଥୀ ରାୟ ଅଭିନୟ କରୁଛନ୍ତି ।

ଅନ୍ୟମାନଙ୍କ ମଧ୍ୟରେ ବରିଷ୍ଠ ଅଭିନେତା ଚୌଧୁରୀ ବିକାଶ ଦାସ, ଚୌଧୁରୀ ଜୟପ୍ରକାଶ ଦାସ, ଶ୍ରୁତି ଦାସମହାପାତ୍ର ଓ ସୋନାଲି ଶର୍ମିଷ୍ଠା ଦାସ ପ୍ରମୁଖ ରହିଛନ୍ତି ।

ନିକଟରେ ୟୁନିଟ୍-୯ ରୋଡ୍ ନଂ-୫ରେ ଥିବା ଶିବ ମନ୍ଦିରରେ ଏହାର ମହୁରତ୍ ଅନୁଷ୍ଠିତ ହୋଇଥିଲାବେଳେ ଓଡ଼ିଶାର କିଛି ସୁନ୍ଦର ସ୍ଥାନରେ ସୁଟିଂ ହେବ ବୋଲି ପ୍ରଯୋଜନା ସଂସ୍ଥା ପକ୍ଷରୁ ସୂଚନା ଦିଆଯାଇଛି ।

କୌସ୍ତଭ ଡ୍ରିମୱାର୍କ୍ସ ପ୍ରା.ଲି. ବ୍ୟାନରରେ ଆଓ ଟିଭି ଅରିଜିନାଲ୍ ପକ୍ଷରୁ ଏହି ୱେବସିରିଜ୍ ନିର୍ମାଣ ହେଉଛି । ଯାହାର ମହୁରତ୍ ଉତ୍ସବରେ ପୂରା ଟିମ୍ ସାମିଲ ଥିଲା ।

କଳାକାର, ଟେକ୍ନିସିଆନଙ୍କ ଠାରୁ ଆରମ୍ଭ କରି ଆଓ ଟିଭିର ସିଇଓ କୌଶିକ ଦାସ, ପ୍ରଯୋଜକ ତଥା ଆଓ ଟିଭିର ଉପାଧ୍ୟକ୍ଷ ସିଦ୍ଧାର୍ଥ ମହାପାତ୍ର, ମୁଖ୍ୟ କାର୍ଯ୍ୟନିର୍ବାହୀ ପ୍ରଯୋଜକ ରଞ୍ଜିତ ମହାନ୍ତି, ୱେବସିରିଜର ନିଦେ୍ର୍ଦଶକ ବିରେନଜ୍ୟୋତି ମହାନ୍ତି, କାହାଣୀକାର ଓ ଚିତ୍ରନାଟ୍ୟ ନିଦେ୍ର୍ଦଶକ ଜିତେନ୍ଦ୍ରୀୟ ପ୍ରଧାନ ପ୍ରମୁଖ ସାମିଲ ହୋଇଥିଲେ ।

ଲୋକାଲ ୱାୟାର

ଭୁବନେଶ୍ୱର, ସେପ୍ଟେମ୍ବର ୨୧(ଲୋକାଲ ୱାୟାର): ‘ଆମେରିକାସ୍ ଗଟ୍ ଟ୍ୟାଲେଣ୍ଟ ସିଜନ୍-୧୫’ର ଫାଇନାଲରେ ଓଡ଼ିଆ ପୁଅ ଏମ୍ ସୁମନ୍ତ ।

ରାୟଗଡ଼ା ଜିଲ୍ଲାର ଏମ୍. ଜଗଦୀଶ୍ୱର ରାଓ ଏବଂ ଏମ୍. ରାଧାକୁମାରୀଙ୍କ ୨୧ବର୍ଷୀୟ ପୁଅ ସୁମନ୍ତ ‘ଆମେରିକାସ୍ ଗଟ୍ ଟ୍ୟାଲେଣ୍ଟ ସିଜନ୍-୧୫’ର ଫାଇନାଲରେ ପହଞ୍ଚିବାର ଗୌରବ ଅର୍ଜନ କରିଛନ୍ତି ।

ତାଙ୍କ ଡ୍ୟାନ୍ସ ପାର୍ଟନର୍ ଭାବେ ସାଥୀରେ ରହିଛନ୍ତି କୋଲକାତାର ୧୫ବର୍ଷୀୟ ସୋନାଲି ମଜୁମଦାର୍ ।

ଉଭୟେ ମିଶି ସଫଳତାର ସହ ବିଦେଶୀ ମଞ୍ଚରେ ନିଜ ପ୍ରତିଭା ଦେଖାଇଛନ୍ତି । ଏହି ସୋ’ର ଗ୍ରାଣ୍ଡ୍ ଫାଇନାଲ୍ ଆସନ୍ତା ମଙ୍ଗଳବାର ୨୨ ତାରିଖରେ ଆମେରିକୀୟ ସମୟ ରାତି ୮ଟାରେ ପ୍ରସାରିତ ହେବ ।

ଏହା ଭାରତୀୟ ସମୟ ଅନୁସାରେ ୨୩ତାରିଖ ଭୋର ସାଢ଼େ ୫ଟାରେ ଦର୍ଶକ ଦେଖିବେ । ଏହା ଲାଇଭ୍ ହେବ ।

ସୁମନ୍ତ-ସୋନାଲିଙ୍କ ଯୋଡ଼ିଙ୍କୁ ଜିତିବା ପାଇଁ ଅଧିକ ଭୋଟିଂର ଆବଶ୍ୟକତା ରହିଛି ।

ଏଥିପାଇଁ କେବଳ ଆମେରିକାବାସୀ ଓ ଆମେରିକାରେ ରହୁଥିବା ଭାରତୀୟମାନେ ଭୋଟିଂ ସହ ଡ୍ୟାନ୍ସ ସମୟରେ ମତାମତ ଦେଇପାରିବେ ।

ଏମ୍. ଜଗଦୀଶ୍ୱର ରାଓ ଏବଂ ଏମ୍. ରାଧାକୁମାରୀଙ୍କ ପୁଅ ସୁମନ୍ତ ରାଜ୍ୟ ଏବଂ ଦେଶ ବାହାରର ବହୁ ମଞ୍ଚରେ ନିଜ ନୃତ୍ୟକଳା ପ୍ରଦର୍ଶନ କରି ପ୍ରଶଂସା ପାଇଚାଲିଛନ୍ତି ।

ତେବେ ଆମେରିକାସ୍ ଗଟ୍ ଟ୍ୟାଲେଣ୍ଟ ସେମିଫାଇନାଲ୍ ମଞ୍ଚରେ ଉଭୟ ଦକ୍ଷିଣ ଭାରତୀୟ ହିଟ୍ ଗୀତ‘ଟପ୍ ଲେସି ପୋଡି’ରେ ନୃତ୍ୟ ପ୍ରଦର୍ଶନ କରି ବିଚାରକଙ୍କୁ ଆଶ୍ଚର୍ଯ୍ୟ ଚକିତ କରିଥିଲେ ।

ବିଚାରକମାନେ ଆମେରିକୀୟ ଗ୍ରୁପକୁ ପଛରେ ପକାଇ ସୁମନ୍ତ-ସୋନାଲିଙ୍କ ଯୋଡ଼ିଙ୍କୁ ଫାଇନାଲକୁ ଉନ୍ନୀତ କରିଥିଲେ ।

‘ବ୍ୟାଡ୍ ସାଲସା’ ନାମରେ ପରିଚିତ ସୁମନ୍ତ ଓ ସୋନାଲିଙ୍କ ଡ୍ୟାନ୍ସ ଯୋଡ଼ି ପୂର୍ବରୁ ୨୦୧୨ରେ ‘ଇଣ୍ଡିଆସ୍ ଗଟ୍ ଟ୍ୟାଲେଣ୍ଟ’ ଏବଂ ୨୦୧୩ରେ ‘ଝଲକ୍ ଦିଖଲାଜା’ ଭଳି ମଞ୍ଚରେ ସମସ୍ତଙ୍କ ମନ ଜିଣିବା ସହ ବିଜେତା ହୋଇ ମୁକୁଟ ପିନ୍ଧିଥିଲେ । ୨୦୧୭ରେ ଡ୍ୟାନ୍ସ ଚାମ୍ପିଆନ୍ସ ହୋଇଥିଲେ ।

ଲୋକାଲ ୱାୟାର

ଭୁବନେଶ୍ୱର, ଅଗଷ୍ଟ ୨୧(ଲୋକାଲ ୱାୟାର): ସୋସିଆଲ୍ ମିଡିଆରେ ରାତାରାତି ଷ୍ଟାର୍ ପାଲଟି ଯାଇଥିବା ଏବଂ ଅନେକଙ୍କୁ ଦିୱାନା ବନେଇ ଦେଇଥିବା ଅଭିନେତ୍ରୀ ଓଡ଼ିଆ ଝିଅ ଅପସରା ରାଣୀ ସସପେଣ୍ଡ ।

ମାନେ ତାଙ୍କ ଟ୍ୱିଟର୍ ଆକାଉଣ୍ଟକୁ ସସପେଣ୍ଡ କରାଯାଇଛି । ଟ୍ୱିଟର୍ ନିୟମ ଉଲ୍ଲଂଘନ କରିଥିବା ଅଭିଯୋଗରେ ଏହି କାର୍ଯ୍ୟାନୁଷ୍ଠାନ ହୋଇଛି ।

ବଲିଉଡର ରଙ୍ଗୀଲା ନିଦେ୍ର୍ଦଶକ ରାମଗୋପାଳ ବର୍ମାଙ୍କ ଫିଲ୍ମ ‘ଥ୍ରୀଲର’ରେ ବଲିଉଡକୁ ଏଣ୍ଟ୍ରି କରି ବେଶ୍ ଚର୍ଚ୍ଚାରେ ଥିଲେ ଅପସରା ।

ଫିଲ୍ମର ପୋଷ୍ଟର ପ୍ରମୋସନରୁ ରିଲିଜ୍ ପର୍ଯ୍ୟନ୍ତ ନିଜର ବୋଲ୍ଡ ଏବଂ ସେକ୍ସି ଷ୍ଟାଇଲ୍ ପାଇଁ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ ।

ଏମିତି ହୋଇଥିଲା ଯେତେବେଳେ ରାମଗୋପାଳ ପ୍ରଥମେ ଅପସରାଙ୍କ ଫଟୋ ପୋଷ୍ଟ କରି ସୂଚନା ଦେଲେ ସେତେବେଳେ ୭-୮ଘଣ୍ଟାରେ ୧୫ହଜାର ଦର୍ଶକ ଯୋଡ଼ି ହୋଇଯାଇଥିଲେ ।

ଏମିତିକି ୩-୪ ଦିନ ମଧ୍ୟରେ ୫୦ରୁ ଅଧିକ ଫେକ୍ ଆକାଉଣ୍ଟ ତାଙ୍କ ନାଁରେ ଖୋଲିଯାଇଥିଲା । ଅପସରାଙ୍କ ଅଫିସିଆଲ୍ ଆକାଉଣ୍ଟରେ ୪୫ହଜାର ଫଲୋର୍ସ ଥିଲେ । ବିଭିନ୍ନ ସମୟରେ ତାଙ୍କୁ ଟ୍ରୋଲ୍ କରୁଥିଲେ ।

ଲୋକାଲ ୱାୟାର

ଭୁବନେଶ୍ୱର, ଜୁନ୍ ୨୮(ଲୋକାଲ ୱାୟାର): ବନ୍ଧୁ ରବିନ୍ଦ୍ର ପାଢ଼ିଙ୍କୁ ଜୀବନସାଥୀ କରିଛନ୍ତି ଓଲିଉଡର ଚର୍ଚ୍ଚିତ ଅଭିନେତ୍ରୀ ଗାର୍ଗୀ ମହାନ୍ତି ।

କରୋନା ପାଇଁ ସଟ୍ ଡାଉନ୍ ଥିବାରୁ କମ୍ ସଂଖ୍ୟକ ବନ୍ଧୁବାନ୍ଧବ ଏବଂ ଓଲିଉଡ଼ର କଳାକାରମାନେ ଭୁବନେଶ୍ୱରର ଏକ ହୋଟେଲରେ ଅନୁଷ୍ଠିତ ଏହି ବିବାହ ଉତ୍ସବରେ ଉପସ୍ଥିତ ଥିଲେ ।

ଜଣାଶୁଣା ଓଡ଼ିଶୀ ଡ୍ୟାନ୍ସର ଭାବେ ପରିଚିତ ଗାର୍ଗୀ ୨୦୦୫ରେ ହର ପଟ୍ଟନାୟକଙ୍କ ନିର୍ଦ୍ଦେଶିତ ‘ଅର୍ଜୁନ’ ସିନେମାରେ ଅନୁଭବ ମହାନ୍ତିଙ୍କ ବିପକ୍ଷରେ ଅଭିନୟ କରିଥିଲେ ।

ଚଳଚ୍ଚିତ୍ର ‘କ୍ରାନ୍ତିଧାରା’, ସର୍ଟଫିଲ୍ମ ‘ସ୍ପନ୍ଦନ’, ଧାରାବାହିକ ‘ଗାୟତ୍ରୀ’ ଏବଂ ‘ଟୋପାଏ ସିନ୍ଦୁର’ରେ ମଧ୍ୟ ସେ ଅଭିନୟ କରିଥିଲେ । ସେ ବହୁ ଆଲବମ୍, ଧାରାବାହିକରେ ମଧ୍ୟ ଅଭିନୟ କରିଛନ୍ତି ।

ଲୋକାଲ ୱାୟାର

ଭୁବନେଶ୍ୱର, ଜୁନ୍ ୨୩(ଲୋକାଲ ୱାୟାର): କାନ୍ ଚଳଚ୍ଚିତ୍ର ମହୋତ୍ସବ ଚଳିତ ବର୍ଷ ଅନ୍ ଲାଇନରେ ଚାଲିଛି ।

ଏଥିରେ ଓଡ଼ିଶାର ଜିତେନ୍ଦ୍ର ମିଶ୍ର ୯ମ ବର୍ଷ ପାଇଁ ପ୍ରଡୁ୍ୟସର ନେଟୱର୍କ ସଦସ୍ୟ ଭାବରେ ଅଂଶଗ୍ରହଣ କରିଛନ୍ତି । ସବୁକିଛି ଅନ୍ ଲାଇନରେ ଚାଲିଥିବାବେଳେ ଏହି ଉତ୍ସବ ଏଥିରେ ସାମିଲ ହୋଇଛି ।

ଦୁନିଆର ସବୁଠାରୁ ବଡ଼ ଚଳଚ୍ଚିତ୍ର ମହୋତ୍ସବ କାନ୍ ଫିଲ୍ମ ଫେଷ୍ଟିଭାଲ୍ ଇତିହାସରେ ପ୍ରଥମ ଥର ପାଇଁ ଏହାର ମାର୍ଚେ ଡୁ ଫିଲ୍ମ ଆରମ୍ଭ କରିଛି ।

ଏହି ଅନ୍ ଲାଇନ୍ ଫେଷ୍ଟିଭାଲ୍ ସୋମବାର ଠାରୁ ଆରମ୍ଭ ହୋଇଛି ଏବଂ ୨୬ତାରିଖ ପର୍ଯ୍ୟନ୍ତ ଚାଲିବ । ଅଂଶଗ୍ରହଣକାରୀମାନେ ଘରେ ବସି ଏଥିରେ ଅଂଶଗ୍ରହଣ କରିପାରିବେ ।

ପ୍ରତିବର୍ଷଭଳି ଚଳିତ ବର୍ଷ ଓଡ଼ିଶାରେ ଜନ୍ମିତ ଖ୍ୟାତିସମ୍ପନ୍ନ ଚଳଚ୍ଚିତ୍ର ନିର୍ମାତା ତଥା ପୃଷ୍ଠପୋଷକ ଜିତେନ୍ଦ୍ର ମିଶ୍ର ୯ମ ବର୍ଷ ପାଇଁ ପ୍ରଡୁ୍ୟସର ନେଟୱର୍କର ସଦସ୍ୟ ଭାବରେ ଅଂଶଗ୍ରହଣ କରୁଛନ୍ତି ।

ଏନେଇ ଜିତେନ୍ଦ୍ର ସୋସିଆଲ୍ ମିଡିଆରେ କହିଛନ୍ତି, ମୋତେ ବିଶ୍ୱାସ କର କି ନାହିଁ କିନ୍ତୁ ମୁଁ ଏହି ଫେଷ୍ଟିଭାଲରେ ନିଜକୁ ସାମିଲ କରିପାରିଛି ।

ବର୍ତ୍ତମାନ ଆମେ ସମସ୍ତେ ଭୟାନକ ପରିସ୍ଥିତିର ମୁକାବିଲା କରୁଛେ ଏବଂ ଏକ ଭଲ ଦୁନିଆ ପାଇଁ ଆଶା ରଖିଛେ । ଜୀବନ ଚାଲିବ ।

ଏଥିପାଇଁ ବିକଳ୍ପ ବାଛିବାକୁ ହେବ । ଉଭୟ ଘରେ ଏବଂ କାର୍ଯ୍ୟରେ ବୋଲି ଜିତେନ୍ଦ୍ର ମିଶ୍ର କହିଛନ୍ତି ।

ଲୋକାଲ ୱାୟାର